මාලිමා ආණ්ඩුව පිට පිටම දැවැන්ත දේශපාලන පරාජයන් දෙකක් ලැබුවා.. - නිර්මාල්..
දෙමළ ලේඛක දීපචෙල්වම්ගේ කෘති කිහිපයක් රේගුව භාරයේ රඳවා තබා ගැනීම, වත්මන් මාලිමා ආණ්ඩුව ලැබූ දැවැන්ත දේශපාලන පරාජයක් බව ඉතිහාසඥ ආචාර්ය නිර්මාල් රංජිත් දේවසිරි මහතා පවසයි.
මෙය මීට පෙර ආන්දෝලනයට තුඩු දුන් ගල් අඟුරු ගනුදෙනුව සම්බන්ධ සිදුවීම හා සමාන දේශපාලන පරාජයක් බවත්, ආණ්ඩුව බලයට පත්වීමට පදනම් වූ ප්රධාන බලකනු දෙකකට මෙම සිදුවීම් හරහා දැඩි හානි සිදුව ඇති බවත් ඔහු අවධාරණය කරයි.
ආචාර්ය දේවසිරි මහතා පෙන්වා දෙන්නේ මාලිමා ආණ්ඩුව බලයට පත්වීම සඳහා මහජන මුදල් අවභාවිතය වැළැක්වීම සහ අදහස් ප්රකාශ කිරීමේ නිදහස තහවුරු කිරීම යන ප්රධාන කතිකාවන් දෙක බලපෑ බවයි.
ගල් අඟුරු සිද්ධිය හරහා දූෂණ විරෝධී ප්රතිරූපයට හානි වූවා සේම, දීපචෙල්වම්ගේ කෘති රඳවා තබා ගැනීම හරහා ආණ්ඩුව හුස්ම ගන්නා "අදහස් ප්රකාශ කිරීමේ අයිතිය සහ ප්රජාතන්ත්රවාදී අයිතිය" නමැති කුළුණ බිඳ වැටෙමින් පවතින බව ඔහු පෙන්වා දෙයි.
මෙම ප්රශ්නය සම්බන්ධයෙන් සංස්කෘතික කටයුතු අමාත්යවරයා ඇතුළු පිරිස ඉදිරිපත් කරන තාක්ෂණික හා නෛතික කරුණු පිටුපස සැඟවීම සුදුසු නොවන බව දේවසිරි මහතා පවසයි.
මෙහි ඇති මූලික ගැටලුව අදහස් ප්රකාශ කිරීමේ අයිතිය පිළිබඳ ප්රශ්නයක් මිස තාක්ෂණික කරුණක් නොවන බව ඔහුගේ මතයයි.
අදාළ කෘතිවල "දෙමළ අන්තවාදී අදහස්" අඩංගු බවටත්, ඒවා මගින් සංහිඳියාවට බාධා වන බවටත් නැගෙන චෝදනා ආචාර්යවරයා බැහැර කරයි.
ඔහු පවසන්නේ නලින් ද සිල්වා වැනි අයගේ අදහස් ද ඇතැම් පාර්ශ්වයන්ට අන්තවාදී ලෙස පෙනිය හැකි වුවත්, එවැනි පදනම් මත අදහස් ප්රකාශ කිරීමේ අයිතිය සීමා නොකළ යුතු බවයි. එමෙන්ම, රාජ්ය බලාධිකාරය මැදිහත් වී හුදු "සැකය" මත පදනම්ව කෙනෙකුගේ අදහස් පාලනය කිරීම බරපතල තත්ත්වයක් බව ඔහු පෙන්වා දෙයි.
වර්තමාන ඩිජිටල් යුගයේ මුද්රිත කෘති රඳවා තබා ගැනීමෙන් කිසිදු ප්රායෝගික ප්රයෝජනයක් අත්නොවන බව ආචාර්යවරයා පවසයි.
සමාජ මාධ්ය හරහා ඕනෑම අදහසක් වේගයෙන් සංසරණය වන පසුබිමක, පොත් තහනම් කිරීම හරහා සිදුවන්නේ එම අදහස් පිළිබඳව මහජනතාව තුළ වැඩි උනන්දුවක් ඇතිවීම පමණක් බව ඔහු පෙන්වා දෙයි.
දැනටමත් මෙම කෘතිවල PDF පිටපත් සොයා ගැනීමට ජනතාව උත්සාහ කරමින් සිටින බව ඔහු සඳහන් කරයි.
මෙම ප්රශ්නය "ජාතික ආරක්ෂාව" පිළිබඳ ගැටලුවක් ලෙස හුවා දැක්වීම පසුගිය මහින්ද රාජපක්ෂ සහ ගෝඨාභය රාජපක්ෂ පාලන සමයන්හි දක්නට ලැබුණු ලක්ෂණයක් බවත්, වත්මන් ආණ්ඩුව ද එම උගුලේම වැටී ඇති බවත් දේවසිරි මහතා පවසයි.
සංස්කෘතික ක්ෂේත්රයට අදාළ කරුණු ජාතික ආරක්ෂාව පිළිබඳ කතිකාවට මාරු කිරීම ආණ්ඩුවේ දුර්වල අර්බුද කළමනාකරණය පෙන්නුම් කරන්නක් බව ඔහු විවේචනය කරයි.
ආණ්ඩුව වහාම මැදිහත් වී මෙම කෘති නිදහස් කිරීමට පියවර නොගතහොත්, එය ආණ්ඩුවේ පැවැත්මට පවා බලපාන බරපතල දේශපාලන පරාජයක් වනු ඇති බවට ආචාර්ය නිර්මාල් රංජිත් දේවසිරි මහතා අනතුරු අඟවයි.
සම්බන්ධිත පුවත් | Related News
ප්රධාන පුවත්
වලිකාමම් හමුදා රෝහල කඩා ඉවත් කිරීමේ සුමන්තිරන්ගේ යෝජනාව ගැන ශමීන්ද්රගෙන් අනාවරණයක්..
පාර්ලිමේන්තුවේදී ආණ්ඩුව අමාරුවේ දැමීම සඳහා විජේවීර පවුලට අවමන් කිරීම දුෂ්ඨ ක්රියාවක්.. - වෛද්ය වසන්ත බණ්ඩාර
චීන මහජන විමුක්ති හමුදාවේ 99 වැනි සංවත්සරය කොළඹදී සමරයි - ශ්රී ලංකාව සමඟ හමුදාමය සහයෝගීතාව තවදුරටත් ශක්තිමත් කිරීමට කැපවන බවට සහතිකයක්
ඊශ්රායල අගමැති අත්අඩංගුවට ගැනීමට කිසිවෙකුට ඉඩ දෙන්නේ නෑ.. - ට්රම්ප්ගෙන් දැඩි අනතුරු ඇඟවීමක්..
පුරාවිද්යා අධ්යක්ෂක සෙනරත් වික්රමසිංහ කාර්ය මණ්ඩලයට තර්ජනය කරයි..
ඉරාන යුද්ධයට වැඩි අරමුදල් ඉල්ලා එක්සත් ජනපදයේ යුද ලේකම්ත් සෙනෙට් ඩිමොක්රටික් සභිකයන්ගේ දැඩි ප්රශ්න කිරීම්වලට ලක්වේ
කියෙව් පාලනය දැඩි අර්බුදයක: ශ්රී ලංකාවේ රුසියානු තානාපති කාර්යාලයෙන් විශේෂ නිවේදනයක්
හිටපු නාවික හමුදාපති රවීන්ද්ර විජේගුණරත්නට ඇප..
ආණ්ඩුව මගින් පාවාදීම් ඉටුකර ගැනීම සහ ඉන් පසුව ආණ්ඩුව පලවා හැරීමේ සූක්ෂම වැඩපිළිවෙල ගැන වෛද්ය වසන්ත බණ්ඩාරගෙන් අනාවරණයක්.. (වීඩියෝ)
ඉස්ලාම් අන්තවාදී තර්ජන ගැන සලේ 2016 දී ආරක්ෂක මණ්ඩලය දැනුවත් කරලා.. - ඉහළ ප්රධානියෙක් එය නොසලකා හැරලා..
"කැරපොත්තන්ගේ" අරගලයේදී රාහුල් ගාන්ධි අත්අඩංගුවට – ජනතා විරෝධය හේතුවෙන් ගාන්ධිට නිදහස
ඉරානයේ ඉස්ලාමීය විප්ලවවාදී ආරක්ෂක බලකාය කුවේට්හි ඇමරිකානු රේඩාර්, චන්ද්රිකා සන්නිවේදන පද්ධති සහ ගුවන් යානා අංගනවලට දැවැන්ත ප්රහාරයක් එල්ල කරයි!
ආණ්ඩුවේ ලිංගික ඇරියස් පාසල් පද්ධතිය තුළට රිංගවීමේ උත්සාහයක්..
සෞදි අරාබියාවේ දහම් පාසල තානාපති අනින් නවත්වයි.. - ඇමති විජිත ඊට එකඟයි..
ත්රිකුණාමල තෙල් ටැංකි සංකීර්ණය සංවර්ධනයට අන්තර්ජාතික ලංසු කැඳවීමට සැරසේ..
ස්වයංක්රීය AI නියෝජිතයෙක් ප්රධාන AI ආකෘති ගබඩාවකට ප්රහාරයක් එල්ල කරයි!