මන්ත්‍රී හිස්බුල්ලා ඝානාවේ රන් ජාවාරම්කරුන් පිරිසකට හසුවෙලා.. ඩොලර් මිලියන 2ක වංචාවක්..

Oct 28, 2025 at 06:23 AM

|

Lanka Leader

ඝානාවේ ජනමාධ්‍ය වාර්තාවලට අනුව, ව්‍යාජ රන් ගනුදෙනුවකින් ශ්‍රී ලංකාවේ පාර්ලිමේන්තු මන්ත්‍රී මුහම්මද් හිස්බුල්ලාට ඩොලර් මිලියන 2 ක වංචාවක් සිදුකළ බවට චෝදනා ලැබූ පුද්ගලයින් 11 දෙනකුට ඇක්රාහි අධිකරණයක් ඇප ලබා දී තිබේ.

විත්තිකරුවන්, අබ්දුල් රවුෆ් ඇඩම්, අල්හ්මමුඩි සාලේ, යාව් අත්තා ඇන්ට්වි, ඔස්මාන් සුලේමාන්, නයිරාබා ඩ්වාමේනා රා III, බෙන්ස්කාර්ල් ඩ්වාමේනා, සන්ෆෝ මුබසිර්, සල්ලා මම්මුඩි, අහමඩ් ඉසා, උමාරු පෆඩෙනම් සහ සලිෆු සුලේමාන් ලෙස සඳහන් අතර, එක් එක් අයකුට ඝානා සෙඩි 500,000ක (ඩොලර් 33,000 ක් පමණ) ඇප මත මුදාහැර තිබේ.

සැකකරුවන් 2023 දී හිස්බුල්ලාට විශාල රත්‍රන් සැපයිය හැකි බව පවසමින් කුමන්ත්‍රණය කළ බව නඩු පවරන්නන් අධිකරණයට පවසා ඇත.

ගෙවීම ලැබීමෙන් පසු, මෙම කණ්ඩායම රත්‍රන් ලබාදීමට අපොහොසත් වූ බව කියනු ලබන අතර, පසුව අවබෝධතා ගිවිසුමක් මගින් තවත් කිලෝග්‍රෑම් 50 ක රන් දීමනාවක් සමඟ මන්ත්‍රීවරයා නැවත සම්බන්ධ කර ගැනීමට උත්සාහ කර තිබේ.

සැකකරුවන් ඔක්තෝබර් 16 වැනි දින ඇක්‍රා හි වීජා SCC ප්‍රදේශයේදී ජාතික ආරක්ෂක මෙහෙයුමකදී අත්අඩංගුවට ගෙන ඇත.

රන් යැයි විශ්වාස කරන කහ පැහැති ලෝහමය භාණ්ඩ දෙකක්ද එහිදී නිලධාරීන් විසින් සොයාගෙන ඇත.

ඒවායේ සත්‍යතාව තහවුරු කිරීම සඳහා රසායනාගාර පරීක්ෂණ සිදු කෙරෙමින් පවතී.

අපරාධ කිරීමට කුමන්ත්‍රණය කිරීම, ව්‍යාජ මවාපෑමෙන් වංචා කිරීම සහ වංචා කිරීමට තැත්කිරීම යන චෝදනා 11 දෙනාටම එල්ල වී තිබේ.

ඔවුන් නොවැම්බර් 20 වන දින නැවත අධිකරණයේ පෙනී සිටීමට නියමිතය.