මැදපෙරදිග අමෙරිකානු ආරක්ෂක මධ්යස්ථාන සියල්ල විනාශ වෙලා.. ශ්රී ලංකාව ඉන්දියන් සාගර කලාපයේ විශ්වාසනීය හමුදා මධ්යස්ථානයක් කරගැනීමට අමෙරිකාව උත්සාහ දරනවා - විමල්ගෙන් අනාවරණයක්
ඉන්දියාවේ පැවති ‘මිලාන් 2026’ නාවික අභ්යාසයට සහභාගී වීමට පැමිණි ඉරාන නාවික හමුදා බලකායට අමෙරිකාව විසින් සබ්මැරීන පාවිච්චි කර පහර දීමට සැලසුම් කර තිබූ බවත්, ඒ පිළිබඳව ඉන්දියාවේ ‘රෝ’ (RAW) ඔත්තු සේවය දැනුවත්ව සිටි බවත් ජාතික නිදහස් පෙරමුණේ නායක, හිටපු අමාත්ය විමල් වීරවංශ මහතා පවසයි.
ඉන්දියාවේ නිල ආරාධනය පරිදි ‘මිලාන් 2026’ අභ්යාසය සඳහා ඉරාන නාවික හමුදාවේ නිලධාරීන් සහ කැඩෙට් භටයන් පිරිසක් පැමිණ සිටි අතර, මීට සහභාගී වීමට නියමිතව සිටි අමෙරිකානු නාවික හමුදාව අවසන් මොහොතේ ඉන් ඉවත් වූ බව ඔහු පෙන්වා දෙයි.
පාස්කු ප්රහාරයක් එල්ල වන බවට දින දෙකකට පෙර පවා දැනුම් දීමට තරම් බුද්ධි මෙහෙයුම් පද්ධතියක් ඇති ඉන්දියාවට, තම රටට ආරාධිතව පැමිණි පිරිසකට එල්ල වීමට ගිය මෙම ප්රහාරය ගැන නොදැන සිටීමට නොහැකි බව වීරවංශ මහතා අවධාරණය කරයි.
මෙවැනි අවදානමක් දැනගෙනත් ඉරාන යාත්රාවලට තම රටෙන් පිටව යාමට ඉඩ දීම හරහා ඉන්දියාව සදාචාරාත්මකව බරපතල වරදක් කර ඇති බවත්, ඉන්දියාව කිසිසේත් විශ්වාස කළ නොහැකි රටක් බව මින් යළිත් ඔප්පු වන බවත් ඔහු සඳහන් කළේය.
අදාළ නෞකාව කොළඹ වරායට පැමිණීමට අවසර ඉල්ලූ අවස්ථාවේදී, කොළඹ සිටින අමෙරිකානු තානාපති කාර්යාල නිලධාරීන් ශ්රී ලංකා බලධාරීන්ට තර්ජනය කරමින් පවසා ඇත්තේ එම නෞකාව වරායට ඇතුළු කරගතහොත් ගුවන් මගින් ඊට පහර දීමට සිදුවන බවයි.
මෙම තර්ජනය හමුවේ ආරක්ෂක ලේකම්වරයා විසින් නෞකාව භාරගත නොහැකි බවට ඉරාන තානාපතිවරයා වෙත ලිඛිතව දැනුම් දී ඇත. කෙසේ වෙතත්, රජය අභ්යන්තරයේ සිටින මුස්ලිම් දේශපාලනඥයන් පිරිසක් මැදිහත් වී ජනාධිපතිවරයාට බලපෑම් කිරීම හේතුවෙන්, අවසානයේ නෞකාව ත්රිකුණාමලයට රැගෙන යාමටත් එහි සිටින පුද්ගලයන් කොළඹට ගෙන්වා ගැනීමටත් එකඟතාවයක් ඇති කරගත් බව වීරවංශ මහතා අනාවරණය කළේය.
අමෙරිකාව මේ වන විට ශ්රී ලංකා රජයට දැඩි බලපෑම් එල්ල කරමින් සිටින්නේ මෙම නෞකාවට හෝ එහි සිටින පුද්ගලයන්ට පිටව යාමට ඉඩ නොදෙන ලෙසයි. මැදපෙරදිග කලාපයේ පවත්වාගෙන ගිය සියලුම අමෙරිකානු ආරක්ෂක මධ්යස්ථාන විනාශ වී ඇති බැවින්, ඉන්දියන් සාගර කලාපයේ පිහිටි ශ්රී ලංකාව වඩාත් විශ්වාසනීය හමුදා මධ්යස්ථානයක් කරගැනීමට අමෙරිකාව උත්සාහ කරමින් සිටින බව ඔහු වැඩිදුරටත් පැවසීය.
මෙම තත්ත්වය හරහා ශ්රී ලංකාව ජාත්යන්තර ගැටුම්වල සෘජු පාර්ශවකරුවෙකු කරමින් රට දඩබිමක් බවට පත් කිරීමට උත්සාහ දරන බවට ද හිටපු අමාත්යවරයා අනතුරු ඇඟවීය
සම්බන්ධිත පුවත් | Related News
ප්රධාන පුවත්
ඇමරිකාවේ ගල්ෆ් යුද යන්ත්රය: ලොවට හෙළිවූ මැද පෙරදිග එක්සත් ජනපද හමුදා ජාලය
මැදපෙරදිග අමෙරිකානු ආරක්ෂක මධ්යස්ථාන සියල්ල විනාශ වෙලා.. ශ්රී ලංකාව ඉන්දියන් සාගර කලාපයේ විශ්වාසනීය හමුදා මධ්යස්ථානයක් කරගැනීමට අමෙරිකාව උත්සාහ දරනවා - විමල්ගෙන් අනාවරණයක්
යටත් නොවී දිගටම සටන් කරනවා.. - ඉරාන ජනාධිපති කියයි..
2024 දී ශුද්ධ ලාභයක් වාර්තා කළ ලංවිම 2025 අවසානයේ දැවැන්ත අලාභයක් ලබලා..
ආර්ථික මධ්යස්ථාන එකතු කර රාජ්ය සමාගමක් පිහිටුවීම සම්බන්ධයෙන් ගොවිජන පවුරෙන් ඇමති වසන්තට යෝජනාවලියක්..
ඉරාන නාවික කාර්ය මණ්ඩලය යළි භාර නොදෙන ලෙසට අමෙරිකාවෙන් ශ්රී ලංකාවට බලපෑම්?
යුද හානිය නිරූපණය කරන ඡායාරූප,වීඩියෝ ආදිය සමාජ මාධ්ය වල හෝ වෙනත් මාධ්ය වල පල කිරීමට අනුබල දෙන්නට ඩුබායි බලධාරින්ගෙන් අනතුරු ඇඟවීම්
USS ඒබ්රහම් ලින්කන් ප්රහාරක කණ්ඩායම පසුබැස්සවීමට කටයුතු කළා- ඉරාන හමුදා ප්රකාශක එබ්රහිම් සොල්ෆගාරි
යුද්ධය නිසා නැවු රක්ෂණ ගාස්තු පස් ගුණයකින් වැඩි වෙයි.. භාණ්ඩ මිල ඉහළ යාමේ අවදානමක්..
ජනාධිපතිගේ “හුණ්ඩුව” යට ධම්මික පෙරේරාගේ “ගුණ්ඩුව” සඟවයි.. - විමල්ගෙන් විශේෂ හෙළිදරව්වක්...
ලංවිම අහෝසි කරමින් නව සමාගම් 06ක් පිහිටුවීමට ගැසට්ටුව නිකුත් කෙරේ..
"IRIS Dena" වෙනුවෙන් ඉරානය පලිය ගනී.. - ගලෆ් කලාපයේදී අමෙරිකානු නැවකට ප්රහාරයක්
ගාල්ල වරායට එන්න අපේ ආණ්ඩුවෙන් අවසර ඉල්ලලා පැය 11ක් ඉරාන නැව නවත්තගෙන හිටියා.. තොරතුර ඇමෙරිකාවට ගියා.. - මුජිබුර් රහුමාන්ගෙන් හෙළිදරව්වක්
යුද්දයෙන් මෙරට තේ කර්මාන්තය දැඩි අර්බුදයක.. අපනයන අඩකට වඩා අහිමි වෙයි..
ඉරානය සමඟ යුද්ධයක් එපා යැයි හඩ නැගු හිටපු මැරීන් සර්ජන්ට් මැක්ගිනස් කැපිටල් ගොඩනැගිල්ලෙන් ඉවතට ඇද දමයි..
ජනාධිපතිගේ 'හුණ්ඩු' ප්රකාශයත් ඩයස්පෝරාවේ අවශ්යතාව අනුව සිදුකළ ප්රකාශයක් ද යන්න ගැටලුවක් - අනුරාධපුර සෝමරතන හිමි