දොස්තරලා දීප ව්යාප්ත අඛණ්ඩ වැඩ වර්ජන ඇරඹීමට යයි..
රජයේ වෛද්ය නිලධාරින්ගේ සංගමය විසින් නිකුත් කර ඇති මාධ්ය නිවේදනයක් මෙහි දැක්වෙයි.
මාධ්ය නිවේදනය
නිදහස් සෞඛ්යයේ සහ වෛද්යවරුන්ට අදාල ගැටලු විසදීමට සෞඛ්ය අමාත්යවරයා ලබා දුන් එකඟතාවයන් ක්රියාත්මක කිරීමට අසමත් වන්නේ නම් දීප ව්යාප්ත අඛණ්ඩ වෘත්තීය සමිති ක්රියාමාර්ග මාලාවක් ආරම්භ කිරීම පිළිබඳව.
2026 වර්ෂය සඳහා වූ අයවැය යෝජනා තුලින් වෛද්යවරුන්ගේ සහ සෞඛ්ය සේවාවේ සැබෑ ගැටලු සඳහා විසදුම් නොලැබීම නිසා වෛද්ය ප්රජාව තුල දැඩි නොසන්සුතාවයක් ඇති වී ඇත. මේ පිළිබඳව අතිගරු ජනාධිපතිතුමා සහ සෞඛ්ය අමාත්යතුමා සමග සාකච්ඡා කිරීමෙන් අනතුරුව ලබා දුන් ලිඛිත එකගතාවය මත පැවති වෘත්තීය සමිති ක්රියාමාර්ග තාවකාලිකව අප විසින් අත්හිටුවන ලදී.
එම ලිඛිත එකඟතා වනුයේ,
සියලු කාණ්ඩවල වෛද්යවරුන් ඇතුළත් කර ගනිමින් “ශ්රී ලංකා වෛද්ය සේවය” නමින් සුවිශේෂී සේවා කාණ්ඩයක් බිහිකිරීම සඳහා සියලු පාර්ශවයන්ගේ සහභාගිත්වයෙන් සහ එකඟතාවයෙන් කෙටුම්පත් කර ඇති කැබිනට් පත්රිකාවට අනුමැතිය ලබා ගෙන ඉදිරි කටයුතු සිදු කිරීම.
වෛද්යවරුන්ගේ DAT දීමනාව යාවත්කාලීන කිරීම, 22/99 චක්රලේඛයට අනුකූලව ප්රවාහන ගැටලු විසඳීම, අමතර රාජකාරි දීමනාව ස්ථාවර දීමනාවක් බවට පත් කිරීම සහ පර්යේෂණ දීමනාවේ ගැටලු විසඳීම සඳහා 2026.01.05 දින සිට මුදල් අමාත්යංශය සමඟ සාකච්ඡා ආරම්භ කිරීම.
නමුත් අදාල සාකච්ඡා සිදු නොවීම සහ එකඟතා ඉටු නොවීම මත රජයේ වෛද්ය නිලධාරීන්ගේ සංගමය දැඩි වෘත්තීය සමිති ක්රියාමාර්ග වලට එළඹිමට තීරණය කරන ලදී. ඒ අනුව අදාල කාලරාමුව තුලදි ගැටලු විසඳිමට සෞඛ්ය අමාත්යංශය අපොහොසත් වන්නේ නම් 2026.01.23 වැනි දින සිට ආරම්භ වන පරිදි දීපව්යාප්ත අඛණ්ඩ වෘත්තීය ක්රියාමාර්ග ආරම්භ කිරීමට විධායක කමිටුව ඒකමතිකව තීරණය කරන ලදී.
වෛද්යවරුන්ගේ සහ සෞඛ්ය සේවාවේ සත්ය ගැටලු විසඳීම ආරම්භ කිරීම සඳහා තවදුරටත් ප්රමාද වන්නේ නම් ඒ පිළිබඳ සමස්ත වෛද්ය ප්රජාවේ අප්රසාදයත්, මහජනතාවගේ අප්රසාදයත් ඇති විම වැලැක්විය නොහැක. ඒ තුලින් සෞඛ්ය සේවාව තුල අනවශ්ය අර්බුදයක් පැන නැගීම සිදු වනු ඇත.
නිදහස් සෞඛ්ය සේවාවේ උන්නතිය සඳහාත්, වෛද්ය ක්ෂේත්රයේ ගැටලු සඳහාත් නිසි සාධාරණය ඉටු නොවන්නේ නම් ඊට එරෙහිව ගත හැකි උපරිම වෘත්තීය සමිති ක්රියාමාර්ග සඳහා එළඹිමටද අප පසුබට නොවන්නෙමු.
ස්තූතියි.
මීට විශ්වාසී,
වෛද්ය ප්රභාත් සුගතදාස,
ලේකම්.
සම්බන්ධිත පුවත් | Related News
ප්රධාන පුවත්
සමාජයේ වෛරය වැපිරීමට හෝ වෛරය ඇතිවන ප්රකාශ කිරීමට කිසිවෙකුට අයිතියක් නෑ..- ජනපති
18 වැනි BRICS සමුළුවට සහභාගී වීම සඳහා රුසියානු ජනපති පුටින් ඉන්දියාවේ නවදිල්ලි නුවරට..
ආසියානු තරගාවලියට ලංකාවෙන් ජපානයට ලොකු පිරිසක්.. නිලධාරින් විතරක් 82ක් යනවලු..
එක්සත් ජාතීන්ගේ 63 වන මානව හිමිකම් වාර්තාව ශ්රී ලංකාවේ ස්වෛරීභාවයට එල්ල වූ තර්ජනයක්.. – ගෝලීය ශ්රී ලාංකික සංසදයෙන් නිවේදනයක්..
ඉරානය සම්බන්ධයෙන් ඇමරිකාව ඉදිරිපත් කළ ජාත්යන්තර පරමාණුක බලශක්ති ඒජන්සියේ යෝජනාවට චීනය විරෝධය පළ කරයි.. – යළි සංවාදයට පැමිණෙන ලෙස ඉල්ලයි
ඥානසාර හිමිට පිරිනැමූ ජනාධිපති සමාව නීතියට පටහැනි බවට ශ්රේෂ්ඨාධිකරණ තීන්දුවක්..
නාමල් අත්අඩංගුවට ගැනීම පිටුපස ඇති දේශපාලන ගණිතය කුමක්ද?
ආනයන මුළුමනින්ම තහනම් කරන දැඩි වෙළෙඳ යුද්ධයකට ට්රම්ප් සැරසෙයි..
ජර්මනියේ AFD ජයග්රහණය යුරෝපයම වෙනස් කරයිද?.. - ආචාර්ය ජගත් චන්ද්රවංශගෙන් අනාවරණයක්
සරල ගිවිසුම් අත්සන් කරන්න ඉන්දීය ආරක්ෂක ඇමැති එන්නේ නෑ.. සැබෑ ගිවිසුම් වහා රටට හෙළිකරනු! - පුබුදු ජයගොඩ
"ඉන්දියාවේ ආරක්ෂක අභිමතයන්ට විරුද්ධ කිසිදු ක්රියාකාරකමකට ශ්රී ලංකා භූමිය කිසිවිටෙකත් භාවිතා කිරීමට ඉඩක් නෑ" - ජනපති අනුර ඉන්දීය ආරක්ෂක ඇමති හමුවේ පැවසු බවට එරට ආරක්ෂක අමාත්යංශයෙන් නිවේදනයක්..
ඉන්දු - ශ්රී ලංකා ගිවිසුම් තුනකට අත්සන් තබයි..
පර්සියානු බොක්කේ නෞකා රැසකට ඉරානයෙන් ප්රහාර..
අධිකරණයට බලපෑම්.. දේශපාලන පළිගැනීම් සහ තෝරාගත් පුද්ගලයන් ඉලක්ක කර ගනිමින් නීතිය ක්රියාත්මක කිරීම්.. ශ්රී ලංකාවට වහා මැදිහත් වන්න..- මිලින්ද රාජපක්ෂ ජිනීවා අමතමින් කියයි
උතුරු කොරියාව සහ රුසියාව යාකරමින් කිලෝමීටරයක් දිග පාලමක්..
ආණ්ඩුවේ නායකයින් ගනුදෙනුකරුවන් සතුටු කිරීම සඳහා ඕනෑම දෙයක් කරන අසරණ වෛශ්යාවන් ලෙස කටයුතු කරනවා.. - ජාතික සංවිධානවලින් චෝදනා..