ඉරාන විදේශ අමාත්‍ය අරාග්චි සාකච්ඡා ප්‍රතික්ෂේප කරමින් සතුරාට එරෙහි ප්‍රහාර එල්ල කරන බව නැවත අවධාරණය කරයි.
ඉරාන විදේශ අමාත්‍ය සෙයිද් අබ්බාස් අරාග්චි ආක්‍රමණිකයින්ට එරෙහිව ප්‍රතිරෝධය දැක්වීමේ ප්‍රතිපත්තිය ඉදිරියටත් පවත්වාගෙන යාමට ඉරානය ගෙන ඇති තීන්දුව නැවත අවධාරණය කළේය.
"වර්තමානයේ, අපගේ ප්‍රතිපත්තිය සතුරාට එරෙහිව දක්වන ප්‍රතිරෝධය දිගටම කරගෙන යාමයි. ඒ නිසා කිසිදු සාකච්ඡාවක් සිදුවී නැහැ." ඉරානයේ ඉහළම රාජ්‍ය තාන්ත්‍රිකයා ඊයේ(25) රූපවාහිනී සම්මුඛ සාකච්ඡාවකට එක් වෙමින් පැවසීය.
"කිසිදු සාකච්ඡාවක් සිදුවෙමින් පවතින්නේ නැහැ." ඔහු තම අදහස් දැක්වීම් වලදී නැවත අවධාරණය කළේ බාහිර පාර්ශව විසින් ලබා දෙන සහතිකවල ඇති විශ්වසනීයත්වය ප්‍රශ්න කිරීමට අමතරව ය.
"කලාපීය වශයෙන් ඉරානය රාජ්‍ය තාන්ත්‍රික සම්බන්ධතා වර්ධනය කරගෙන ඇති නමුත් ටෙහෙරානයේ ස්ථාවරය වෙනස් වී නැහැ." අමාත්‍යවරයා පැවසූ බව Press TV වාර්තා කළේය.
"කලාපයේ බොහෝ විදේශ අමාත්‍යවරුන් ටෙහෙරානයට ආමන්ත්‍රණය කර තිබෙනවා. නමුත් ඉරානයේ 'ප්‍රතිපත්තිමය ස්ථාවරය' ස්ථිරව පවතිනවා."
'ඉරානය ජාත්‍යන්තරය ලබාදෙන ඇපකර ප්‍රතික්ෂේප කරන අතර ඒ වෙනුවට පළිගැනීමේ තර්ජනය ඉරානයේ සහතිකය ලෙස විශ්වාසය තබනවා.' විදෙස් අමාත්‍යවරයා වැඩිදුරටත් පැවසුවේය.
"ජාත්‍යන්තරය ලබා දෙන ඇපකර සියයට සියයක් විශ්වාසදායක නැහැ." ඉස්ලාමීය ජනරජයේ පැත්තෙන් තීරණාත්මක පළිගැනීමකට තුඩු දී ඇති නීති විරෝධී ආක්‍රමණය අවසන් කිරීම සඳහා අතරමැදියන් ලෙස ක්‍රියා කිරීමට සමහර තුන්වන රටවල් විසින් උත්සහා කරනු ලැබුවේ යැයි පලවන මාධ්‍ය වාර්තා පිළිබඳව සඳහන් කරමින් ඉරාන විදෙස් අමාත්‍යවරයා පැවසීය.
"අප විසින්ම නිර්මාණය කරන ලද ආවේණික සහතිකය හරහා, ඉරාන ජනතාව සමඟ නැවත යුද්ධයකට යාමට කිසිවෙකු එඩිතර නොවනු ඇත," යනුවෙන් අමාත්‍යවරයා තවදුරටත් පැවසීය. ඉරාන පළිගැනීම් පිළිබඳව සඳහන් කරමින් ඉරාන සන්නද්ධ හමුදා කලාපය පුරා සංවේදී හා උපායමාර්ගික ඇමරිකානු සහ ඊශ්‍රායල ඉලක්කවලට එරෙහිව අවම වශයෙන් නොනවත්වා ප්‍රතිප්‍රහාර රැළි 81 එල්ල කර ඇති බව අනාවරණය කළේය.
සතුරා කල් පවතින පාඩමක් ඉගෙන ගත යුතුයි!
එහිදී වැඩිදුරටත් අදහස් දක්වමින්, විදේශ අමාත්‍යවරයා අවධාරණය කළේ, "සහතික නොමැතිව කෙරෙන සටන් විරාමයක් යනු යුද්ධය නැවත ඇති කිරීමට පමණක් හේතු වන විෂම චක්‍රයක්." යනුවෙනි.
"සතුරා පාඩමක් ඉගෙන ගත යුතු අතර එමඟින් ඔහු නැවත කිසි දිනෙක එවැනි තවත් ප්‍රහාරයක් දියත් කිරීමට සිතන්නේවත් නැහැ. ඉරාන ජනතාවට සිදු වූ හානිවලට සතුරා වන්දි ගෙවිය යුතුයි." අමාත්‍යවරයා පැවසීය.
ඇමරිකා එක්සත් ජනපදය සත්කාරක රටවල් සඳහා වගකීමක් දරනවා!
ඇමරිකා එක්සත් ජනපදයට කලාපීය භූමි ප්‍රදේශ තුළ මුරපොලවල් පිහිටුවීමට ඉඩ දීම සත්කාරක රටවල ආරක්ෂාවට දායක වීමට වඩා ඔවුන්ගේ ආරක්ෂාවට හානි කරන ආකාරය මෑත කාලීන වර්ධනයන් ඔප්පු කර ඇති බව ද අමාත්‍යවරයා සිය සාකච්ඡාවේදී පෙන්වා දුන්නේය.
"මෙම යුද්ධය බොහෝ සත්‍යයන් හෙළි කළ අතර, ඉන් එකක් නම්, එක්සත් ජනපද කඳවුරු සත්කාරක රටවලට ආරක්ෂාව සැපයීමට අපොහොසත් වූවා පමණක් නොව, ඇත්ත වශයෙන්ම, ඔවුන්ට අනාරක්ෂිතභාවයේ මූලාශ්‍රයක් බවට පත් වූවා." අමාත්‍යවරයා පැවසීය.
ආක්‍රමණයට එරෙහිව පළිගැනීමක් ලෙස සහ සත්කාරක රටවල් ආක්‍රමණිකයන් සමඟ සහයෝගයෙන් කටයුතු කිරීම හේතුවෙන් කටාර්, බහරේන්, කුවේට්, සවුදි අරාබිය සහ ජෝර්දානය වැනි කලාපීය රාජ්‍යයන්හි ඇමරිකානු මුරපොලවල් වෙත ඉරාන සන්නද්ධ හමුදා විසින් ප්‍රහාර එල්ල කර ඇති අවස්ථා ගණනාවක් ගැන අමාත්‍ය අරාග්චි සඳහන් කරනු ලැබීය.
"මෙම රටවලට ඉරානය පහර දෙන්නේ ඒවායෙහි සතුරාගේ කඳවුරු තිබීම නිසායි." අමාත්‍ය අරාග්චි අවධාරණය කළේය.
"කලාපයේ රටවලට මම ලබාදෙන පැහැදිලි පණිවිඩය නම්, ඔවුන් අනිවාර්යයෙන්ම ඉරානයේ භූමියට සහ ජනතාවට එරෙහි ඇමරිකානු-සියොන්වාදී ආක්‍රමණයෙන් ඈත් වී මෙම යුද්ධයෙන් වෙන් විය යුතු බවයි."
විදේශ අමාත්‍යවරයා සිය කණගාටුව ප්‍රකාශ කරමින් ප්‍රකාශ කළේ සමහර කලාපීය රටවල් ඉරානයට එරෙහිව තම භූමිය භාවිතා කිරීමට ඉඩ නොදෙන බව කලින් පවසා ඇති නමුත් පසුව එම පොරොන්දුව කඩ කළ බවයි. "එම රටවල් කිසිවක් නොදැන මෙය සිදු වූ බව අපට විශ්වාස කළ නොහැකියි." ඔහු පැවසීය.
පළිගැනීම ඉරාන ඉතිහාසයේ ස්වර්ණමය මොහොතක් සනිටුහන් කරනවා
සතුරු ආක්‍රමණයෙන් පසුව ඉරානය ගමන් කළ ගමන් පථය මෙන්ම ඉරාන සන්නද්ධ හමුදා බැලස්ටික් සහ හයිපර්සොනික් මිසයිල සිය ගණනක් මෙන්ම සතුරු මර්මස්ථාන වෙත ඩ්‍රෝන යානා ප්‍රහාර එල්ල කළ ඉරානයේ අධිෂ්ඨානශීලී ප්‍රතිප්‍රහාර පිළිබඳවද අමාත්‍ය අරාග්චි අදහස් දැක්වීය.
ඉරානය බෙදීම, වේගවත් ජයග්‍රහණයක් ලබා ගැනීම සහ දේශීය සහජීවනය අඩපණ කිරීම ඇතුළු සතුරාගේ අරමුණු කිහිපයක් ඉටු කිරීමට සතුරා අසමත් වූ බව විදෙස් අමාත්‍යවරයා සිය සාකච්ඡාවේදී පෙන්වා දුන්නේය.
ඉරානයේ පළිගැනීමේ ප්‍රහාර එහි ඉතිහාසයේ "ස්වර්ණමය අවධියක් " බවට පත්ව ඇත්තේ න්‍යෂ්ටික බලයෙන් සන්නද්ධ ආක්‍රමණිකයන් දෙදෙනෙකු ඔවුන්ගේ ඉලක්ක කරා ළඟා වීම ඉරානය විසින් වළක්වා ඇති නිසා බව අමාත්‍යවරයා පැවසීය.
ටෙහෙරානයට "කොන්දේසි විරහිතව යටත් විය යුතු" බව ආක්‍රමණිකයා ආරම්භයේදීම අවධාරණය කර සිටියද, පළිගැනීමේ ප්‍රහාර වලින් ලැබුණු සම්පූර්ණ ජයග්‍රහණය, ආක්‍රමණිකයන් ඉස්ලාමීය ජනරජය සමඟ සාකච්ඡා සම්බන්ධයෙන් අදහස් ප්‍රකාශ කිරීමෙන් හෙළි වූ බව අමාත්‍යවරයා වැඩිදුරටත් පැවසීය.
"ඔවුන් දැන් සාකච්ඡා සඳහා යෝජනා කිරීමම පරාජය පිළිගැනීමක්. ඔවුන් දැන් 'කොන්දේසි විරහිතව යටත් වීම' පිළිබඳව කතා කරන්නේ නැද්ද? ඉතින් ඔවුන් දැන් සාකච්ඡා සඳහා ඔවුන්ගේ ඉහළම නිලධාරීන් බලමුලු ගන්වන්නේ ඇයි?" අමාත්‍ය අරක්චි ප්‍රශ්න කළේය.
පසුගිය මාසයේ අගභාගයේදී ඇති වූ ආක්‍රමණයේ ආරම්භයේ සිට ඉරානය සතුරන්ට සහ ඔවුන්ගේ සහචරයින්ට වසා දමා ඇති හෝර්මුස් සමුද්‍ර සන්ධිය සම්බන්ධයෙන්, මිත්‍රශීලී රටවලට උපායමාර්ගික මුහුදු මාර්ගය විවෘතව පවතින බව අමාත්‍ය අරාග්චි අවධාරණය කළේය.
"අපගේ මිතුරන් ලෙස අප හඳුනාගත් සමහර රටවලට, අපි හෝර්මුස් සමුද්‍ර සන්ධිය හරහා ගමන් කිරීමට ඉඩ දෙනවා. අපි චීනය, රුසියාව, ඉන්දියාව, ඉරාකය සහ පකිස්ථානයට හෝර්මුස් සමුද්‍ර සන්ධිය හරහා ගමන් කිරීමට ඉඩ දෙනවා." අමාත්‍යවරයා පැවසීය.
"අපගේ සතුරාට හෝර්මුස් සමුද්‍ර සන්ධිය හරහා ගමන් කිරීමට ඉඩ දීමට අපට කිසිදු හේතුවක් නැහැ." අමාත්‍යවරයා දැඩිව අවධාරණය කළේය.
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..