මෙරට ඇගළුම් කර්මාන්තය විශාල අවදානමක..
මෑතකාලීන ගෝලීය තත්ත්වයන් හමුවේ මෙරට ඇඟලුම් කර්මාන්තය තවදුරටත් ඇමරිකා එක්සත් ජනපදය, යුරෝපා සංගමය සහ එක්සත් රාජධානියේ වෙළෙඳපොළවල් මත යැපීම විශාල අවදානමක් බව ඒකාබද්ධ ඇඟලුම් සංසදයේ සභාපති ෆීලික්ස් ඒ. ප්රනාන්දු සඳහන් කරන්නේය.
ඇඟලුම් අපනයනයෙන් ශ්රී ලංකාව දැනට සිටින ස්ථානය සහ ඉලක්ක කරන ස්ථානය අතර තවමත් සැලකියයුතු පරතරයක් පවතින බවත්, එම පරතරය පියවීම සඳහා සුලු සහ තාවකාලික විසඳුම්වලට වඩා සැලසුම් සහගත ප්රතිපත්තිමය වෙනස්කම් අවශ්ය වන බවත් ඔහු පවසන්නේය.
එම සංගමය නිවේදනයක් නිකුත් කරමින් සඳහන් කරන්නේ ඩොලර් බිලියන 8ක ඇඟලුම් අපනයන ඉලක්කයක් වෙත ළඟා වීමට නම්, ශ්රී ලංකාවේ ඇඟලුම් කර්මාන්තය නව මුහුණුවරක් ගත යුතු බවය.
වසර ගණනාවක් පුරා ශ්රී ලාංකීය ඇඟලුම් ක්ෂේත්රය විසින් ගුණාත්මකභාවය සහ අනුකූලත්වය යන අංශවල ප්රමුඛ වෙළෙඳ නාමයන්ට වටිනා සේවාවක් සැපයිය හැකි බව පෙන්වා දී ඇති බවත්, මෙම කර්මාන්තයේ අනාගතය මෙම කීර්තිනාමය මත පමණක් පිහිටා ගොඩනැගිය නොහැකි බවත් එම නිවේදනයේ දැක්වේ.
“ඩොලර් බිලියන 08ක ඉලක්කය වෙත යාම ඉතා වැදගත් වන්නේ එය ඇඟලුම් කර්මාන්තයට පොදු දිශානතියක් ලබා දෙන බැවිනි. කෙසේ වෙතත් මෙම අරමුණ හුදෙක් පුවත් පත් ශීර්ෂයකට පමණක් සීමා නොවී වඩාත් ප්රායෝගික ලෙස ජාතික න්යාය පත්රයක කොටසක් බවට පත් විය යුතුව ඇත. ශ්රී ලංකා ඇඟලුම් කර්මාන්තයේ ප්රකාශිත අපනයන දත්ත අනුව, 2025 වසර සඳහා රෙදිපිලි සහ ඇඟලුම් අපනයන ආදායම ඇමරිකානු ඩොලර් බිලියන 5 කට මඳක් ඉක්මවා තිබේ. ගෝලීය වශයෙන් අභියෝගාත්මක පරිසරයක් තුළ මෙය සාර්ථක ප්රතිඵලයක් වුවද, අප දැනට සිටින ස්ථානය සහ අප ඉලක්ක කරන ස්ථානය අතර තවමත් සැලකිය යුතු පරතරයක් පවතින බව ද පෙන්වා දිය හැක.’’ යැයිද නිවේදනයේ සඳහන්ය.
ඇඟලුම් කර්මාන්තය සාම්ප්රදායිකව ඇමරිකා එක්සත් ජනපදය, යුරෝපා සංගමය සහ එක්සත් රාජධානිය මත විශාල ලෙස රඳා පවතින බවත්, මෙම වෙළෙඳපොළ තුන එක්ව ගත් විට ලංකාවේ ඇඟලුම් අපනයන ආදායමෙන් සියයට 85 ක් පමණ කොටසක් නියෝජනය කරන බවත්, එම වෙළෙඳපොළවල්වල පාරිභෝගික ඉල්ලුම දුර්වල වූ විට, තීරුබදු ප්රතිපත්ති වෙනස් වූ විට, නීතිමය සහ අනුකූලතා නියාමනයන් දැඩි වූ විට හෝ වෙෙළඳ නාමයන් තම සැපයුම් රටාවන් වෙනස් කළ විට, එම බලපෑම් අපගේ මුළු කර්මාන්තයම පුරා පැතිර යන බවත් එම නිවේදනයේ දැක්වේ.
ඩොලර් බිලියන 8ක ඇඟලුම් අපනයන ඉලක්කය සපුරා ගැනීමට නම් පවතින වෙළෙඳපොළ තත්ත්වය මත යැපීම ප්රමාණවත් නොවන බව අප වටහා ගත යුතු බවත්, මෙතෙක් ලංකාව විසින් ප්රවේශ නොවූ වෙළෙඳපොළ වෙත ප්රවේශ වීම සඳහා ශක්තිමත් අපනයන පදනමක් මෙරට ඇඟලුම් ක්ෂේත්රය විසින් ගොඩනැංවිය යුතුව ඇති බවත් සභාපතිවරයා සඳහන් කරයි.
ආසියානු කලාපය, මැදපෙරදිග, අප්රිකාව, ආසියාවේ නැගෙනහිර වෙළෙඳපොළ සහ BRICS කලාපීය වෙළෙඳපොළ වෙත ප්රවේශ වෙමින් ඇඟලුම් අපනයන ආදායම පුළුල් කිරීම සඳහා තිරසාර වැඩපිළිවෙළක අවශ්යතාව දැඩිව දැනී තිබෙන බවද නිවේදනයේ දැක්වේ.
Aruna
සම්බන්ධිත පුවත් | Related News
ප්රධාන පුවත්
වලිකාමම් හමුදා රෝහල කඩා ඉවත් කිරීමේ සුමන්තිරන්ගේ යෝජනාව ගැන ශමීන්ද්රගෙන් අනාවරණයක්..
පාර්ලිමේන්තුවේදී ආණ්ඩුව අමාරුවේ දැමීම සඳහා විජේවීර පවුලට අවමන් කිරීම දුෂ්ඨ ක්රියාවක්.. - වෛද්ය වසන්ත බණ්ඩාර
චීන මහජන විමුක්ති හමුදාවේ 99 වැනි සංවත්සරය කොළඹදී සමරයි - ශ්රී ලංකාව සමඟ හමුදාමය සහයෝගීතාව තවදුරටත් ශක්තිමත් කිරීමට කැපවන බවට සහතිකයක්
ඊශ්රායල අගමැති අත්අඩංගුවට ගැනීමට කිසිවෙකුට ඉඩ දෙන්නේ නෑ.. - ට්රම්ප්ගෙන් දැඩි අනතුරු ඇඟවීමක්..
පුරාවිද්යා අධ්යක්ෂක සෙනරත් වික්රමසිංහ කාර්ය මණ්ඩලයට තර්ජනය කරයි..
ඉරාන යුද්ධයට වැඩි අරමුදල් ඉල්ලා එක්සත් ජනපදයේ යුද ලේකම්ත් සෙනෙට් ඩිමොක්රටික් සභිකයන්ගේ දැඩි ප්රශ්න කිරීම්වලට ලක්වේ
කියෙව් පාලනය දැඩි අර්බුදයක: ශ්රී ලංකාවේ රුසියානු තානාපති කාර්යාලයෙන් විශේෂ නිවේදනයක්
හිටපු නාවික හමුදාපති රවීන්ද්ර විජේගුණරත්නට ඇප..
ආණ්ඩුව මගින් පාවාදීම් ඉටුකර ගැනීම සහ ඉන් පසුව ආණ්ඩුව පලවා හැරීමේ සූක්ෂම වැඩපිළිවෙල ගැන වෛද්ය වසන්ත බණ්ඩාරගෙන් අනාවරණයක්.. (වීඩියෝ)
ඉස්ලාම් අන්තවාදී තර්ජන ගැන සලේ 2016 දී ආරක්ෂක මණ්ඩලය දැනුවත් කරලා.. - ඉහළ ප්රධානියෙක් එය නොසලකා හැරලා..
"කැරපොත්තන්ගේ" අරගලයේදී රාහුල් ගාන්ධි අත්අඩංගුවට – ජනතා විරෝධය හේතුවෙන් ගාන්ධිට නිදහස
ඉරානයේ ඉස්ලාමීය විප්ලවවාදී ආරක්ෂක බලකාය කුවේට්හි ඇමරිකානු රේඩාර්, චන්ද්රිකා සන්නිවේදන පද්ධති සහ ගුවන් යානා අංගනවලට දැවැන්ත ප්රහාරයක් එල්ල කරයි!
ආණ්ඩුවේ ලිංගික ඇරියස් පාසල් පද්ධතිය තුළට රිංගවීමේ උත්සාහයක්..
සෞදි අරාබියාවේ දහම් පාසල තානාපති අනින් නවත්වයි.. - ඇමති විජිත ඊට එකඟයි..
ත්රිකුණාමල තෙල් ටැංකි සංකීර්ණය සංවර්ධනයට අන්තර්ජාතික ලංසු කැඳවීමට සැරසේ..
ස්වයංක්රීය AI නියෝජිතයෙක් ප්රධාන AI ආකෘති ගබඩාවකට ප්රහාරයක් එල්ල කරයි!