බොරු කියන මාධ්ය බලපත්ර අත්හිටුවන බව ඇමති කියයි..
මහජන සෞඛ්යයට හානි වන අයුරින් විකෘති සහගත තොරතුරු හා ප්රවෘත්ති ප්රචාරය කරන මාධ්ය ආයතනවල විකාශන බලපත්ර අවලංගු කිරීමට පසුබට නොවන බව සෞඛ්ය හා ජනමාධ්ය අමාත්ය නලින්ද ජයතිස්ස මහතා අවධාරණය කරයි. උත්සව සභාවක් අමතමින් අමාත්යවරයා කියා සිටියේ, ජනමාධ්ය අමාත්යාංශය මගින් ලබා දෙන විකාශන බලපත්ර තාවකාලික ඒවා බවත්, ඒවා අවලංගු කිරීමේ නීත්යානුකූල බලය විෂයභාර අමාත්යවරයා සතු වන බවත්ය.
මෙහිදී මාධ්ය ක්රියාකාරිත්වය විවේචනයට ලක් කළ අමාත්යවරයා, පසුගිය දිනවල වාර්තා වූ 'ඉමියුනෝග්ලොබියුලින්' ඖෂධය පිළිබඳ පුවත් නිදසුනක් ලෙස දක්වන ලදී. එම ඖෂධය ගෙන්වීමේදී සිදු වූ වංචනික ක්රියාවලිය සම්බන්ධයෙන් අධිකරණ ක්රියාමාර්ග ගෙන ඇති අතරතුර, ප්රමිතියෙන් යුතු ඖෂධ යළි ගෙන්වීම පවා ජනතාව තුළ වැරදි වැටහීමක් ඇති වන අයුරින් වාර්තා කිරීම සම්බන්ධයෙන් ඔහු සිය කණගාටුව පළ කළේය.
"යමෙක් වාර්තා කරනවා නම් අර ඇමතිවරයාට නඩු වැටුණු ඉමියුනෝග්ලොබියුලින් යළිත් ගෙනල්ලා කියලා, ඒකෙන් අදහස් වෙන්නේ අර ප්රමිතියෙන් තොර ඖෂධයම නැවත ගෙනල්ලා කියන එකයි. මෙවැනි විකෘති සහගත වාර්තාකරණයන් තුළින් බිඳ වැටෙන්නේ මහජන සෞඛ්යය පිළිබඳ ජනතාව තුළ ඇති විශ්වාසයයි," යනුවෙන් අමාත්යවරයා පැවසීය.
එසේම, කාලගුණ තත්ත්වයන් පිළිබඳව වාර්තා කිරීමේදී විවිධ අවස්ථාවල සිදුවන කැළඹීම් කිහිපයක් එකට එකතු කර ජනතාව බියට පත්වන අයුරින් පුවත් නිර්මාණය කිරීම ද අමාත්යවරයාගේ විවේචනයට ලක් විය. මාධ්යවේදියෙකු ලබා දුන් තොරතුරක් ප්රචාරය කළා යැයි පවසමින් මාධ්ය ආයතනවලට තම වගකීමෙන් බැහැර විය නොහැකි බවත්, මෙය සෙල්ලමක් නොවන බවත් ඔහු අවධාරණය කළේය.
ජනමාධ්ය බලපත්ර ලබා දීමේදී පනවා ඇති කොන්දේසි පිළිබඳව සිහිපත් කළ අමාත්ය නලින්ද ජයතිස්ස මහතා, ජාතික ආරක්ෂාව, ජාතික ආර්ථිකය සහ මහජන සෞඛ්යයට හානිදායක ලෙස කටයුතු කිරීම බලපත්රය අහෝසි කිරීමට ප්රමාණවත් හේතුවක් බව පෙන්වා දුන්නේය.
"දැනට අපි කරමින් ඉන්නේ ලිපියක් යවා නිවැරදි කිරීමක් ඉල්ලා සිටීම පමණයි. නමුත් මින් ඉදිරියට මහජන සෞඛ්යය සම්බන්ධයෙන් මෙවැනි විකෘති සහගත ප්රවෘත්ති ප්රචාරය කළහොත්, බලපත්ර ලබා දීමේදී පනවා ඇති කොන්දේසි අනිවාර්යයෙන්ම බලාත්මක කිරීමට අපි කටයුතු කරනවා," යැයි ද අමාත්යවරයා වැඩිදුරටත් සඳහන් කළේය.
රටක් ලෙස ඉදිරියට යාමට නම් සෞඛ්ය ක්ෂේත්රය කෙරෙහි ජනතාව තුළ ඇති විශ්වාසය ආරක්ෂා කිරීම අත්යවශ්ය බව ද ඔහු මෙහිදී පෙන්වා දුන්නේය.
සම්බන්ධිත පුවත් | Related News
ප්රධාන පුවත්
පාර්ලිමේන්තු වරප්රසාද පිටුපස හැංගෙන්නේ නැතුව ඕන නම් එළියෙදි කියන්න.. – නීතිඥ සංගමයේ සභාපති ගැන කළ ප්රකාශයට මන්ත්රී අසිත නිරෝෂණට අභියෝගයක්
බංග්ලාදේශ ජනාධිපතිවරයා ඉල්ලා අස්වෙයි..
විනිසුරු විශ්රාම වයස වැඩි කිරීම: 'ගොඩගැසුණු නඩු ඉවර කිරීම අරමුණ නම් මුර්දු ප්රනාන්දු සිටියදී නොගෙනාවේ ඇයි?' - ආචාර්ය නිහාල් ජයවික්රම ප්රශ්න කරයි!
ට්රම්ප්ට වෙලා තියෙන්නේ "ගෙදර ගියොත් අඹු නසී මග සිටියොත් තෝ නසී" වගේ වැඩක්.. - ජාත්යන්තර දේශපාලන විශ්ලේෂක ආචාර්ය ජගත් චන්ද්රවංශ
ශ්රී ලංකාව ඇතුළු රටවල් 60කට අමෙරිකාවෙන් නව බද්දක්..
ආණ්ඩුව මෙරට අධිකරණය සිරගතකර තමන් භාරයට අරගෙන.. - විමල්ගෙන් චෝදනා..
සබරගමුව වෛද්ය පීඨය අනතුරේ.. නැවතත් වෛද්ය නොවන තැනත්තෙක් පීඨාධිපති කිරීමේ තැතක්.. ලෝක වෛද්ය සභාවේ ප්රතීතනය අහිමිවීමේ අවදානමක්..
පාස්කු ප්රහාරය සම්බන්ධයෙන් ගෝඨාභයට එරෙහිව කිසිඳු සාක්ෂියක් ඉදිරිපත් වී නැහැ.. - ගෝඨාභයගේ රිට් පෙත්සමේ සවිස්තරාත්මක වාර්තාව..
භාණ්ඩාගාරයේ ඩොලර් මිලියන 2.5ක වංචාව: මුදල් අමාත්යංශය කියන්නේ බොරු.. - මහ බැංකුවෙන් ආන්දෝලනාත්මක නිවේදනයක්
වලිකාමම් හමුදා රෝහල කඩා ඉවත් කිරීමේ සුමන්තිරන්ගේ යෝජනාව ගැන ශමීන්ද්රගෙන් අනාවරණයක්..
පාර්ලිමේන්තුවේදී ආණ්ඩුව අමාරුවේ දැමීම සඳහා විජේවීර පවුලට අවමන් කිරීම දුෂ්ඨ ක්රියාවක්.. - වෛද්ය වසන්ත බණ්ඩාර
චීන මහජන විමුක්ති හමුදාවේ 99 වැනි සංවත්සරය කොළඹදී සමරයි - ශ්රී ලංකාව සමඟ හමුදාමය සහයෝගීතාව තවදුරටත් ශක්තිමත් කිරීමට කැපවන බවට සහතිකයක්
ඊශ්රායල අගමැති අත්අඩංගුවට ගැනීමට කිසිවෙකුට ඉඩ දෙන්නේ නෑ.. - ට්රම්ප්ගෙන් දැඩි අනතුරු ඇඟවීමක්..
පුරාවිද්යා අධ්යක්ෂක සෙනරත් වික්රමසිංහ කාර්ය මණ්ඩලයට තර්ජනය කරයි..
ඉරාන යුද්ධයට වැඩි අරමුදල් ඉල්ලා එක්සත් ජනපදයේ යුද ලේකම්ත් සෙනෙට් ඩිමොක්රටික් සභිකයන්ගේ දැඩි ප්රශ්න කිරීම්වලට ලක්වේ
කියෙව් පාලනය දැඩි අර්බුදයක: ශ්රී ලංකාවේ රුසියානු තානාපති කාර්යාලයෙන් විශේෂ නිවේදනයක්