බටහිර ඉරානයේ කුහ්-සියා කලාපයට අමෙරිකානු පාබල හමුදා ගොඩ බැස ඇති බවට පලවන වාර්තා අමූලික බොරු- කොහ්ගිලුයේ සහ බෝයර්-අහමඩ් පළාතේ ආණ්ඩුකාර ඉරාජ් කසෙමිජෝ

Apr 5, 2026 at 06:38 PM

|

Lanka Leader

බටහිර ඉරානයට ඇමරිකානු පාබල හමුදා භට පිරිස් ගොඩ බැස ගැටුම් ඇතිවී තිබෙන බවට පැතිරයන ආරංචි ප්‍රතික්ෂේප කරමින්, කුහ්-සියා කලාපයේ ජීවිත හානි සිදුවී ඇත්තේ මිසයිල ප්‍රහාරයකින් මිස සෘජු ගැටුමකින් නොවන බව කොහ්ගිලුයේ සහ බෝයර්-අහමඩ් පළාතේ ආණ්ඩුකාර ඉරාජ් කසෙමිජෝ මහතා අද(05) තස්නිම් පුවත් සේවය වෙත අදහස් දක්වමින් පැවසීය. එහිදී වැඩිදුරටත් අදහස් දක්වමින් කොහ්ගිලුයේ සහ බෝයර්-අහමඩ් පළාතේ ආණ්ඩුකාරවරයා කුහ්-සියා කලාපයේ එක්සත් ජනපද පාබල හමුදා සහ ඉරාන හමුදා සම්බන්ධ ගැටුම් පිළිබඳ පලවන වාර්තා ප්‍රතික්ෂේප කළ අතර, සංසරණය වන පුවත් වාර්තා සම්පූර්ණයෙන්ම අසත්‍ය බව අවධාරණය කළේය.

කඳුකර ප්‍රදේශයේ සිදුවීම මිසයිල ප්‍රහාරයක ප්‍රතිඵලයක් බවත්, එමඟින් පුද්ගලයින් පස් දෙනෙකු මිය ගොස් තවත් හත් දෙනෙකු තුවාල ලැබූ බවත් ආණ්ඩුකාර ඉරාජ් කසෙමිජෝ පැවසීය.ඒ හැර ඉරාන හමුදා සහ ඇමරිකානු පාබල හමුදා භටයන් අතර කිසිදු සම්බන්ධයක් නොතිබූ බව ඔහු අවධාරණය කළේය.

එක්සත් ජනපද සොල්දාදුවන් එම ප්‍රදේශයට ගොඩ බැස බසිජ් හෝ ප්‍රාදේශීය ඉරාන හමුදා සමඟ ගැටුණු බවට පලවන පුවත් වාර්තා පදනම් විරහිත සහ සාවද්‍ය බව ඉරාජ් කසෙමිජෝ අවධාරණය කළේය.

පලාතේ මේ වන විට සිදු වී ඇති සියලුම ජීවිත හානි සිදුවී ඇත්තේ කුහ්-සියා කඳු මුදුන්වලට එල්ල කළ සතුරු මිසයිල බලපෑමෙන් මිස සන්නද්ධ ගැටුමකින් නොවන බව පැවසූ ආණ්ඩුකාරවරයා කොහ්ගිලුයේ ප්‍රාන්තයේ තත්වය ස්ථාවරව පවතින බවත්, පදිංචිකරුවන්ගෙන් සන්සුන්ව සිටින ලෙසත් ඉල්ලා සිටි බවත් ආණ්ඩුකාරවරයා පැවසීය.