රටම බංකොලොත් කරන කුමාර ජයකොඩිට එරෙහිව නිතිය ක්‍රියාත්මක නොවන්නේ ඇයි? - සංඛ චන්දම අභයවර්ධන

Feb 22, 2026 at 06:53 AM

|

Lanka Leader

මීට මාස 6කට පෙර බලශක්ති අමාත්‍ය වරයා  පොහොර සංස්ථාවේ සේවය කරද්දී දූෂිත ටෙන්ඩර් ගණුදෙනු සිදුවීම පිළිබඳ ලිපිගොනුවක් අල්ලස් කොමිසමට බාර දුන් බවත්,  ඉන් පසු බලශක්ති අමාත්‍ය කුමාර ජයකොඩිට එරෙහිව ගැනුණු ක්‍රියාමාර්ගයක් පෙනෙන්නට තිබුනේ නැති බවත් සංඛ චන්දම අභයවර්ධන මහතා පවසයි.

මේ සම්බන්ධයෙන් සිය සමාජ මාධ්‍ය ගිනුමේ සටහනක් තබමින් ඒ මහතා මෙසේද පවසයි..

අප මිට මාස 6කට පෙර බලශක්ති අමාත්‍ය වරයා  පොහොර සංස්ථාවේ සේවය කරද්දී දූෂිත ටෙන්ඩර් ගණුදෙනු සිදුවීම පිළිබඳ ලිපිගොනුවක් අල්ලස් කොමිසමට බාර දුන්නා. මේ එම අවස්ථාව ආවරණය කිරීමට පැමිණි මාධ්‍ය අදාල පැමිණිල්ල වාර්තා කල අයුරු. නමුත් ඉන් පසු බලශක්ති අමාත්‍ය කුමාර ජයකොඩිට එරෙහිව ගැනුණු ක්‍රියාමාර්ගයක් අපට පෙනෙන්නට තිබුනේ නැහැ. ඔහුව එම අවස්ථාවේ අත්අඩංගුවට ගැනුනානම්, අද ලංකාවේ සමස්ත ආර්ථිකයම අනතුරේ හෙළ ඇති බලශක්ති සුරක්ෂිත තාවය වනසා ඇති දුෂිත ගල් අගුරු වංචාව සිදු නොවනු ඇත. පුරවැසියෙක් සහ ස්වාධින දේශපාලන ක්‍රියාකාරිකයෙක් ලෙස මම මගේ යුතුකම ඉටු කලෙමි. නමුදු නිතිය පසිදලින ආයතන කිසිවක් ඔවුන්ගේ වගකීම ඉටු කලාදැයි අසන්නට සිදුව තිබේ. 

අල්ලස් කොමිසම කුමාර ජයකොඩිට එරෙහිව පියවර ගත්තානම්, අනුර කුමාර ඔහුව දුරයෙන් පහ කලා නම් අද රටම ගල් අගුරු මගඩිය හමුවේ ගිනිබත් වීමේ අනතුරකට මුහුණ නොපානු ඇත. දැනුදු ඔහුව අත්අඩංගුවට ගැනීමට ප්‍රමාද නොමැත. එසේ නොවන්නේනම් ජනතා විමුක්ති පෙරමුණ සේවය කරන්නේ ඉන්දියාවට පමණක් නොව මුදලට ඇති ගිජු කමටද බව අපට සිතන්නට සිදුවේ. 

- සංඛ චන්දම අභයවර්ධන