දැවැන්ත සමාජ ආර්ථික අර්බුදයකට පියමනින ලංකා රාජ්‍ය අස්ථාවර කල හැකි සියලු විදේශීය ඒජන්තයන් නිතිය හමුවට පැමිණවිය යුතුයි - සංඛ චන්දිම අභයවර්ධන

Apr 3, 2026 at 09:53 AM

|

Lanka Leader

දැවැන්ත සමාජ ආර්ථික අර්බුදයකට පියමනින ලංකා රාජ්‍ය අස්ථාවර කල හැකි සියලු විදේශීය ඒජන්තයන් නිතිය හමුවට පැමිණවිය යුතු බව සංඛ චන්දිම අභයවර්ධන මහතා සිය සමාජ මාධ්‍ය පිටුවේ සටහනක් තබමින් පවසා තිබේ.

අදාළ සටහන පහළින්..

දැවැන්ත සමාජ ආර්ථික අර්බුදයකට පියමනින ලංකා රාජ්‍ය අස්ථාවර කල හැකි සියලු විදේශීය ඒජන්තයන් නිතිය හමුවට පැමිණවිය යුතුය..

පහත ජායාරුපය දෙස බලන්න. මේ ලංකාවේ ජීවත් වන ඊශ්‍රායලයට සේවය කිරීම තම එකම අරමුණ කරගත් තැනැත්තියකගේ ක්‍රියාවන් ඊශ්‍රායල මාධ්‍ය අගය කර ඇති අයුරු. 

කවුරු කෙසේ කිවත් 2022 වසරේ ලංකාවේ සිදුවුයේ පිඩනයට පත්ව සිටි ජනතාවගේ අසහනය තුලින් ඇමෙරිකා එක්සත් ජනපදය සහ ඔවුන්ගේ පාර්ශවකරුවන් රාජ්‍ය විනාශ කිරීමට දරන ලද උත්සාහයකි. එයට අප පොදුවේ අරගලය කියා ව්‍යවහාර කරමු. 2022 මාර්තු මස ලංකාව බංකොලොත් බවට පත්කරන විට ඒ සදහා තිරය පිටුපස සිට විශාල කාර්යක් ඉටුකරන ඉන්දියාව අපට උදව් කරනවා යයි කියමින් 2022 වසරේම අගෝස්තු මස ලංකාව මෙන් කිහිප ගුණයක් විශාල අපගේ මහද්වීපික තටාකයේ අයිතිය තහවුරු වීම එක්සත් ජාතීන්ගේ සංවිධාන තුළ වැළක්විය. ඔවුන්ගේ ලේ ගංගාවක් මතින් ලංකාව සොමලියාවක් කිරීමේ උත්සාහය මහජන සහාය හීන වීම නිසා අසාර්ථක විය. එයින් උගත් පාඩම් මත අසාර්ථක නොවන පරිදි නේපාලයේත් බංගලාදේශයේත් ඔවුන් රජයන් පෙරලා දැමුවේය. 

නමුත් ප්‍රධාන ඉල්ලකය තවමත් ලංකාව බව පැහැදිලිය. පෙර කළ වැරදි නැවත සිදු නොවන්නට ඔවුන් වග බල ගනු ඇත. ඉරානය යුද්ධයෙන් පරාජය වුවහොත් මේ සොමලියාවක් කිරීමේ ව්‍යාපෘතිය වඩාත් වේගයෙන් අප කරා එනු ඇත. අවාසනාවකට මේ තත්වය දුර තබා දුටු අපගේ අනතුරු හැගවීම් නොතකා රටම බලශක්ති අර්බුදයක සිර කල මහා ගල් අගුරු මංකොල්ලය ඉදිරියට ගෙන යාමට මාළිමා ආණ්ඩුව ක්‍රියා කළේය. අද තෙල්, සහ විදුලිය පමණක් නොව, පොහොර සහ ගොවිතැනට පමණක් නොව බිමට ජලය පවා හිඟ වන තත්වයකට අප පත්වෙමින් ඇත. ගල් අගුරු හොරකම හරහා මග පාදා ගත් ඩිසල් විදුලි මංකොල්ලය තවත් වර්ධනය කිරීමේ අරමුණෙන් ජල විදුලි බලාගාර වල ධාරිතාවය පහල හෙලීම අප ඉදිරි මාස කිහිපය තුල දරුණු අර්බුදයකට හෙලනු ඇත. 

එවන් අර්බුදයකදී ලංකාවේ දැනටම නිදහසේ සිටින බවට ප්‍රකාශිත ISIS පුහුණුව ලැබූ ත්‍රස්තයන් 300කට අසන්න ප්‍රමාණයක් සිංහල සමාජයේ මුස්ලිම් අන්තවාදයට එරෙහිව පවතින දැවැන්ත විරෝධයත් දඩමීමා කරගෙන දැනටම රට තුල තදින් ක්‍රියාත්මක වන ඊශ්‍රායල ඔත්තුසේවා ඒජන්තයන් හරහා නිවිය නොහැකි ගින්නක් ඇතිකළ හැක. පසුගියදා ප්‍රකාශ වුයේ පාස්කු ප්‍රහාරය එල්ලකරන ලද ත්‍රස්තයන්ගේ එක ඉල්ලක්කයක් වීමට නියමිතව තිබුනේ දළදා පෙරහැර බවයි. අප ගණිතමය පුරෝකථනයන් හරහා නිරීක්ෂණය කලේ මේ වසරේදී බලශක්ති, පොහොර සහ ජල අර්බුදය උග්‍රව පත්වන්නේ මැයි මස සිට අගෝස්තු මස අවසානය දක්වා කාලය තුළ බවයි. මෙහි උපරිමය ජුලි මස අවසානයේ සිට අගෝස්තු මස දක්වා විහිදීමට නියමිතය. ඉරානයට එරෙහි යුද්ධය නිසා මේ තත්වය තවදුරටත් වර්ධනය වීමට නියමිතය. මෙම කාලය උතුම් දළදා පෙරහැර ඇතුළු සිංහල බෞද්ධ සංස්කෘතික උළෙල ගණනාවක් පැවැත්වෙන අති සංවේදී කාලයකි.

මේ පසුබිමේ රට තුල කිසිම ගැටුමකට මුල පිරිය හැකි විදේශීය ඒජන්තයන් මෙන්ම ලංකාව තුල නිදහසේ සැරිසරනවා යයි කියල ISIS ත්‍රස්තයන්ද සියල්ල අත්අඩංගුවට ගත යුතුය. මේවනවිටත් ඊශ්‍රායලයට සේවය කිරීම තම මුඛ්‍ය අරමුණ ලෙස ප්‍රකාශ කර ඇති, ඊශ්‍රායලයට යටත් රජයක් ලෙස ශ්‍රී ලංකාව පත්කිරීමට ක්‍රියාකරන බව පැහැදිලිවම නිරීක්ෂණය කල හැකි ෂේනුකා ඉලන්ගසේකර නම් පුජකවරියත් තමන් ඊශ්‍රායල බුද්ධි අංශයේ යැයි අගවන ක්‍රිෂාන්ත රත්නවීර නැමැත්තාත් පිළිබද අප රහස් පොලිසියට පැමිණිලි කරන ලද්දේ පොලිසියට සහ රාජ්‍ය බුද්ධි සේවයට එකී පැමිණිල්ල භාවිත කරමින් මේ ශ්‍රී ලංකාව අස්ථාවර කල හැකි සියල්ලන් පිළිබද නිසි පරීක්ෂණයක් කිරීමට අවස්ථාව සලසන අරමුණිනි. 

උතුරු නැගෙනහිර සිංහල සංවිධානය අටවාගෙන සිටි ක්‍රිෂාන්ත රත්නවීර නමැත්ත කොටි බුද්ධි අංශ සමග යම් සබදතාවක් පවත්වාගෙන ගියේද යන කාරණයත් මේ සමගම නිතිය පසිදලන ආයතන පරික්ෂා කල යුතුය.

මේ මොහොතේ වැදගත් වන්නේ ප්‍රජාතන්ත්‍රවාදී ආකාරයෙන් පිට කිසිම බල පෙරළියකට රටේ ඇතිවෙමින් යන ඉඩ ස්ථිරවම අහුරා දැමිය යුතුය. කිසිදු ආකාරයකට ලංකාවේ ඊශ්‍රායල කොලනි ඇතිවීමට ඉඩ නොදිය යුතුය. 

1810 එවකට බ්‍රිතාන්‍ය අගවිනිසුරු ඇලෙක්සැන්ඩර් ජොන්ස්ටන් ගෙන ආ යුදෙව් කොලනියක් දකුණු ලංකාවේ ඇතිකිරීමේ යෝජනාව කිසිම අයුරකින් නැවත ක්‍රියාත්මක වීමට ඉඩ නොදිය යුතුය. මෙරට සිංහල බෞද්ධයා ඊළඟ පලස්තීන වැසියා බවට පත්වීමට කිසිදු ඉඩක් ලබා නොදිය යුතුමය. සියලු සිංහල බෞද්ධ ජාතිකවාදීන් මෙය තමන්ගේ පරම යුතුකමක් ලෙස සැලකිය යුතුය. විදේශීය රජයක අරමුදලින් යැපෙමින් ඔවුන්ට සේවය කිරීම තම අරමුණ යයි ප්‍රකාශ කරන කිසිවෙකුට ලංකාවේ දේශපාලන අයිතිය හිමි නොවිය යුතුය. ෂේනුකා ඉලන්ගසේකර සහ ක්‍රිෂාන්ත රත්නවීර කල්ලියේ ක්‍රියාකාරකම් දෙස අප විමසිල්ලෙන් බලා සිටිමු. එමෙන්ම රටේ බුද්ධි අංශ මොවුන්ට එරෙහිව නිතිය ක්‍රියාත්මක වන ආකාරයද අප විමසිල්ලෙන් බලා සිටිමු. 

- සංඛ චන්දිම අභයවර්ධන