කියුබාව විනාශකර වැට්ටවීමේ "යටි බිම්ගත" රාජ්‍යයේ උවමනාව ඉටු කරන්නේ මාර්කෝ රුබියෝයි - ආචාර්ය ජගත් චන්ද්‍රවංශ පවසයි
කියුබාව අද මුහුණදී තිබෙන තත්ත්වය සම්බන්ධයෙන් ලංකා ලීඩර් වෙබ් අඩවිය ආචාර්ය ජගත් චන්ද්‍රවංශ මහතාගෙන් කළ විමසීමකදී අදහස් දක්වමින් ඔහු මූලික වශයෙන් පවසා සිටියේ අමෙරිකාව පිහිටුවා වසර 250ක් පිරීමේ සැමරුම මේ වසරේ ජූලි 04 වැනිදාට යෙදෙන බවත්, බිඳ වැටෙමින් තිබෙන අමෙරිකානු අධිරාජ්‍යවාදයට හැරවුමක් ගැනීමට නම් විශාල ජයග්‍රහණයක් පෙන්වීමේ අවශ්‍යතාවක් ඇති බවත් ය.
මේ වන විට අමෙරිකාවේ බල පරාක්‍රමය ඉතා සීඝ්‍රයෙන් ගිලිහෙමින් පවතින නිසා බව ඒ මහතා අවධාරණය කරයි.
ඒ අනුව කියුබාව වැනි රටක් විනාශකර අමෙරිකාව යටතට ගැනීම විසින් අමෙරිකාවේ අධිරාජ්‍යවාදී බලපරාක්‍රමය නැවත වටයකින් ඉහළට එසවෙන බව ගැඹුරු රාජ්‍යය හෙවත් යටි බිම්ගත රාජ්‍යයේ විශ්වාසය බවට මේ වන විට පත්ව තිබෙන බව ආචාර්ය චන්ද්‍රවංශ මහතා පවසයි . ඒ සඳහා ඔවුන් යොදාගන්නේ කියුබාවේ ජන්මය ලැබූ පුද්ගලයකුවන වන අමෙරිකාවේ ඩොනල්ඩ් ට්‍රම්ප්ගේ ළඟම හිතවතෙකු වන මාර්කෝ රූබියෝ බවද ඔහු පෙන්වා දෙයි.
කියුබාව වැට්ටවීම සඳහා මාර්කෝ රූබියෝට ඉතා දැඩි පෞද්ගලික අවශ්‍යතාවක් ඇති බවත්, ෆිදෙල් කැස්ත්‍රෝගේ කියුබානු විල්පවයෙන් පසු මාර්කෝ රූබියෝගේ දෙමව්පියන් විසින් ඔහුවත් රැගෙන අමෙරිකාවට පළාගිය බවත්, එතැන් පටන් ඔවුහු ෆිදෙල් විරෝධී, සමාජවාදයට විරෝධී පුද්ගල කාණ්ඩායමට අයත් කියුබානු ජන්මලාභීන් බවට පත්වූ බවත් ඒ මහතා පවසයි.
අනෙක් පැත්තෙන් ගැඹුරු රාජ්‍යයේ අවශ්‍යතාව සැලකුවහොත් එය ඔවුන්ගේ ගිලිහීයන බලපරාක්‍රමය නැවත වටයකින් ඉහළ නැංවිය හැකි වන්නේ මෙලෙස කියුබාව වැට්ටවීමෙන් පමණක් බවද ඔහු සඳහන් කරයි.
කියුබාව, කියුබානු විප්ලවයෙන් පසුව නිදහස් රටක් බවට පත්වීමට පෙර කියුබාව යනු අමෙරිකාවේ හොඳම සංචාරක පාරාදීසය ලෙස පැවැති රටකි. හවායි වලටත් වඩා අමෙරිකානු ජාතිකයන්ගේ හෝටල්, දුම්කොළ ආශ්‍රිත සමාගම් මෙන්ම අමෙරිකාවට අවශ්‍ය ආහාර නිපදවීම් ඇතුළු බොහෝ දේ සිදුවූයේ කියුබාවෙනි.
ඉතා සෞම්‍ය දේශගුණයක් ඇති මනරම් පරිසරයක් සහිත මේ රට අල්ලා ගැනීම අමෙරිකාවේ දැඩි උවමනාවක් බවත්, ඔවුන් වසර 60ක් තිස්සේ මේ සඳහා උත්සාහ කළද එය අසාර්ථක වූ බවත් ජගත් චන්ද්‍රවංශ මහතා මෙහිදී පෙන්වා දෙයි.
මෙම ආක්‍රමණය අමෙරිකාව විසින් දැන් තීව්‍රකර ඇත්තේ අමෙරිකාවේ කඩා වැටීම වඩා වේගවත්වී ඇති නිසා බවත්, අමෙරිකාව මේ වන විට සූදානම්වන ග්‍රීන්ලන්තය අල්ලා ගැනීම වැනි කාරණාවලට වඩා ප්‍රමුඛ වන්නේ ඔවුන්ට කියුබාව අත්පත්කර ගැනීම බවත් ඒ මහතා සඳහන් කරයි.
මක්නිසාද යත් ග්‍රීන්ලන්තය වැනි රටක් බොහෝ කාලයක් තිස්සේ ඔවුන්ට අල්ලා ගැනීමට හැකිව තිබූ රටක් බවත් පෙන්වා දෙන ඒ මහතා, එය විශාල වශයෙන් සම්පත් බහුල රටක් බව කෙනෙකු පවසනවා නම්, අමෙරිකාවට අයත් ඇලස්කාවේ විශාල වශයෙන් සම්පත් තිබුනද ඔවුන්ට එහි සම්පත් ගොඩගැනීමේ තාක්ෂණය හෝ ඒ සඳහා වියදම් කිරීමට අවශ්‍ය මුදල මේ වන විට අමෙරිකාව සතුව නොවන බවද පෙන්වා දෙයි.
ඒ අනුව ග්‍රීන්ලන්තය අල්ලාගත් පමණින් ඔවුන්ට එහි සම්පත් ප්‍රයෝජනයට ගැනීමේ හැකියාව නොමැති බවත්, මේවන විට අමෙරිකාව පත්ව ඇති ආර්ථික අර්බුදය මෙයට හේතුව බවත් ඔහු සඳහන් කරයි.
ඒ අනුව බලනවිට ඔවුන්ට ඉතාවැදගත් වන්නේ කියුබාව වැනි රටක් අත්පත් කරගැනීමය. එනිසාම කියුබාවේ ආරක්ෂාව වෙනුවෙන් ලෝකයපුරා විසිරී සිටින සමාජවාදී කඳවුරේ අය සහ අධිරාජ්‍ය විරෝධී කඳවුරේ පිරිස් දැඩිව මේ සඳහා මැදිහත් වී අමරිකාවට බලපෑම් කළ යුතු බවද ඒ මහතා පෙන්වා දෙයි.
අනෙක් පැත්තෙන් අමෙරිකාව මේ වන විට අමෙරිකානු බැඳුම්කරවල චීනය විසින් ආයෝජනය කර තිබූ ඩොලර් ට්‍රිලියන 1.3කින් අද චීනය සතුව ඇත්තේ ඩොලර් බිලියන 680ක් වැනි ප්‍රමාණයක් පමණක් බවත්, ඉතිරි අමෙරිකානු ඩාලර් බිලියන හයසිය ගණනම චීනය විසින් විකුණා දමා තිබේ.
චීනය එලෙස ඩොලර් විකිණීමෙන් ඒ වෙනුවට මේවන විට රත්‍රන් තම සංචිත වශයෙන් තබාගැනීම ආරම්භකර ඇති බවත් ජගත් චන්ද්‍රවංශ මහතා පෙන්වා දෙයි.
මක්නිසාද යත් ඕනෑම මුදල් ඒකකයක් ලෝකයේ කඩාගෙන වැටුනද රත්‍රන් වැනි ඒකකවල වටිනාකම් පහළ නොයන බවත්, එය මුදලේ අගය පහළ යන තරම් වේගයෙන් පහළ නොයන බවත් පෙන්වා දෙයි.
අමෙරිකාවේ මුදල් ඒකකය වන ඩොලරය ජාත්‍යන්තර වෙළෙඳාමේ දී භාවිත වූ ප්‍රමාණය අද වනවිට ජාත්‍යන්තර මූල්‍ය අරමුදලේ වාර්තාවලට අනුවත් 52% දක්වා අඩුවී තිබේ.
එහෙත් ජාත්‍යන්තර මුල්‍ය අරමුදල සලකා බලන දර්ශක වලට එහා ගොස් විශ්ලේෂණය කිරීමේදී පෙනී යන්නේ මෙම අගය 30% දක්වා අඩුවී ඇති බවත් සඳහන් කරන ඒ මහතා, මේ වනවිට ASEAN සංවිධානයේ රටවල් අතර ගනුදෙනු සිදුවන්නේ ඒ ඒ මුදල් ඒකක හරහා බවත්, රුසියාව සහ චීනය අතර ගනුදෙනු සිදු වන්නේ රුසියානු රූබලය සහ චීන යෙන් හරහා බවත් ඒ මහතා පවසයි.
BRICS සංවිධානය ඉදිරියට පැමිණීමත් සමග අමෙරිකානු ආර්ථිකයට සිදුවන හානියත් සමග ඩොලරය ඉතා සීඝ්‍රයෙන් කඩා වැටීමට නියමිත බව ගැඹුරු රාජ්‍ය දන්නා බවත්, ඔවුන්ට නැවත වටයකින් දෙපයින් සිට ගැනීමට නම් කියුබාව වැනි රටක් අත්‍යවශ්‍ය බවත් එහෙයින් ඔවුන් කියුබාව අත්පත්කර ගැනීමට ඉතාමත් අයහපත් ආකාරයේ මැදිහත්වීමක් සිදුකිරීමේ ඉඩකඩ ඉතා වැඩි බවත් ඔහු සඳහන් කරයි.
අමෙරිකාවේ සහ සියෝන් වාදීන්ගේ ඉලක්කයක් බවට පත්වූයේ ඉරානය පරාජය කර අභ්‍යන්තර පාලනයේ වෙනසක් කිරීමට බවත්, එහෙත් අද තිබෙන තත්ත්වය අනුව අමෙරිකාව ප්‍රමුඛ ධනවාදී කඳවුරේ ආර්ථික අවපාතය සහ ඉරානයට එරෙහි අමෙරිකානු මෙහෙයුමට බොහෝ රටවලින් එල්ලවන විරෝධය වැනි කරුණු මුල්කරගෙන අමෙරිකාවේ ඉරාන මෙහෙයුම අසාර්ථක වී ඇති බවත් ජගත් චන්ද්‍රවංශ මහතා පෙන්වා දෙයි.
අමෙරිකානු රාජ්‍යයේ අභ්‍යන්තර දේශපාලන අවශ්‍යතාව විසින් ඩොනල්ඩ් ට්‍රම්ට එල්ල වෙන බලපෑමද ඉතා වැඩිවී ඇති බවත් සඳහන් කරන ඒ මහතා, රට අභ්‍යන්තරයෙන් ද ඔහුට එරෙහිව නැගීසිටීම් සිදුවෙමින් ඇති බවද පෙන්වා දෙයි.
එනිසාම අමෙරිකාවට ප්‍රතිඵලයක් අත්කර දෙන යුදමය මෙහෙයුමක් ඉරානය තුළ සිදුකිරීමේ ඉඩ කඩ මග ඇහිරී ඇති පසුබිමක අමෙරිකාව ආසන්නයේ ඇති රටකට තම හමුදා මෙහෙයවා කියුබාව වැනි රටක් අත්පත්කර ගැනීමට උත්සාහ දරනු ඇති බවට ජගත් චන්ද්‍රවංශ මහතා කරුණු පැහැදිලි කරයි.
මේ මොහොතේ කියුබාවට ඇති දරුණුම අවදානම එය බවද සඳහන්කරන ඒ මහතා ලෝකයේ අධිරාජ්‍ය විරෝධී සමාජවාදී මත දරන පිරිස් එකාවන්ව නැගීසිට කියුබාව වෙනුවෙන් පෙළගැසිය යුතු බවත් සඳහන් කරයි.
එක්සත්ජාතීන්ගේ සංවිධානයේ රුසියානු නිත්‍ය නියෝජිතවරයා ඉකුත්දා පවසා සිටියේ වෙනිසියුලාවේ මෙන් අභ්‍යන්තර කුමන්ත්‍රණයක් කියුබාව තුළ සිදුනොවන බවත්, වෙනිසියුලාවේ කළාක් මෙන් අභ්‍යන්තර අතපෙවීමක් අමෙරිකාවට කියුබාවේදී කළ නොහැකි බවත් යැයිද ඒ මහතා මෙහිදී අවසාන වශයෙන් අනාවරණය කරයි.
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..