විරෝධතා “අවස්ථාවාදීන්” විසින් පැහැරගත් බව නේපාල අරගලකරුවෝ කියති..
දශක ගණනාවකට පසු නේපාලයට බලපෑ දරුණුතම නොසන්සුන්තාව මධ්‍යයේ, අගනුවර වන කත්මණ්ඩු නගරයේ වීදිවල හමුදා මුර සංචාර යොදවා ඇති අතර, මෙම විරෝධතා අඟහරුවාදා ප්‍රචණ්ඩකාරී ස්වරූපයක් ගෙන තිබිණි.
මෙම වතාවරණය තුළ එරට අගමැති ඉල්ලා අස්වූ අතර දින දෙකක ප්‍රචණ්ඩත්වය හේතුවෙන් තිස් දෙනෙකු මියගොස්, දහසකට අධික පිරිසක් තුවාල ලබා ඇත.
“Gen Z” කණ්ඩායම් මෙම විනාශකාරී ක්‍රියාවන්ගෙන් ඈත් වෙමින්, ඔවුන්ගේ විරෝධතා “අවස්ථාවාදීන්” විසින් පැහැරගත් බවට බවට චෝදනා කරති.
විරෝධතා ආරම්භ වීමට මූලික හේතුව වූයේ පසුගිය සතියේ වට්ස්ඇප්, ඉන්ස්ටග්‍රෑම් සහ ෆේස්බුක් ඇතුළු සමාජ මාධ්‍ය වේදිකා 26ක් තහනම් කිරීමට රජය ගත් තීරණය වුවද, එය නේපාලයේ දේශපාලන ප්‍රභූන් කෙරෙහි ගැඹුරු අසහනයක් නියෝජනය කිරීමට වර්ධනය විය.
තහනමට පෙර සති කිහිපය තුළ, දේශපාලඥයන්ගේ දරුවන්ගේ සුඛෝපභෝගී ජීවන රටාවන් සහ දූෂණ චෝදනා ඉස්මතු කරමින් “නෙපෝ කිඩ්” (nepo kid) ව්‍යාපාරයක් සමාජ මාධ්‍යවල ජනප්‍රිය වී තිබුණි. සමාජ මාධ්‍ය තහනම සඳුදා රාත්‍රියේ කඩිමුඩියේ ඉවත් කළද, විරෝධතා ඒ වන විටත් නතර කළ නොහැකි වේගයක් ලබාගෙන තිබුණි.
සඳුදා පොලිසිය සමඟ ඇති වූ ගැටුම්වලින් විරෝධතාකරුවන් දහනව දෙනෙකු මිය ගිය අතර, මෙම මරණ අඟහරුවාදා වන විට තවත් වැඩිවී තිබිණි. අඟහරුවාදා තවත් මරණ තුනක් වාර්තා වූ අතර, පොලිස් නිලධාරීන් දෙදෙනෙකු ද මිය ගිය බව බලධාරීහු පවසති. විරෝධතා නොකඩවා පැවති අතර, කත්මණ්ඩු හි පාලක සන්ධානයේ කොටසක් වන නේපාල කොන්ග්‍රස් පක්ෂයේ මූලස්ථානයට සහ එහි නායකයා වූ හිටපු අගමැති ෂර් බහදූර් දියුබාගේ නිවසට ගිනි තබා ඇත. සිය ගණනක් විරෝධතාකරුවෝ පාර්ලිමේන්තු ගොඩනැගිල්ලට කඩා වැදී ගිනි තබා, ජනෙල් කඩා දමා තිබේ. රජයේ කාර්යාල පිහිටි විශාල සංකීර්ණයක් වන සිංහා දුර්බාර් ද වැටලූ අතර, අධිකරණයට සිදු වූ දරුණු හානි හේතුවෙන් එහි සියලු නඩු කටයුතු දින නියමයකට කල් දමා ඇති බව බදාදා ප්‍රකාශ කර ඇත.
අනතුරුදායක සිදුවීම් අතර, හිටපු අගමැති ජලනාත් ඛානල්ගේ බිරිඳ වන රවිලක්ෂ්මී චිත්‍රාකාර් අඟහරුවාදා කත්මණ්ඩු හි ඔවුන්ගේ නිවසට විරෝධතාකරුවන් ගිනි තැබූ විට බරපතල පිළිස්සුම් තුවාල ලබා දැඩි සත්කාර ඒකකයේ ප්‍රතිකාර ලබමින් සිටී. මෙම අවුල් සහගත තත්ත්වය අතරතුර, රට පුරා බන්ධනාගාරවලින් දහස් ගණනක් රැඳවියන් පලා ගොස් ඇති බව නිලධාරීහු වාර්තා කළහ. අඟහරුවාදා සවස බටහිර නේපාලයේ බංකේ හි පිහිටි බාල වයස්කරුවන් සඳහා වූ පුනරුත්තාපන මධ්‍යස්ථානයකින් පලා ගිය පස් දෙනෙකුට ආරක්ෂක අංශ වෙඩි තැබීමෙන් මිය ගොස් ඇත. ඔවුන් සියලු දෙනාම වයස අවුරුදු 18ට අඩු අය බව වාර්තා වේ.
නේපාල හමුදාව කත්මණ්ඩු නගරයේ වීදිවල මුර සංචාර යොදවා ඇති අතර, තත්ත්වය පාලනය කිරීමට උත්සාහ කරමින් සිටින හමුදාව Gen Z විරෝධතාකරුවන්ට සාකච්ඡා සඳහා ආරාධනා කර ඇත. බ්‍රහස්පතින්දා උදෑසන වන තුරු රට පුරා ඇඳිරි නීතිය පනවා ඇති අතර, ප්‍රචණ්ඩත්වය සහ විනාශකාරී ක්‍රියා සඳහා දඬුවම් කරන බවට හමුදාව අනතුරු අඟවා තිබේ. ප්‍රචණ්ඩත්වය සහ කොල්ලකෑම් සම්බන්ධයෙන් පුද්ගලයන් විසිහත් දෙනෙකු අත්අඩංගුවට ගෙන ඇති අතර ගිනි අවි 31ක් සොයාගෙන ඇත.
හමුදා මුරපොලවල් හරහා වාහන හැඳුනුම්පත් පරීක්ෂා කරන නිලධාරීන්, අනවශ්‍ය ගමන් බිමන් නොයන ලෙස ශබ්ද විකාශන යන්ත්ර මගින් ජනතාවට නිවසේ රැඳී සිටින ලෙස ඉල්ලා සිටී. බදාදා වන විට කත්මණ්ඩු ගුවන් තොටුපළ නැවත විවෘත කර ඇති අතර, බොහෝ පදිංචිකරුවන් ඇඳිරි නීතියට කීකරු වීමත් සමඟ අගනුවර සාපේක්ෂව නිශ්ශබ්ද වී ඇත. කෙසේ වෙතත්, සමහර තරුණයින් විරෝධතා හේතුවෙන් සිදු වූ හානි පිරිසිදු කරමින් සිටිනු දක්නට ලැබුණි.
විරෝධතා මෙහෙය වූ “Gen Z” කණ්ඩායම් ප්‍රචණ්ඩත්වය ප්‍රතික්ෂේප කරමින් කියා සිටියේ තම විරෝධතා “අවස්ථාවාදීන්” හෝ “සහභාගීකරුවන්” විසින් ‘අපහරණය’ කළ බවයි.
හමුදා ප්‍රකාශක රාජාරාම් බස්නෙට් පැවසුවේ තත්ත්වයෙන් ප්‍රයෝජන ගෙන කොල්ලකෑම්, ගිනි තැබීම් සහ විවිධ සිදුවීම් ඇති කරන මූලද්‍රව්‍ය පාලනය කිරීමේ ක්‍රියාවලියක සිටින බවයි.
විරෝධතාකරුවන් නිකුත් කළ ප්‍රකාශයක සඳහන් වූයේ මෙම ව්‍යාපාරය “ප්‍රචණ්ඩත්වයෙන් තොරව පැවති අතර, සාමකාමී සිවිල් මැදිහත්වීම් මූලධර්ම මත පදනම් වූ” බවයි. ඔවුන් තත්ත්වය “වගකීමෙන් කළමනාකරණය කිරීමට”, පුරවැසියන් ආරක්ෂා කිරීමට සහ පොදු දේපළ ආරක්ෂා කිරීමට ස්වේච්ඡාවෙන් ඉදිරිපත් වූ බව ද ඔවුහු සඳහන් කළහ. බදාදා සිට තවදුරටත් විරෝධතා සැලසුම් කර නොමැති බව ද ඔවුහු පැවසූ අතර, අවශ්‍ය පරිදි ඇඳිරි නීතිය ක්‍රියාත්මක කරන ලෙස හමුදාවට සහ පොලිසියට ආරාධනා කළහ.
සම්බන්ධිත පුවත් | Related News
ප්‍රධාන පුවත්
පනාමුරේ තිලකවංශ නාහිමියන්ට ජීවිත ආරක්ෂාව ඉල්ලමින් මහජන ආරක්ෂක නියෝජ්‍ය අමාත්‍යවරයාට ලිපියක්..
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..