නේපාල ආණ්ඩුව පෙරලා දැමීමට ඇමරිකානු සමාජ මාධ්ය ජාලා ලොකු වැඩ කොටසක් කළා- රනිල් වික්රමසිංහ
ගූගල්, ෆේස්බුක් සහ යූ ටියුබ් වැනි ඇමරිකාවට අයත් සමාජ මාධ්ය සමාගම් ආණ්ඩු පෙරලා දැමීම සඳහා දේශපාලන කැලඹිලි උපයෝගී කර ගත් ආකාරය හිටපු ජනාධිපති රනිල් වික්රමසිංහ පෙන්වා දී තිබේ. නේපාලයේ පැතිර යන ප්රචණ්ඩත්වය පිළිබඳ ප්රකාශයක් නිකුත් කරමින් හිටපු ජනාධිපතිවරයා පවසා ඇත්තේ එවැනි සමාජ මාධ්ය වේදිකා මගින් ඉටු කරන කාර්යභාරය අවතක්සේරු නොකළ යුතු බවයි.
නේපාලයේ කත්මණ්දු නුවර තත්ත්වය පිළිබඳව දැඩි කනස්සල්ල පළ කරමින් හිටපු ජනාධිපතිවරයා මෑත කාලීන ප්රචණ්ඩත්වය හෙළා දැක ඇති අතර රට තුළ සාමය සහ ස්ථාවරත්වය යථා තත්ත්වයට පත් කරන ලෙසද ඉල්ලා සිටී.
“පළමුවෙන්ම, නේපාලයේ සිදුවී ඇති තරුණ ඝාතන ඇතුළු සියලු ආකාරයේ ඝාතන මම හෙළා දකිමි. ඒ හා සමානව, හිටපු අගමැතිගේ නිවස ගිනි තැබීම සහ හිටපු අගමැතිගේ බිරිඳ ඝාතනය කිරීම අතිශයින්ම කණගාටුදායක තත්ත්වයක්. එම ඝාතනය සම්බන්ධයෙන් මම මගේ ශෝකය ප්රකාශ කරමි." හිටපු ජනාධිපතිවරයා සිය ප්රකාශය මගින් පවසයි.
ඇමතිවරුන්ට, විශේෂයෙන් විදේශ අමාත්යවරියට එල්ල කරන ලද ප්රහාර ඛේදවාචකයේ අඛණ්ඩ පැවැත්මක් බව හිටපු ජනාධිපතිවරයා සිය ප්රකාශය මගින් පවසන කළ අතර, කාන්තා අයිතිවාසිකම් බරපතල ලෙස උල්ලංඝනය කර ඇති බවත්, එවැනි ක්රියාවන් නේපාලයේ ජාත්යන්තර කීර්ති නාමයට කැළලක් ඇති කර ඇති බවත් අවධාරණය කළේය.
කත්මණ්දු නුවර තත්ත්වය “මෙතරම් දුර නොයා යුතුව තිබූ” බවත්, පොලිසිය විසින් වෙඩි තැබීම “පිළිගත නොහැකි ක්රියාමාර්ගයක්” බවත් හිටපු ජනාධිපතිවරයා පැවසීය. වාර්තා උපුටා දක්වමින් ඔහු සිය ප්රකාශය මගින් පවසන්නේ පළමු දිනයේම වෙඩි තැබීමකින් තොරව නොසන්සුන්තාව පාලනය කළ හැකිව තිබූ බවත්, එවැනි වර්ධනයන් තවදුරටත් උත්සන්න වීමේ අන්තරායන් පිළිබඳව අනතුරු ඇඟවූ බවත්ය.
ගෝලීය සමාජ මාධ්ය වේදිකාවල බලපෑම ද ඉස්මතු කරමින් ඔහු සිය ප්රකාශය මගින්,
නේපාලයේ අර්බුදය ඇති වූයේ දිගුකාලීන ගැටළු වලින් බවත්, දේශපාලනඥයන් එදිනෙදා ප්රශ්න කෙරෙහි අවධානය යොමු කරමින් දිගු කාලීන දේශපාලන අනතුර නොසලකා හරින ලද බවත් එක්සත් ජාතික පක්ෂ නායකයා තර්ක කළේය.
“දකුණු ආසියානු සම්ප්රදායට අනුව, උග්ර ගැටළු වලට විසඳුම් සොයා නොගෙන, සෑම කෙනෙකුම එදිනෙදා දේශපාලනය කෙරෙහි අවධානය යොමු කර තිබුණි. මෙය තරුණ පරම්පරාව අතර දැඩි කලකිරීමට හේතු වී තිබේ.”
මූල හේතු ආමන්ත්රණය කිරීම වෙනුවට සම්පූර්ණ සමාජ මාධ්ය තහනමක් පැනවීමට ගත් තීරණය තරුණයින් අතර පුළුල් කලකිරීමක් ඇති කර ඇති බව ඔහු සිය ප්රකාශය මගින් අවධාරණය කළේය.
නේපාල පාර්ලිමේන්තුව සහ අධිකරණ ගොඩනැගිලි ගිනි තැබීම දැඩි ලෙස හෙළා දකින ඔහු “නේපාලයේ ප්රජාතන්ත්රවාදයට කරන ලද මහත් අගෞරවයක්” බව අවධාරණය කළේය.
සිය ප්රකාශය මගින් ඔහු දැඩිව අවධාරණය කරමින් “කෙසේ වෙතත්, අවසානයේ ඉතිරි වූයේ ආණ්ඩුක්රම ව්යවස්ථාවක් නොමැති නේපාලයකි. රට තුළ සාමය ස්ථාපිත කිරීම සහ ආණ්ඩුක්රම ව්යවස්ථාවට අනුව මැතිවරණ පැවැත්වීම බලය භාරගත් හමුදාවේ වගකීමකි.” යනුවෙන් පවසා තිබේ.
ශ්රී ලංකාව සහ නේපාලය අතර ඇති ඓතිහාසික සබඳතා සම්බන්ධයෙන් අදහස් ද්ක්වමින්, බුදුන් වහන්සේ උපන් ස්ථානය ලෙස නේපාලයට විශේෂ ස්ථානයක් හිමි වන බව ඔහු සඳහන් කළ අතර එවැනි රටක ඉවසිය නොහැකි "ම්ලේච්ඡ ක්රියාවන්" ලෙස ඔහු ප්රචණ්ඩත්වය හෙළා දුටුවේය.
"රාජ්ය පාලනයේ පෙන්නුම් කරන ලද නොහැකියාව ද මෙම තත්ත්වයට හේතු වී ඇතැයි සිතිය හැකිය," රනිල් වික්රමසිංහ මහතා පෙන්වා දෙයි.
බුදුන්ගේ ඉගැන්වීම් උපුටා දක්වමින් වික්රමසිංහ මහතා නේපාලයේ වත්මන් නායකයින්ගෙන් සමගියෙන් යුත් මාවතක් අනුගමනය කරන ලෙස සිය ප්රකාශය මගින් ඉල්ලා සිටියේය.
සම්බන්ධිත පුවත් | Related News
ප්රධාන පුවත්
කළු මුහුදේ බලය තහවුරු කරගනිමින් රුසියාවෙන් දැවැන්ත මෙහෙයුමක්: යුක්රේන යුද්ධය අවසාන අදියරට
ජනපති මන්දිරවල පිටස්තරයින් 3000කට වැඩිය නවාතැන් අරන්.. - විගණන කාර්යාලයෙන් අනාවරණයක්
"ශ්රී ලංකාව සැමවිටම අපගේ හදවත් තුළයි" – චීන තානාපති චී ෂෙන්හොං වසර 6ක සේවයෙන් පසු සමුගනියි..
"ගොවි පුත්තු ටික ගමට එනකම් ගොවියො බලාගෙන ඉන්නේ".. - ජයන්ත සමරවීර
පාර්ලිමේන්තු වරප්රසාද පිටුපස හැංගෙන්නේ නැතුව ඕන නම් එළියෙදි කියන්න.. – නීතිඥ සංගමයේ සභාපති ගැන කළ ප්රකාශයට මන්ත්රී අසිත නිරෝෂණට අභියෝගයක්
බංග්ලාදේශ ජනාධිපතිවරයා ඉල්ලා අස්වෙයි..
විනිසුරු විශ්රාම වයස වැඩි කිරීම: 'ගොඩගැසුණු නඩු ඉවර කිරීම අරමුණ නම් මුර්දු ප්රනාන්දු සිටියදී නොගෙනාවේ ඇයි?' - ආචාර්ය නිහාල් ජයවික්රම ප්රශ්න කරයි!
ට්රම්ප්ට වෙලා තියෙන්නේ "ගෙදර ගියොත් අඹු නසී මග සිටියොත් තෝ නසී" වගේ වැඩක්.. - ජාත්යන්තර දේශපාලන විශ්ලේෂක ආචාර්ය ජගත් චන්ද්රවංශ
ශ්රී ලංකාව ඇතුළු රටවල් 60කට අමෙරිකාවෙන් නව බද්දක්..
ආණ්ඩුව මෙරට අධිකරණය සිරගතකර තමන් භාරයට අරගෙන.. - විමල්ගෙන් චෝදනා..
සබරගමුව වෛද්ය පීඨය අනතුරේ.. නැවතත් වෛද්ය නොවන තැනත්තෙක් පීඨාධිපති කිරීමේ තැතක්.. ලෝක වෛද්ය සභාවේ ප්රතීතනය අහිමිවීමේ අවදානමක්..
පාස්කු ප්රහාරය සම්බන්ධයෙන් ගෝඨාභයට එරෙහිව කිසිඳු සාක්ෂියක් ඉදිරිපත් වී නැහැ.. - ගෝඨාභයගේ රිට් පෙත්සමේ සවිස්තරාත්මක වාර්තාව..
භාණ්ඩාගාරයේ ඩොලර් මිලියන 2.5ක වංචාව: මුදල් අමාත්යංශය කියන්නේ බොරු.. - මහ බැංකුවෙන් ආන්දෝලනාත්මක නිවේදනයක්
වලිකාමම් හමුදා රෝහල කඩා ඉවත් කිරීමේ සුමන්තිරන්ගේ යෝජනාව ගැන ශමීන්ද්රගෙන් අනාවරණයක්..
පාර්ලිමේන්තුවේදී ආණ්ඩුව අමාරුවේ දැමීම සඳහා විජේවීර පවුලට අවමන් කිරීම දුෂ්ඨ ක්රියාවක්.. - වෛද්ය වසන්ත බණ්ඩාර
චීන මහජන විමුක්ති හමුදාවේ 99 වැනි සංවත්සරය කොළඹදී සමරයි - ශ්රී ලංකාව සමඟ හමුදාමය සහයෝගීතාව තවදුරටත් ශක්තිමත් කිරීමට කැපවන බවට සහතිකයක්