රන්වලගේ සානුකම්පිත දීමනාව තුවාලකරුවන් ප්රතික්ෂේප කරයි..
තමන් පැදවූ ජීප් රථයේ ගැටී තුවාල ලැබුවන්ට සානුකම්පිත දීමනාවක් ලෙස මුදල් ලබාදීමට කැමති බව පාර්ලිමේන්තු මන්ත්රී හිටපු කථානායක අශෝක රන්වල මහතා සිය නීතිඥවරුන් මගින් අධිකරණයට දැනුම් දුන්නද, තුවාල ලැබූ පාර්ශවය එම මුදල් ලබාගැනීම ප්රතික්ෂේප කළේය.
මේ අතර අදාළ නීති කෘත්යය අද කැඳවූ අවස්ථාවේදී පාර්ලිමේන්තු මන්ත්රී අශෝක රන්වල මහතාගේ රියදුරු බලපත්රය තාවකාලිකව අත්හිටුවීමට ද මහර අතිරේක මහේස්ත්රාත්වරයා නියෝග කර තිබේ.
ජාතික ජන බලවේගයේ පාර්ලිමේන්තු මන්ත්රී හිටපු කතානායක අශෝක රන්වල මහතා පැදවූ ජීප් රථය දෙසැම්බර් 11 වනදා සපුගස්කන්ද ප්රදේශයේදී තවත් මෝටර් රථයක සහ යතුරුපැදියක ගැටීමේ සිද්ධියට අදාළ නඩුව අද මහර අංක 02 අතිරේක මහේස්ත්රාත් බණ්ඩාර ඉලංගසිංහ මහතා ඉදිරියේ කැඳවනු ලැබීය.
එහිදී සැකකාර පාර්ලිමේන්තු මන්ත්රී අශෝක රන්වල මහතා අධිකරණයේ පෙනී නොසිටී අතර ඔහු වෙනුවෙන් පෙනී සිටි නීතිඥ කණ්ඩායම මන්ත්රීවරයා තවදුරටත් කොළඹ ජාතික රෝහලේ හදිසි අනතුරු අංශයේ 76 වන වාට්ටුවේ ප්රතිකාර ලබමින් සිටීන බවට වූ වෛද්ය වාර්තා ඉදිරිපත් කළේය.
එහිදි අතිරේක මහේස්ත්රාත් බණ්ඩාර ඉලංගසිංහ මහතා විවෘත අධිකරණයේදී මෙලෙස ප්රශ්න කළා.
" දැන් මේ සිදුවීමේදී තුවාලවෙලා තියෙන්නේ සැකකරුට ද, නැතිනම් වින්දිතයින්ටද? "
ඊට පිළිතුරු දුන් සපුගස්කන්ද පොලිසියේ විමර්ශන නිලධාරින් " මෝටර් රථයේ ගමන් කළ තැනැත්තන්ට ස්වාමිනි, දැනටත් රෝහල්ගතව සිටින කාත්තාවගේ වම් කකුළ දනහිසට පහළින් කැඩිලා " යැයි පැවසුවා.
එහිදි පෙරළා අතිරේක මහේස්ත්රාත්වරයා යළි ප්රශ්න කළේ " එහෙනම් සැකකරුට පවතින තුවාල මොනවාද? " යන්නයි.
එම ප්රශ්නයට පිළිතුරු දෙමින් රන්වල මන්ත්රීවරයා වෙනුවෙන් පෙනීසිටි නීතිඥ අකලංක උක්වත්ත මහතා පැවසුවේ සිය සේවාදායකයාගේ ශාරීරික තත්ත්වය යෝග්යනොවන බව වෛද්යවරුන් විසින් නිර්දේශ කර ඇති බැවින් රෝහල්ගතව ප්රතිකාර ලබන බවය.
එහිදී අතිරේක මහේස්ත්රාත්වරයා යළි ප්රශ්න කළේ සැකකරුට ශල්යකර්මයක් සිදුකිරීමට නියමිතද යන්නයි.
ඊටද නීතිඥ අකලංක උක්වත්ත මහතා නැත යනුවෙන් පිළිතුරු දුන්නා.
පසුව අදාළ අනතුර සම්බන්ධයෙන් විමර්ශනය මෙහෙයවන සපුගස්කන්ද පොලිස් නිලධාරින් විමර්ශනය සම්බන්ධයෙන් වැඩිදුර වාර්තාවක් අධිකරණයට ඉදිරිපත් කරමින් කියා සිටියේ සැකකාර මන්ත්රීවරයා අනතුර සිදුවන අවස්ථාවේ බීමත්ව සිටියේදැයි සොයාබැලීම සඳහා කොළඹ ජාතික රෝහලේ සිටියදී ලබාගත් රුධිර සාම්පල රජයේ රස පරීක්ෂක දෙපාර්තමේන්තුව වෙත යොමුකර ඇති බවය.
කෙසේ වෙතත් ඊට අදාළ වාර්තා මෙතෙක් ලැබී නොමැති බව සපුගස්කන්ද පොලීසිය අධිකරණයට දැනුම් දුන්නේය.
එසේම අශෝක රන්වල මන්ත්රීවරයා පැදවූ ජීප් රථයේ දුර්වල නඩත්තුව හේතුවෙන් තිරිංගවල ගැටලුවක් පැවත ඇති බව ද විමර්ශන නිලධාරින් කියා සිටියේය.
මෙහිදී නීතිඥ අකලංක උක්වත්ත චෝදනා කර සිටියේ අනතුරට රියදුරන් තිදෙනෙකු සම්බන්ධ වුවද, ඉන් සිය සේවාදායකයාගේ ක්රියාකලාපය සම්බන්ධයෙන් පමණක් පොලිසිය විමර්ශන සිදුකිරීම ගැටලු සහගත බවය.
සිදුවීමට අදාළව මෝටර් රථයේ රියදුරු සහ යතුරුපැදියේ පැදිකරු සම්බන්ධයෙන් ද විමර්ශන සිදුකළ යුතු බව නීතිඥවරයා විවෘත අධිකරණයේදී පැවසුවේය.
ඊට ප්රතිචාර දැක්වූ සපුගස්කන්ද පොලිස් නිලධාරින් කියාසිටියේ ජීප් රථය පැදවූ මන්ත්රීවරයා පළමුව හැප්පීම සිදුකර ඇති බවය.
කෙසේ වෙතත් අනෙක් රියදුරන් දෙදෙනා සම්බන්ධයෙන්ද අධිකරණ වෛද්ය සාම්පල රජයේ රස පරීක්ෂකවරයාට යොමුකර ඇති බව සපුගස්කන්ද පොලිස් නිලධාරින් පැවසුවේය.
මෙහිදී සිය සේවාදායකයා කැමැත්තෙන් සානුකම්පිත දීමනාවක් ලෙස අනතුරින් තුවාල ලබා මේවනවිටත් රෝහල්ගතව සිටින කාන්තාවට රුපියල් 50,000ක්ද, ප්රතිකාර ලබා පිටව ගොස් සිටින කුඩා දරුවාට සහ මවට රුපියල් 25,000 බැගින්ද ලබාදීමට සුදානම් බව පාර්ලිමේන්තු මන්ත්රී අශෝක රන්වල වෙනුවෙන් නීතිඥ අකලංක උක්වත්ත අධිකරණයට මුදල් ඉදිරිපත් කළේය.
කෙසේවෙතත් අනතුරින් තුවාල ලබා මේවනවිටත් රෝහල්ගතව සිටින කාන්තාවගේ ස්වාමි පුරුෂයා එම මුදල් ලබාගැනීම ප්රතික්ෂේප කළේය.
ඉදිරිපත් වූ කරුණු සලකා බැලූ මහර අතිරේක මහේස්ත්රාත් බණ්ඩාර ඉලංගසිංහ මහතා සැකකාර අශෝක රන්වල මන්ත්රීවරයාගේ රියදුරු බලපත්රය තාවකාලිකව අත්හිටුවීමට නියෝග කළේය.
එමෙන්ම රෝහලෙන් පිටව ආ පසු ජාතික ප්රවාහන වෛද්ය ආයතනය වෙත ගොස් ශාරීරික හා මානසික යෝග්යතා පරීක්ෂණයකට පෙනී සිටින ලෙසද නියෝග කර ඇත.
නඩුව යළි ජනවාරි 16 වැනිදා කැඳවීමට නියමිතය.
- අද දෙරණ
සම්බන්ධිත පුවත් | Related News
ප්රධාන පුවත්
සලේ වෙනුවෙන් අඛණ්ඩ සත්යග්රහය ආරම්භ වෙයි..
සුරේෂ් සලේගේ බිරිඳගෙන් CID අධ්යක්ෂ ශානිට ලිපියක්..
මේ පිරිමහන්නේ නන්දිකඩාල් පරාජයේ වෛරයයි.. මාලිමාවේ ඊබ්රාහිම් නිදොස් කොට රණවිරු සලේ පාස්කු පාස්කු ප්රහාරයේ “කුරුසය” මත තබා ඇන ගසන්නට ඉඩ නොදෙනු! - විමල්ගෙන් සටහනක්
සලේ වෙනුවෙන් අද සිට අඛණ්ඩ සත්යග්රහයක්..
සුරේෂ් සලේ රෝගී තත්ත්වයකින් කොළඹ ජාතික රෝහලට..
වීදුරු ගෙවල් වල හිඳිමින් අනුන්ට ගල් ගහන්න එපා!- ශ්රී ලංකාවේ රුසියානු තානාපතිගෙන් ශ්රී ලංකාවේ යුරෝපා සංගමයේ නියෝජිතයන්ට අවවාදයක්
යාපනයේ ජාතිවාදය අවුස්සන හැටි මෙන්න.. ආණ්ඩුව මොකද කියන්නේ? - අරුන් සිද්ධාර්ත්
ආණ්ඩුවේ ආයුෂ උතුරු නැගෙනහිර පළාත් සභා ඡන්දය තියන තුරු විතරයි.. - වෛද්ය වසන්ත බණ්ඩාර
මනෝගෙන් අතිශය ආන්දෝලනාත්මක ප්රකාශයක්..- පළාත් සභා උභතෝකෝටිකය!
මහ බැංකුව වගකීම් විරහිත ආයතනයක් වෙලා.. මහ බැංකු අධිපති පැනල යන බව කළින් කියා පැනල යයිද? - විමල් ප්රශ්න කරයි..
ඇමරිකා අලුත් බද්දෙන් ලංකාව අමාරුවේ..- ලංකා වාණිජ මණ්ඩලය
මහා සංඝරත්නයට, සම්බුද්ධ සාසනයට ද්වේෂසහගතව අගෞරව කිරීම පිළිබඳව කුප්රකට
ගම්මන්පිල සහ ඉන්දීය නීති සමාගමේ පාලන හවුල්කරු සුරනා අතර හමුවක්.. සාකච්ඡාව පිටුපස සැඟවුනු ඉන්දීය න්යාය පත්රයක් තිබුනාද?
චීනය සහ ශ්රී ලංකාව දේශසීමා හරහා සිදුවන මාර්ගගත සූදු හා විදුලි සංදේශ වංචා මර්දනය කිරීමට දැඩිව එක්ව ක්රියා කරනවා!-ශ්රී ලංකාවේ චීන තානාපති කාර්යාලය
චීන ජනපති ලබන සතියේදී උතුරු කොරියාවේ සංචාරයකට සැරසෙයි..
සිංහල ජාතිකවාදී රාජ්ය ජාතිය ආගම පදනම්කර ගෙන වර්ග සංහාරයක් සිදුකළා.. දෙමළ ජනතාවට එරෙහිව වර්ග සංහාරයක් සිදුකළා කියලා උතුරු පළාත් සභා ප්රකාශනයෙන් කියවෙනවා.. - ජීවන්ත පීරිස් පූජකවරයා යළිත් කියයි..