දෙවන ඇමරිකානු F-35 ප්‍රහාරක ගුවන් යානය විනාශය පිළිබඳ වාර්තා තවමත් තහවුරු කර නැහැ-තස්නිම් පුවත් සේවය පවසයි

Mar 20, 2026 at 12:10 PM

|

Lanka Leader

ඉරානයට ඉහළින් පියාසර කරමින් තිබූ දෙවන F-35 ප්‍රහාරක ජෙට් යානය විනාශ කිරීම පිළිබඳව පලවන මෑත කාලීන මාධ්‍ය වාර්තා මෙතෙක් තහවුරු කර නොමැති බව ඉරාන බලධාරින් පවසා ඇතැයි ඉරාන තස්නිම් ප්‍රවෘත්ති ඒජන්සිය පවසයි.

තස්නිම් ප්‍රවෘත්ති ඒජන්සියට අදහස් දැක්වූ ඉරානයේ  වගකිව යුතු නිලධාරියෙකු පවසා සිටියේ,  “දෙවන ඇමරිකානු F-35 ප්‍රහාරක ගුවන් යානය විනාශ වීම පිළිබඳව සංසරණය වන මාධ්‍ය වාර්තාව මෙතෙක් තහවුරු කිරිමට තමන්ට නොහැකි බවයි.”

“පළමු F-35 ප්‍රහාරක ගුවන් යානය තවදුරටත් ඉලක්ක කිරීම යටපත් කිරීම සඳහා මෙම ව්‍යාජ පුවත ඇමරිකානුවන් සහ ඊශ්‍රායල මුලාශ්‍ර විසින්ම පතුරුවා හැරීමට ඉඩ තිබෙනව.” ලෙස ප්‍රවෘත්ති මූලාශ්‍රය තවදුරටත් පැවසූ බව තස්නිම් ප්‍රවෘත්ති ඒජන්සිය පවසයි.

දෙවන F-35 ප්‍රහාරක ගුවන් යානය විනාශය තහවුරු වුවහොත් අදාළ ඉරාන නිලධාරීන් එය නිවේදනය කරනු ඇති බවද තස්නිම් ප්‍රවෘත්ති ඒජන්සිය පවසයි.

ඇමරිකානු F-35 ප්‍රහාරක ගුවන් යානය විනාශය ලෝකයේ එක්සත් ජනපද හමුදා තාක්ෂණිකව උසස් යැයි පතුරුවන මිත්‍යාව ප්‍රායෝගිකව විනාශ කළ බවත්, මේ හේතුව නිසා, තහවුරු නොකළ කටකතා පතුරුවා හැරීම සහ ඒවා ප්‍රතික්ෂේප කිරීම වැනි උත්සාහයන් එක්තරා ආකාරයක ව්‍යාජත්වය පතුරුවන මාධ්‍ය ව්‍යාපාරයක් විය හැකි බවත් ඉහත සඳහන් කළ නිළධාරියා පැවසූ බව තස්මින් ප්‍රවෘත්ති ඒජන්සිය පවසයි.

මීට පෙර, නිකුත් කළ නිවේදනයක් මගින් ඉස්ලාමීය විප්ලවවාදී ආරක්ෂක බලකාය (IRGC) පවසා සිටියේ මධ්‍යම ඉරානයේ ගුවන් කලාපයේදී ඇමරිකානු ගුවන් හමුදාවේ F-35  ප්‍රහාරක ගුවන් යානයට  රහසිගත ප්‍රහාරක ජෙට් යානයක් මගින් සාර්ථකව පහර දුන් බවයි.

ඉස්ලාමීය විප්ලවවාදී ආරක්ෂක බලකාය විසින් ඊයේ(19) සිය නිල ප්‍රවෘත්ති වෙබ් අඩවියේ පළ කළ නිවේදනයකට අනුව,  F-35 ප්‍රහාරක ගුවන් යානයට ඉරාන වේලාවෙන් අලුයම 2:50 ට ඉස්ලාමීය විප්ලවවාදී ආරක්ෂක බලකායේ දියුණු, නවීන ගුවන් ආරක්ෂක පද්ධති මගින් පහර එල්ල කරන ලද බවයි.

"ප්‍රහාරක ජෙට් යානයේ ඉරණම අපැහැදිලි වන අතර විමර්ශනය කරමින් පවතින අතර, එය කඩා වැටීමේ සම්භාවිතාව ඉතා ඉහළ යි." නිවේදනය පැවසීය.

ඉරානයේ ගුවන් ආරක්ෂක පද්ධති මගින් එක්සත් ජනපද-ඊශ්‍රායල ඩ්‍රෝන යානා 125 කට වැඩි ප්‍රමාණයක් සාර්ථකව බිම හෙළීමෙන් පසුව මෙම ප්‍රහාරය එල්ල කළ බව ඉස්ලාමීය විප්ලවවාදී ආරක්ෂක බලකාය සඳහන් කළ අතර, එය රටේ ඒකාබද්ධ ගුවන් ආරක්ෂක ජාලයේ සැලකිය යුතු හා අරමුණු සහිත වැඩිදියුණු කිරීම් පෙන්නුම් කරයි.

සිද්ධිය පිළිබඳ වැඩිදුර තොරතුරු තවමත් විමර්ශනය වෙමින් පවතී.