ඉස්ලාමීය විප්ලවවාදී ආරක්ෂක බලකාය එල්ල කළ ප්‍රහාරවලින් ඇමරිකානු ගොඩබිමෙහි සහ මුහුදෙහි සටන් කළ හැකි ප්‍රහාරක නෞකාවක් පසුබැස යයි.

Apr 6, 2026 at 10:37 PM

|

Lanka Leader

ඉස්ලාමීය විප්ලවවාදී ආරක්ෂක බලකාය නිවේදනයක් නිකුත් කරමින් පැවසුවේ තමන් එක්සත් ජනපද සහ ඊශ්‍රායල හමුදා-කාර්මික අණදෙන ඒකකයට මෙන්ම මෙහෙයුම් සහ සැපයුම් කඳවුරු වෙත මිසයිල ප්‍රහාර එල්ල කර ඇති බවත්, දැඩි ප්‍රහාරවලින් පසු එක්සත් ජනපද නාවික හමුදාවේ  ගොඩබිමෙහි සහ මුහුදෙහි සටන් කළ හැකි USA TRIPOLI LHA-7 ප්‍රහාරක නෞකාවට පසුබැසීමට සිදු වූ බවත්ය.

ඒ අනුව අද(6)  ඉස්ලාමීය විප්ලවවාදී ආරක්ෂක බලකාය නිකුත් කළ නිවේදනයෙන් කියවුණේ , ඉස්ලාමීය විප්ලවවාදී ආරක්ෂක බලකායේ නාවික සහ අභ්‍යවකාශ බලකා ඒකක, ඇමරිකා එක්සත් ජනපදයේ සහ සියොන්වාදී තන්ත්‍රයේ අණදෙන ඒකකයකට, මෙහෙයුම්, සැපයුම් කඳවුරු සහ හමුදා-කාර්මික යටිතල පහසුකම් ඉලක්ක කර ඒකාබද්ධ හා ප්‍රතිඵල අපේක්ෂාවෙන් මූලිකව සැලසුම් කරන සහ ක්‍රියාත්මක කරන මෙහෙයුම් මාලාවක් දියත් කර ඇති බවයි.  "Operation true promise-4" හි 98 වන  මෙහෙයුම අද උදෑසන ආරම්භ වූ අතර මෙහෙයුම අතර තුර මෙලෙස ප්‍රහාර එල්ල කර ඇත.

මෙම මෙහෙයුමේ පළමු අදියරේදී, ඉස්ලාමීය විප්ලවවාදී ආරක්ෂක බලකායේ නාවික හමුදා ඊශ්‍රායල භාණ්ඩ නෞකාවක් වන SDN7 කෲස් මිසයිල මගින් නිශ්චිතවම ඉලක්ක කළ අතර, ප්‍රහාරයෙන් විනාශ වූ නෞකාව ගින්නෙන් දැඩි ලෙස හානි වූ බව නිවේදනය කළේය.

එලෙසම ටෙල් අවිව්හි උතුරු සහ දකුණු ප්‍රදේශයට, හයිෆා හි උපායමාර්ගික මධ්‍යස්ථාන වලට, බියර් ෂෙවා හි රසායනික සමාගම් සහ කර්මාන්තශාලා වලට සහ පෙටා ටික්වා හි ඊශ්‍රායල හමුදා ස්ථානගත කිරීම් වලට ඉරාන බැලස්ටික් මිසයිල මගින් නිවැරදිව ප්‍රහාර එල්ල කරන ලද බව ද නිවේදනයේ සඳහන් විය. කෙසේ වුවද ඊශ්‍රායල හමුදාවේ දියුණු යැයි පැවසෙන ගුවන් ආරක්ෂක පද්ධතිවලට ඉරාන මිසයිල වලට බාධා කිරීමට නොහැකි විය.

නාවිකයින් සහ මැරීන් භටයින් 5,000 කට අධික සංඛ්‍යාවක් සිටින සහ හෙලිකොප්ටර් රැගෙන යන ඇමරිකානු හමුදාවේ  ගොඩබිමෙහි සහ මුහුදෙහි සටන් කළ හැකි ප්‍රහාරක නෞකාවක් වන USA TRIPOLI  LHA-7 නෞකාවද ඉරාන වේගවත් මිසයිල දියත් කිරීම්වලට ගොදුරු වූ බවත්, මෙම ප්‍රහාර රැල්ලෙන් පසු ඉන්දියානු සාගරයේ දකුණු කලාපයේ ගැඹුරු මුහුදට පසුබැසීමට සිදු වූ බවත්  ඉස්ලාමීය විප්ලවවාදී ආරක්ෂක බලකාය ප්‍රකාශ කළේය.

ප්‍රහාරක මෙහෙයුමේ තවත් කොටසක, එක්සත් අරාබි එමීර් රාජ්‍යයේ සහ ඊශ්‍රායල පාලනයේ ඒකාබද්ධ ඩ්‍රෝන් නිෂ්පාදන මධ්‍යස්ථානය සහ අලි අල්-සලම් ගුවන් කඳවුරේ ස්ථානගත කර ඇති ගුවන් යානා ගණනාවක් ඩ්‍රෝන යානා සහ මිසයිල මගින් නිශ්චිතවම ඉලක්ක කර ගත් බවද  ඉස්ලාමීය විප්ලවවාදී ආරක්ෂක බලකාය පැවසීය.

සතුරු ඉලක්කවලට එරෙහිව ඉරාන සන්නද්ධ හමුදා සහ කලාපයේ ඉස්ලාමීය ප්‍රතිරෝධක කණ්ඩායම්වල ප්‍රහාරාත්මක මෙහෙයුම් දිගටම කරගෙන යන බව ප්‍රකාශයෙන් අවධාරණය කරනු ලැබීය.

ඊට අමතරව, හෝමූස් සමුද්‍ර සන්ධියේ ගමනාගමනය සහ පර්සියානු ගල්ෆ් මුහුදේ ක්‍රියාකාරකම්  ඉස්ලාමීය විප්ලවවාදී ආරක්ෂක බලකායේ නාවික හමුදා විසින් නිරීක්ෂණය කරනු ලබන අතර, විරුද්ධවාදීන්ගේ ඕනෑම සුළු චලනයකට ඉරාන හමුදාවන්ගෙන් තීරණාත්මක ප්‍රතිචාරවලට මුහුණ දීමට සිදුවනු ඇතැයි  ඉස්ලාමීය විප්ලවවාදී ආරක්ෂක බලකාය අනතුරු ඇඟවීය.