වයස 16න් විශ්ව විද්යාලයට ඇතුළත්වීමේ ක්රමය සහ අමතර දස වසර අඩුකර ගැනීම..
වයස 16න් විශ්ව විද්යාලයට ඇතුළත්වීමේ ක්රමයක් හඳුන්වා දීම මෙරටට වඩාත් ඵලදායක විය හැකි බව යසස් ධර්මදාස, (වරලත් ප්ර. ස.) මහතා පවසයි.
ඒ මහතා මේ පිළිබඳව දක්වන අදහස් පහළින්..
කේම්බ්ර්ජ් අධ්යාපනය ලංකාවේ බොහෝ පුද්ගලික සහ ජාත්යන්තර පාසැල් අනුගමනය කරනවා විය යුතුයි. එම ආයතනයේ අධ්යාපන ව්යුහය අනුව උසස් අධ්යාපනය අවසන්වීමට නියමිතව ඇත්තේ වයස 18 දී වේ. එනම් එය ශ්රී ලංකාවේද සම්මත වයසයි. කේම්බ්ර්ජ් අධ්යාපනයේ ඇති මෙම වයසට අවුරුදු දෙකක් අඩුවෙන්, එනම් වයස 16 දී විශ්ව විද්යාල යා හැකි පිළිගත් අධ්යාපන ක්රමයක් පවතින්නේනම් කේම්බ්රිජ් අධ්යාපන ක්රමයට පවතින්නට හැකිවන්නේ නැත. එබැවින්, මූලිකව වෙනත් අධ්යාපන ක්රම වලින් වයස 16 දී යම්කිසි විශ්ව විද්යාලයකට ඇතුල්විය හැක යන්න ප්රබන්ධයක් මිස සත්යවිය නොහැක.
රට තුල පුද්ගලික හෝ අන්තර්ජාතික පාසැලක ඉගෙනීම ලැබුවෙක් හට මේ වනවිට රජයේ විශ්ව විද්යාලටකට ඇතුල් වීමේ හැකියාවක් තිබේද යන්න මා නොදන්නා නමුත් විදේශ සේවාවේ හෝ වෘතියේ යෙදෙන එම රටවල අධ්යාපනය ලද දරුවන් හට රජයේ විශ්ව විද්යාලතුල මුදල් ගෙවා අධ්යාපනය ලැබීමේ හැකියාව ඇත. එම දරුවන්ගේ සහ දේශිය දරුවන්ගේ වයස අතර අවුරුදු 2 - 3 ක පරතරයක් තිබීම කිසිසේත්ම අධ්යාපන ක්රම දෙකේ වෙනස නිසා නොවන්නකි. ඊට පසුබිම වන්නේ විභාග පවත්වන කාලය, වසරකදී පවත්වන වාර ගනන, ප්රථිඵල නිකුත්කිරීමට ගතවන කාලය, විශ්ව විද්යාලවලට ඇතුලත් කරගන්නා කාලය, ඇතුලත්වීමට පෙර ගතවන්නාවූ කාලය ආදියයි.
ලංකාවේ සාමාන්යයෙන් විභාග පැවැත්වීමේ සිටම ප්රතිඵල නිකුත් කිරීම දක්වාම කාලය ගුරු දීමනා ලබාගැනීමට සටන් කරන කාලයයි. කේම්බ්ර්ජ්හි එවන් උම්මත්තක සටන් නොපවතී. විභාගයෙන් පසු මාස 2ක් තුල ප්රථිඵල නිකුත්කරයි. එය කොවිඩ් කාලයේදීද අඛණ්ඩව සිදුකරන ලදී. එසේම පොරොත්තු ප්රථිඵල මත විශ්ව විද්යාලවලට ඉල්ලුම් කිරිමේ හැකියාව ඇත. මේ ක්රමය ලංකාවට හඳුන්වාදීමෙන් යම්කිසි ප්රතිලාභයක් ලැබිය හැකිවේ. ඒ පිළිබඳව වෙනම ඇගයීමක් කළ යුතුයි. එහෙත් ලංකාවේ මේ කාලය අවම මාස 3 සිට 5 දක්වා ගතවේ. ඉන් පසුව z-ස්කෝර් නිකුත්කර විශ්ව විද්යාලයට ඇතුලත්වීමට තව වසරක් හෝ වසර එකාමාරක් ගතවේ. මේ අනුව වසර දෙකක් වැඩිමහලුව දේශීය සිසුන්ට විශ්ව විද්යාල අධ්යාපනය ආරම්භ කිරීමට සිදුව ඇත. එබැවින්, ප්රශ්ණය ඇති ස්ථානය පිළිබඳව නිවැරදි අධ්යයනයකින් ප්රශ්ණයට විසඳුම් සොයනවා විනා පය බරවායට පිටකර බෙහෙත් බැඳීම වැනි ප්රතිකර්ම පලදායී නොවේ.
මීළඟට විශ්ව විද්යාල අධ්යාපනයට ගතකරන කාලය පිළිබඳවද ඇති විවේචනය පැහැදිලි කරගත යුතුවේ. මීට පන්ති වර්ජන හා කලබල හේතුවෙන් විශ්ව විද්යාල වසා තැබීම බොහෝ දුරට හේතුවේ. මේවා පවතින අධ්යාපන ක්රමවල ගැටළු නොවන අතර භාවිතයේදී සිදුකරනු ලබන "මෑන් මේඩ් ඩිසාස්ටර්ස්" වල ප්රථිඵලයන් වේ. 80 දශකයේ ඇතිවූ "අධ්යාපන ධවල පත්රිකා අවුල", "රාගම වෙද විදුහල් අවුල" හා "88/89 භීෂණ යුගය" විශ්ව විද්යාල අධ්යාපනය අඩාලවීම හා ප්රමාදවීම සුවිශේෂී අවස්ථාවේ. වසර දහයක් දක්වා විශේෂඥ වෛද්යවරුන් බිහිවීම ප්රමාදයන්ට මේ කරුණුද දරුණු ලෙස බලපාන ලදී.
එසේම විශේෂඥ වෛද්යවරුන් ලෙස පත්කිරීමට පවත්වන්නාවූ විභාගවල ඇති අක්රමිකතාද පිටුදැකිය යුතුය. එනම්, පාසැල් වලට යෝජනාකර ඇති "ගුරුවරුන්ට සිතැඟි පරිදි ඇගයීමේ හා නිර්දේශ කිරීමේ" ක්රමවේදයට සමාන ක්රමය වෙනුවට වෙනත් සුදුසු ක්රමයක් හඳුන්වාදිය යුතුය.
එබැවින් අධ්යාපන ප්රතිසංස්කරණ පිළිබඳව කතිකාව ඇති මේ මොහොතේ පවතින තත්ත්වය තවතවත් ව්යාකූල කරමින් දේශීය දරුවන්ට උසස් අධ්යාපනය ලැබීමට ඇති කාලය අඩුකරමින් විෂය දැනුමින් අඩු වෙනත් කිසිදු රටක නැති ආකාරයේ අඩු දැනුමැති පරපුරක් බිහි කරගැනීමට තැත් දරණවා වෙනුවට ප්රශ්ණය පිළිබඳව නිසි ඇගයීමකින් සොයා බලා කටයුතු කිරීම සුදුසුවේ.
වසරින් වසර වැඩිවෙන සීමාවාසික පුහුණුව සඳහාවෙන වෛද්ය සිසුන් බඳවා ගැනීමේ ප්රමාදයන් උත්සන්න වීම හා ඊට පිළියම් යෙදීම පිළිබඳව වෙනම අධ්යයනයක් කලයුතුවේ.
- යසස් ධර්මදාස, වරලත් ප්ර. ස.
සම්බන්ධිත පුවත් | Related News
ප්රධාන පුවත්
බංග්ලාදේශ ජනාධිපතිවරයා ඉල්ලා අස්වෙයි..
විනිසුරු විශ්රාම වයස වැඩි කිරීම: 'ගොඩගැසුණු නඩු ඉවර කිරීම අරමුණ නම් මුර්දු ප්රනාන්දු සිටියදී නොගෙනාවේ ඇයි?' - ආචාර්ය නිහාල් ජයවික්රම ප්රශ්න කරයි!
ට්රම්ප්ට වෙලා තියෙන්නේ "ගෙදර ගියොත් අඹු නසී මග සිටියොත් තෝ නසී" වගේ වැඩක්.. - ජාත්යන්තර දේශපාලන විශ්ලේෂක ආචාර්ය ජගත් චන්ද්රවංශ
ශ්රී ලංකාව ඇතුළු රටවල් 60කට අමෙරිකාවෙන් නව බද්දක්..
ආණ්ඩුව මෙරට අධිකරණය සිරගතකර තමන් භාරයට අරගෙන.. - විමල්ගෙන් චෝදනා..
සබරගමුව වෛද්ය පීඨය අනතුරේ.. නැවතත් වෛද්ය නොවන තැනත්තෙක් පීඨාධිපති කිරීමේ තැතක්.. ලෝක වෛද්ය සභාවේ ප්රතීතනය අහිමිවීමේ අවදානමක්..
පාස්කු ප්රහාරය සම්බන්ධයෙන් ගෝඨාභයට එරෙහිව කිසිඳු සාක්ෂියක් ඉදිරිපත් වී නැහැ.. - ගෝඨාභයගේ රිට් පෙත්සමේ සවිස්තරාත්මක වාර්තාව..
භාණ්ඩාගාරයේ ඩොලර් මිලියන 2.5ක වංචාව: මුදල් අමාත්යංශය කියන්නේ බොරු.. - මහ බැංකුවෙන් ආන්දෝලනාත්මක නිවේදනයක්
වලිකාමම් හමුදා රෝහල කඩා ඉවත් කිරීමේ සුමන්තිරන්ගේ යෝජනාව ගැන ශමීන්ද්රගෙන් අනාවරණයක්..
පාර්ලිමේන්තුවේදී ආණ්ඩුව අමාරුවේ දැමීම සඳහා විජේවීර පවුලට අවමන් කිරීම දුෂ්ඨ ක්රියාවක්.. - වෛද්ය වසන්ත බණ්ඩාර
චීන මහජන විමුක්ති හමුදාවේ 99 වැනි සංවත්සරය කොළඹදී සමරයි - ශ්රී ලංකාව සමඟ හමුදාමය සහයෝගීතාව තවදුරටත් ශක්තිමත් කිරීමට කැපවන බවට සහතිකයක්
ඊශ්රායල අගමැති අත්අඩංගුවට ගැනීමට කිසිවෙකුට ඉඩ දෙන්නේ නෑ.. - ට්රම්ප්ගෙන් දැඩි අනතුරු ඇඟවීමක්..
පුරාවිද්යා අධ්යක්ෂක සෙනරත් වික්රමසිංහ කාර්ය මණ්ඩලයට තර්ජනය කරයි..
ඉරාන යුද්ධයට වැඩි අරමුදල් ඉල්ලා එක්සත් ජනපදයේ යුද ලේකම්ත් සෙනෙට් ඩිමොක්රටික් සභිකයන්ගේ දැඩි ප්රශ්න කිරීම්වලට ලක්වේ
කියෙව් පාලනය දැඩි අර්බුදයක: ශ්රී ලංකාවේ රුසියානු තානාපති කාර්යාලයෙන් විශේෂ නිවේදනයක්
හිටපු නාවික හමුදාපති රවීන්ද්ර විජේගුණරත්නට ඇප..