අමෙරිකානු උපායික නාවික යාත්‍රා ඉලක්ක කර ගත් ප්‍රහාරයකින් ඇමරිකානු සෙබළු විශාල සංඛ්‍යාවක් මරා දැමුවා- ඉස්ලාමීය විප්ලවවාදී ආරක්ෂක බලකායේ මහජන සම්බන්ධතා කාර්යාලය

Mar 28, 2026 at 02:52 PM

|

Lanka Leader

තම සන්නද්ධ හමුදා ඇමරිකානු උපායික නාවික යාත්‍රා 6 ක් ඉලක්ක කර එල්ල කළ ප්‍රහාරයකින් ඇමරිකානු අන්මෙරිකානු සෙබළු විශාල සංඛ්‍යාවක් මිය ගිය බව ඉරානය පවසයි.

ඉස්ලාමීය විප්ලවවාදී ආරක්ෂක බලකායේ මහජන සම්බන්ධතා කාර්යාලය ඊයේ(27) හවස් වරුවේ නිකුත් කළ  නිවේදනයක් මගින් කියා සිටියේ “Operation True Promise 4" මෙහෙයුමේ අඛණ්ඩව සිදු කළ රැලි මාලාවේ 84 වන රැල්ලේදී , ඉස්ලාමීය විප්ලවවාදී ආරක්ෂක බලකායේ නාවික හමුදාව අල්-ෂුවයික් වරායේ සහ ඒ අවට වෙරළ තීරයේ සහ ඩුබායි වරායේ නැංගූරම් ලාසිටි අමෙරිකානු හමුදාවන්ට එරෙහිව නිශ්චිත බහුවිධ ප්‍රහාර එල්ල කළ අතර,එමගින් මානසික අවපීඩනයට පත් ඇමරිකානු සොල්දාදුවන් සහ ඔවුන්ගේ උපායික උපකරණ ප්‍රහාරයේ ඉලක්ක වූ බවයි.

“බැලස්ටික් මිසයිල සහ කෲස් මිසයිල භාවිතා කරමින් සිදු කරන ලද මෙම මෙහෙයුමේදී,  ගොඩබිමට භාණ්ඩ හා හමුදා රැගෙන යන ඇමරිකානු නාවික යාත්‍රා (ළ්CU) 6 ක් අල්-ෂුවයික් වරායේදී ප්‍රහාරයට ලක්වූ බවයි.එලෙසම ප්‍රකාශයට අනුව ක්ෂේත්‍ර වාර්තා මත පදනම්ව, පහර කෑමට ලක්වූ අමෙරිකානු ප්‍රහාරක යාත්‍රා 3 ක් මුහුදේ ගිලී ගිය බවත් ඉතිරි ඒවා ගිනි ගනිමින් පවතින බවත් තහවුරුව තිබේ.

ඒ සමඟම, ඇමරිකානු ඩ්‍රෝන ඒකකයේ නිලධාරීන් එක්රැස් වන වෙරළ තීරයේ සහ ඩුබායි හි එක් හෝටලයකට මරාගෙන මැරෙන ඩ්‍රෝන යානා යොදා ගනිමින් ඩ්‍රෝන මෙහෙයුම් සිදු කළ බවත්,එමගින් අදාළ මධ්‍යස්ථාන නිශ්චිත ඉලක්ක බවට පත්වූ බවත් ප්‍රකාශයේ සඳහන් වේ.

“මෙම මෙහෙයුමේදී, උපායික යාත්‍රා ගිල්වීමට අමතරව, ඇමරිකානු සෙබළුන් විශාල සංඛ්‍යාවක් ද ඝාතනයට ලක් වූවා” යනුවෙන් ප්‍රකාශයේ වැඩිදුරටත් සඳහන් විය.