ඖෂධ හිඟයෙන් රට පුරා ප්රධාන රෝහල් රැසකට අසාධ්යයි.. නිර්වින්දන, ප්රතිජීවක, කුඩා දරුවන්ට දෙන වලිප්පුව පාලන ඖෂධත් හිඟයි- වෛද්ය චමල් සංජීව
දිවයිනේ ප්රධාන රෝහල් රැසක ඖෂධ හිඟය ඉස්මතු වන බවත් ඒ අතර නිර්වින්දන, ප්රතිජීවක, අක්ෂි ශල්යකර්මවලින් පසු ලබාදෙන ඖෂධ සහ කුඩා දරුවන්ට ලබාදෙන වලිප්පුව පාලන, ශ්වසන රෝග පාලන ඖෂධ ඇතුළු ඖෂධ රැසක් පවතින බවත් වෛද්යවරුන්ගේ වෘත්තීය සමිති සන්ධානයේ සභාපති විශේෂඥ වෛද්ය චමල් සංජීව මහතා පැවසීය.
බැක්ටීරියා විස සහිත බවට සැක සහිත වූ Ondesterone Injection ඖෂධය පසුගිය වසර සහ මෙම වසර තුළදී නිෂ්පාදනය කොට, මෙම වසර තුළදී රටට ගෙන්වා ගැනීමට කටයුතු කොට ඇත්තේ වර්තමාන රාජ්ය ඖෂධ සංස්ථාව වන බැවින්, මෙම ප්රසම්පාදන යාන්ත්රණය සම්බන්ධව පුළුල් පරීක්ෂණයක් පවත්වන ලෙස ඉල්ලා වෛද්ය හා සිවිල් අයිතිවාසිකම් පිළිබඳ වෛද්යවරුන්ගේ වෘත්තීය සමිති සන්ධානයේ සභාපති විශේෂඥ වෛද්ය චමල් සංජීව මහතා අල්ලස් හා දූෂණ කොමිෂන් සභාව වෙත පැමිණිල්ලක් භාරදීමෙන් පසු අදහස් දක්වමින් පෙරේදා (27දා) පැවසීය.
එසේම ලංකාවට ඖෂධ ආනයනය කරන හෝ ලංකාව තුළ නිෂ්පාදනය කරන ඇතැම් සමාගම් මගින් ගෙන්වන ලද ඖෂධ දිගින් දිගටම ගුණාත්මකභාවය අඩුවන අවස්ථා පහකට වැඩි ගණන් පවා වාර්තා වෙද්දී එම ඖෂධ සමාගම් හා දේශීය නියෝජිතයන් සඳහා දිගින් දිගටම අවසරය ලබාදීමට වර්තමාන ඖෂධ නියාමන අධිකාරි පාලනය කටයුතු කොට ඇති බව ඉතා පැහැදිලි වන හෙයින් ද, එවන් ඖෂධ නැවත මිනිස් පරිභෝජනයට භාවිත කළ පසු දැඩි ආසාත්මික ප්රතික්රියා නිසා රෝගීන් මියගිය බවට සනාථ වන තොරතුරු පවතින බැවින්ද ඖෂධ නියාමන අධිකාරියේ වර්තමාන පාලන මණ්ඩලය සම්බන්ධයෙන් ද විමර්ශනයක් පවත්වන ලෙස එම පැමිණිල්ලෙන් වැඩිදුරටත් ඉල්ලා ඇතැයි ද ඔහු කීය.
පසුගියදා භාවිතයෙන් ඉවත් කළ තවත් ඖෂධ නවයකට ආසන්න ප්රමාණයක් මෙරටට ගෙන්වා මාස ගණනක් රාජ්ය ඖෂධ සංස්ථාව සහ ඒකකය මගින් භාර නොගෙන නිසි ප්රමිතියෙන් තොරව ගබඩා කිරීම නිසා රටට බලවත් ආර්ථික හානියක් සිදුවූ බවට සැකයක් පවතින බැවින් අදාළ සිදුවීමට වගකිවයුතු නිලධාරීන් සම්බන්ධයෙන් ද විමර්ශනයක් පවත්වන ලෙස එමගින් ඉල්ලීමක් කොට ඇතැයි ද ඔහු පැවසීය.
බාල ඖෂධ සම්බන්ධ සිදුවීම ඉස්මතු වන විට හිටපු සෞඛ්ය ඇමැති කෙහෙළිය රඹුක්වැල්ල මහතා විශේෂඥ වෛද්ය දේදුණු ඩයස් මහතාගේ ප්රධානත්වයෙන් කමිටුවක් පත් කළ අතර එම කමිටු වාර්තාව අදටත් අභිරහසක් බවද ඔහු සඳහන් කළේය. දැන් වර්තමාන සෞඛ්ය අමාත්යවරයා ද අදාළ විශේෂඥ වෛද්යවරයාගේම ප්රධානත්වයෙන් කමිටුවක් පත් කිරීම ප්රශ්න සහගත බව සඳහන් කළ හෙතෙම රෝහල්වල සිදුවන සැක සහිත මරණ සම්බන්ධයෙන් සෞඛ්ය අමාත්යාංශය විනිවිදභාවයකින් කටයුතු නොකරන බවද අවධාරණය කළේය.
බැක්ටීරියා විස සහිත එන්නත් අනාවරණය කොට දැනට සති දෙකකට ආසන්න කාලයක් ගතවන බැවින් අදාළ ඖෂධයේ සාම්පල ජාත්යන්තර ප්රමිතිගත රසායනාගාරයකට යැවීමට මේ දක්වා කටයුතු කර තිබේ දැයි සෞඛ්ය ඇමැතිවරයා රටට හෙළි කළ යුතු බවද ඔහු වැඩිදුරටත් සඳහන් කළේය.
තවද වර්තමාන රාජ්ය ඖෂධ සංස්ථාවේ සහ ඖෂධ නියාමන අධිකාරියේ දූෂණ සහ වංචා සම්බන්ධයෙන් විගණන වාර්තා සම්බන්ධයෙන් ද, කොළඹ ජාතික රෝහලේ ප්රශ්න සහගත විගණන විමසුම් සම්බන්ධයෙන්ද, ඖෂධ නියාමනාධිකාරි තත්ත්ව පාලන රසායනාගාරයක් කඩිනමින් පිහිටුවීමේ වැඩකටයුතු ආරම්භ කිරීම සඳහා අමාත්යාංශය දරන පසුගාමීත්වය සම්බන්ධයෙන් ද එමෙන්ම වෛද්ය සැපයුම් ඒකකය දත්ත පද්ධතිය දැනට රෝහල්වල භාවිතා කරන ඖෂධවලට ගැළපෙන පරිදි යාවත්කාලීන නොවීම සම්බන්ධයෙන් ද රටට වහා කරුණු අනාවරණය කළ යුතු බවද ඔහු සඳහන් කළේය.
දිවයින පුරා ප්රධාන පෙළේ රෝහල් රැසක ඖෂධ හිඟය ඉස්මතු වන බවත් මේ අතර නිර්වින්දන ඖෂධ, ප්රතිජීවක ඖෂධ අක්ෂි ශල්ය කර්මවලින් පසුව ලබා දෙන ඖෂධ ශල්ය උපකරණ සහ කුඩා දරුවන්ට ලබාදෙන වලිප්පු පාලන ඖෂධ, ශ්වසන රෝග පාලන ඖෂධ ඇතුළු ඖෂධ රැසක් පවතින බවද ඔහු පෙන්වා දුන්නේය.
- දිවයින
සම්බන්ධිත පුවත් | Related News
ප්රධාන පුවත්
පාර්ලිමේන්තු වරප්රසාද පිටුපස හැංගෙන්නේ නැතුව ඕන නම් එළියෙදි කියන්න.. – නීතිඥ සංගමයේ සභාපති ගැන කළ ප්රකාශයට මන්ත්රී අසිත නිරෝෂණට අභියෝගයක්
බංග්ලාදේශ ජනාධිපතිවරයා ඉල්ලා අස්වෙයි..
විනිසුරු විශ්රාම වයස වැඩි කිරීම: 'ගොඩගැසුණු නඩු ඉවර කිරීම අරමුණ නම් මුර්දු ප්රනාන්දු සිටියදී නොගෙනාවේ ඇයි?' - ආචාර්ය නිහාල් ජයවික්රම ප්රශ්න කරයි!
ට්රම්ප්ට වෙලා තියෙන්නේ "ගෙදර ගියොත් අඹු නසී මග සිටියොත් තෝ නසී" වගේ වැඩක්.. - ජාත්යන්තර දේශපාලන විශ්ලේෂක ආචාර්ය ජගත් චන්ද්රවංශ
ශ්රී ලංකාව ඇතුළු රටවල් 60කට අමෙරිකාවෙන් නව බද්දක්..
ආණ්ඩුව මෙරට අධිකරණය සිරගතකර තමන් භාරයට අරගෙන.. - විමල්ගෙන් චෝදනා..
සබරගමුව වෛද්ය පීඨය අනතුරේ.. නැවතත් වෛද්ය නොවන තැනත්තෙක් පීඨාධිපති කිරීමේ තැතක්.. ලෝක වෛද්ය සභාවේ ප්රතීතනය අහිමිවීමේ අවදානමක්..
පාස්කු ප්රහාරය සම්බන්ධයෙන් ගෝඨාභයට එරෙහිව කිසිඳු සාක්ෂියක් ඉදිරිපත් වී නැහැ.. - ගෝඨාභයගේ රිට් පෙත්සමේ සවිස්තරාත්මක වාර්තාව..
භාණ්ඩාගාරයේ ඩොලර් මිලියන 2.5ක වංචාව: මුදල් අමාත්යංශය කියන්නේ බොරු.. - මහ බැංකුවෙන් ආන්දෝලනාත්මක නිවේදනයක්
වලිකාමම් හමුදා රෝහල කඩා ඉවත් කිරීමේ සුමන්තිරන්ගේ යෝජනාව ගැන ශමීන්ද්රගෙන් අනාවරණයක්..
පාර්ලිමේන්තුවේදී ආණ්ඩුව අමාරුවේ දැමීම සඳහා විජේවීර පවුලට අවමන් කිරීම දුෂ්ඨ ක්රියාවක්.. - වෛද්ය වසන්ත බණ්ඩාර
චීන මහජන විමුක්ති හමුදාවේ 99 වැනි සංවත්සරය කොළඹදී සමරයි - ශ්රී ලංකාව සමඟ හමුදාමය සහයෝගීතාව තවදුරටත් ශක්තිමත් කිරීමට කැපවන බවට සහතිකයක්
ඊශ්රායල අගමැති අත්අඩංගුවට ගැනීමට කිසිවෙකුට ඉඩ දෙන්නේ නෑ.. - ට්රම්ප්ගෙන් දැඩි අනතුරු ඇඟවීමක්..
පුරාවිද්යා අධ්යක්ෂක සෙනරත් වික්රමසිංහ කාර්ය මණ්ඩලයට තර්ජනය කරයි..
ඉරාන යුද්ධයට වැඩි අරමුදල් ඉල්ලා එක්සත් ජනපදයේ යුද ලේකම්ත් සෙනෙට් ඩිමොක්රටික් සභිකයන්ගේ දැඩි ප්රශ්න කිරීම්වලට ලක්වේ
කියෙව් පාලනය දැඩි අර්බුදයක: ශ්රී ලංකාවේ රුසියානු තානාපති කාර්යාලයෙන් විශේෂ නිවේදනයක්