වැඩ තහනමට ලක්වූ පාර්ලිමේන්තුවේ දෙවැනි මහ පුටුව යුක්තිය ඉල්ලා උසාවි යන්න සැරසේ..
ශ්රී ලංකා පාර්ලිමේන්තුවේ දෙවන ජ්යෙෂ්ඨතම නිලධාරියා වන, කාර්ය මණ්ඩල ප්රධානී සහ නියෝජ්ය මහලේකම් ජී.කේ.ඒ. චමින්ද කුමාර කුලරත්න මහතා වහාම ක්රියාත්මක වන පරිදි වැඩතහනමකට ලක්කර ඇති අතර, පසුගිය සිකුරාදා (23දා) රැස්වූ පාර්ලිමේන්තු කාර්ය මණ්ඩල උපදේශක සභාව විසින් මෙම තීන්දුව ගෙන ඇත.
කථානායක, සභානායක, විපක්ෂනායක, මුදල් අමාත්ය හෝ ඔහුගේ නියෝජිත සහ පාර්ලිමේන්තු මහලේකම්වරයා මෙම උපදේශක සභාවේ නිල නියෝජිතයන් වන අතර පැවැති රැස්වීමට කථානායක (වෛද්ය) ජගත් වික්රමරත්න, සභානායක අමාත්ය බිමල් රත්නායක, විපක්ෂනායක වෙනුවෙන් විපක්ෂයේ ප්රධාන සංවිධායක ගයන්ත කරුණාතිලක, මුදල් අමාත්යවරයා නියෝජනය කරමින් නියෝජ්ය මුදල් අමාත්ය අනිල් ජයන්ත සහ පාර්ලිමේන්තුවේ මහලේකම් කුෂානි අනූෂා රෝහණදීර යන මහත්ම මහත්මීහු සහභාගිව සිටියහ.
චෝදනාවට ලක්ව සිටින නියෝජ්ය මහලේකම් ජී.කේ.ඒ. චමින්ද කුමාර කුලරත්න මහතා කැඳවා ඔහුගෙන් නිදහසට කරුණු විමසා නොමැති බැවින් ඒ සම්බන්ධයෙන් ද විශේෂ අවධානයක් යොමු කිරීමේ අවශ්යතාව පිළිබඳව නියෝජ්ය මුදල් අමාත්ය අනිල් ජයන්ත සහ විපක්ෂයේ ප්රධාන සංවිධායක ගයන්ත කරුණාතිලක යන මහත්වරුන් මෙහිදී අදහස් දක්වා තිබිණි. නියෝජ්ය මහලේකම් ජී.කේ.ඒ. චමින්ද කුමාර කුලරත්න ඉලක්ක කර ගනිමින් ක්රියාත්මක වූ “මූලික පරීක්ෂණය” ව්යවස්ථාපිත නීතිය සහ ස්ථාපිත පරිපාලන රිතීන් බරපතළ ලෙස උල්ලංඝනය කිරීමක් බවට ඇතැම් මාධ්ය වාර්තාවල සඳහන් වේ.
මෙම ක්රියාවලිය හුදු පරිපාලනමය පියවරක් නොව, ද්වේශසහගත චේතනාවෙන් සහ බලය අයුතු ලෙස භාවිතා කරමින් සිදුකරන්නක් බවට පවතින සාක්ෂි මගින් තහවුරු වී ඇතැයි එම මාධ්ය වාර්තා සඳහන් කරයි.
මේ අතර ඇතැම් මාධ්ය වාර්තා කර ඇත්තේ කථානායකවරයාගේ පෞද්ගලික කාරණයක් නියෝජ්ය මහලේකම් විසින් හෙළිදරව් කර ඇතැයි තිබූ සැකය මත ඔහුට එරෙහිව මෙවැනි පියවරක් ගෙන ඇති බවයි.
මේ අතර චෝදනා එල්ල වී ඇති නියෝජ්ය මහලේකම් චමින්ද කුමාර කුලරත්න මහතාට සමීප ආරංචි මාර්ග පැවසුවේ ඔහුට මෙම වැඩතහනම පනවා ඇත්තේ ස්වභාවික යුක්තියේ මූලික මූලධර්මවලට පවා පටහැනිව බවටයි. එම නිසා උත්තරීතර අධිකරණය හමුවට ගොස් යුක්තිය ඉල්ලා සිටීමට කටයුතු කරන බවයි. පරීක්ෂණ අවසන් වන තෙක් නියෝජ්ය මහලේකම්වරයාට පාර්ලිමේන්තු පරිශ්රයට ඇතුළුවීම ද තහනම් කර ඇතත් ඊයේ වන තුරුත් ඔහුට චෝදනා පත්රයක් ද ලබා දී නැති බව ආරංචි මාර්ග පවසයි.
චමින්ද කුලරත්න මහතාට එරෙහිව අදාළ පරීක්ෂණය පවත්වා ඇත්තේ ඔහු තම තනතුරට අදාළ පත්වීම ස්ථිර කර ගැනීමට ව්යාජ තොරතුරු ඉදිරිපත් කිරීම නිසා බවට ද සඳහන් වේ.
මීට පෙර කුලරත්න මහතා මහින්ද රාජපක්ෂ මහතා ජනපති අගමැති හා විපක්ෂනායකව සිටියදී ඔහුගේ අතිරේක ලේකම්වරයකු ලෙස ද ආණ්ඩු පක්ෂ ප්රධාන සංවිධායක ලේකම්වරයකු ලෙස ද හිටපු ජනපති ගෝඨාභය රාජපක්ෂ මහතාගේ අතිරේක ලේකම්වරයකු ලෙස ද අග්රාමාත්ය හා විපක්ෂ නායක අතිරේක ලේකම් ධුර හොබවා ඇත. හෙතෙම 2023 වසරේදී පාර්ලිමේන්තුවේ අදාළ තනතුරට පත්වී තිබේ.
- දිවයින
සම්බන්ධිත පුවත් | Related News
ප්රධාන පුවත්
බංග්ලාදේශ ජනාධිපතිවරයා ඉල්ලා අස්වෙයි..
විනිසුරු විශ්රාම වයස වැඩි කිරීම: 'ගොඩගැසුණු නඩු ඉවර කිරීම අරමුණ නම් මුර්දු ප්රනාන්දු සිටියදී නොගෙනාවේ ඇයි?' - ආචාර්ය නිහාල් ජයවික්රම ප්රශ්න කරයි!
ට්රම්ප්ට වෙලා තියෙන්නේ "ගෙදර ගියොත් අඹු නසී මග සිටියොත් තෝ නසී" වගේ වැඩක්.. - ජාත්යන්තර දේශපාලන විශ්ලේෂක ආචාර්ය ජගත් චන්ද්රවංශ
ශ්රී ලංකාව ඇතුළු රටවල් 60කට අමෙරිකාවෙන් නව බද්දක්..
ආණ්ඩුව මෙරට අධිකරණය සිරගතකර තමන් භාරයට අරගෙන.. - විමල්ගෙන් චෝදනා..
සබරගමුව වෛද්ය පීඨය අනතුරේ.. නැවතත් වෛද්ය නොවන තැනත්තෙක් පීඨාධිපති කිරීමේ තැතක්.. ලෝක වෛද්ය සභාවේ ප්රතීතනය අහිමිවීමේ අවදානමක්..
පාස්කු ප්රහාරය සම්බන්ධයෙන් ගෝඨාභයට එරෙහිව කිසිඳු සාක්ෂියක් ඉදිරිපත් වී නැහැ.. - ගෝඨාභයගේ රිට් පෙත්සමේ සවිස්තරාත්මක වාර්තාව..
භාණ්ඩාගාරයේ ඩොලර් මිලියන 2.5ක වංචාව: මුදල් අමාත්යංශය කියන්නේ බොරු.. - මහ බැංකුවෙන් ආන්දෝලනාත්මක නිවේදනයක්
වලිකාමම් හමුදා රෝහල කඩා ඉවත් කිරීමේ සුමන්තිරන්ගේ යෝජනාව ගැන ශමීන්ද්රගෙන් අනාවරණයක්..
පාර්ලිමේන්තුවේදී ආණ්ඩුව අමාරුවේ දැමීම සඳහා විජේවීර පවුලට අවමන් කිරීම දුෂ්ඨ ක්රියාවක්.. - වෛද්ය වසන්ත බණ්ඩාර
චීන මහජන විමුක්ති හමුදාවේ 99 වැනි සංවත්සරය කොළඹදී සමරයි - ශ්රී ලංකාව සමඟ හමුදාමය සහයෝගීතාව තවදුරටත් ශක්තිමත් කිරීමට කැපවන බවට සහතිකයක්
ඊශ්රායල අගමැති අත්අඩංගුවට ගැනීමට කිසිවෙකුට ඉඩ දෙන්නේ නෑ.. - ට්රම්ප්ගෙන් දැඩි අනතුරු ඇඟවීමක්..
පුරාවිද්යා අධ්යක්ෂක සෙනරත් වික්රමසිංහ කාර්ය මණ්ඩලයට තර්ජනය කරයි..
ඉරාන යුද්ධයට වැඩි අරමුදල් ඉල්ලා එක්සත් ජනපදයේ යුද ලේකම්ත් සෙනෙට් ඩිමොක්රටික් සභිකයන්ගේ දැඩි ප්රශ්න කිරීම්වලට ලක්වේ
කියෙව් පාලනය දැඩි අර්බුදයක: ශ්රී ලංකාවේ රුසියානු තානාපති කාර්යාලයෙන් විශේෂ නිවේදනයක්
හිටපු නාවික හමුදාපති රවීන්ද්ර විජේගුණරත්නට ඇප..