නන්දන ගුණතිලකගේ මරණයටත් අවමන් කරන ලාල් කාන්තලාගේ සදාචාරය සහ මනුස්සකම..

Jan 18, 2026 at 07:53 PM

|

Lanka Leader

අභාවප්‍රාප්ත නන්දන ගුණතිලක මහතා සම්බන්ධයෙන් අමාත්‍ය කේ.ඩී. ලාල් කාන්ත තම සමාජ මාධ්‍ය ගිණුමේ තබා ඇති සටහනක් සම්බන්ධයෙන් මේ වන විට දැඩි කතා බහක් නිර්මාණය වී ඇති අතර, තම සමාජ ජාල ගිණුමේ තැබූ සටහනකින් ඔහු පවසන්නේ නන්දන ගුණිතලක මහතාගේ වටිනාකම තමාට අනුව ලකුණු බිංදුවක් බවය.

ජ.වි.පෙ. නිර්මාතෘ රෝහණ විජේවීරයන් ඇතුළු සමස්ත පක්ෂයම දරුණු රාජ්‍ය මර්ධනයක් හමුවේ බිඳ වැටීමට ලක්වූ පසුව ඉතිරි වූ  සුළු පිරිස අතර සිටි නන්දන ගුණතිලක සහෝදරයා ජවිපෙ නැවත ගොඩ නැංවීම වෙනුවෙන් සිය ජීවිතයම කැප කර ක්‍රියාකළ පුද්ගලයකු බව නොරහසකි.

ජවිපෙ නැවත ගොඩ නැගීම සඳහා අධිෂ්ඨානශිලීව සිටි සුළු පිරිසේ ඉදිරියෙන්ම ක්‍රියාකළ ඔහු එවකට ජීවිත අවදානම ද පසෙකලා   ජනතා විමුක්ති පෙරමුණ වෙනුවෙන් ජනාධිපතිවරණයට ද ඉදිරිපත් විය.

ජවිපෙ  නැවත ගොඩනැගීම වෙනුවෙන් ඔහු ක්‍රියා කළේ එසේය.

පක්ෂයේ ප්‍රථිපත්තිය වුන පලමුව මව්බිම දෙවනුව ඉගෙනුම කියන තැන සිට, තමන්ගේ උපාධිය පවා කැපකරමින් 88,89 න් පසු දෙවනි වරටත් දේශපාලන තහනමට ලක්වුණ ජවිපෙ,  ජනපති අපේක්ෂකයාද වෙමින් නැවත ප්‍රජාතන්ත්‍රවාදී දේශපාලන ප්‍රවාහයට අවතීර්ණ කරවීමට මෙන්ම අද තිබෙන තැනට පක්ෂය උසස් කිරීමට වෙනුවෙන් එදවස ඔහු කළ අසීමිතව සිදුකළ කැපකිරීම්වලට හරිනම් ලකුණු 100ක් දුන්නත් මදිය.

ඔහු අවසානයේ මිය යන්නේ ද රෝහලේ බිල ගෙවා ගැනීමට තරම්වත් වත්කමක් නැතිව ය.

මිනිසෙකුගේ මරණයකදී අවම සදාචාරයක් රැකීම මනුෂ්‍ය ගතියයි. එයවත් රැකීමට නොහැකි නායකයන්ට රටක පාලනය භාරදීම සම්බන්ධයෙන් ආපසු සිතා  බැලීමට කාලය පැමිණ ඇති බව ලාල් කාන්තගේ මෙම සටහනට ප්‍රතිචාර දක්වමින් බොහෝ පිරිස් සඳහන් කර තිබේ.

ලාල් කාන්ත විසින් තබා ඇති මෙම සටහන නැවත වරක් මෙසේ පහතින් දක්වන්නේ එය කියවා අවබෝධකර ගැනීම සහ ප්‍රඥාව ලබා ගැනීම පිණිසමය.