කත්මන්දු නුවර දෙදරුම් කවමින් පැවැති මාරාන්තික විරෝධතා වලින් පසු නේපාල රජය සමාජ මාධ්‍ය තහනම ඉවත් කරයි
ඊයේ(08) පැවති ගැටුම්වලින් අවම වශයෙන් පුද්ගලයින් 19 දෙනෙකු මිය ගොස් 200 කට වැඩි පිරිසක් තුවාල ලැබීමෙන් පසු නේපාල රජය ප්‍රමුඛ සමාජ මාධ්‍ය යෙදුම් සහ පණිවිඩ සේවා 26 ක් සඳහා පනවා තිබූ තහනම ඉවත් කර ඇතැයි වාර්තාවේ.
සමාජ මාධ්‍ය ජාලා අවහිර කිරීමට එරෙහිව විරෝධතා දැක්වූ විරෝධතාකරුවන් කත්මණ්දු නුවර පිහිටි පාර්ලිමේන්තු සංකීර්ණය දෙසට ගමන් කිරීමෙන් පැය කිහිපයකට පසු තහනම ආපසු ලබා දෙන බව එරට සන්නිවේදන හා තොරතුරු අමාත්‍යවරයා නිවේදනය කළේය.
“අපි සමාජ මාධ්‍ය වසා දැමීම ඉවත් කර තිබෙනවා. ඒවා දැන් සක්‍රියයි.” සන්නිවේදන අමාත්‍ය ප්‍රිත්වි සුබා ගුරුන්ග් පැවසීය.
ඊයේ(8), රට පුරා "Gen Z"සංවිධානය කළ විරෝධතාවලට දහස් ගණනක් තරුණ නේපාල ජාතිකයින් එක් වූ අතර, එම විරෝධතා සමාජ මාධ්‍ය තහනම මගින් අවුලුවන ලද නමුත් දූෂණය මැඩපැවැත්වීමට සහ ආර්ථික අවස්ථා ඉහළ නැංවීමට රජය ක්‍රියාමාර්ග නොගැනීම පිළිබඳව නේපාල සමාජය තුළ තිබෙන පුළුල් කලකිරීමක් ද පිළිබිඹු විය.
“අපි නේපාලයේ ආයතනිකකරණය කර ඇති දූෂණයට එරෙහිව විරෝධතා දක්වනවා.” අවුරුදු 26 ක් වයසැති ශිෂ්‍යයෙකු වන යුජාන් රාජ්බණ්ඩාරි පැවසීය.
ඊයේ(08) කත්මණ්දු නුවර විරෝධතාකරුවන් පාර්ලිමේන්තු සංකීර්ණයට කඩා වැදී බාධකයක් බිඳ දමා ගිලන් රථයකට ගිනි තැබූහ. පොලිසිය ජල කාලතුවක්කු, බැටන් පොලු සහ රබර් උණ්ඩ භාවිතා කළ අතර, හමුදාව යොදවා අගනුවර ඇඳිරි නීතිය පනවා තිබුණි. විරෝධතා රට පුරා කුඩා නගරවලට ද ව්‍යාප්ත වූ අතර, එහිදී කත්මණ්දු නුවර පැවැති ගැටුම් වලට සමාන ගැටුම් පොලිසිය සමඟ ඇති කරගන්නා බවද දක්නට ලැබුණි.
නේපාල ආරක්ෂක අංශ සජීවී පතොරම් භාවිතා කළ බවත්, එහි ප්‍රතිඵලයක් ලෙස විරෝධතාකරුවන් කිහිප දෙනෙකු මිය ගොස් බරපතල තුවාල ලැබූ බවත් ඇම්නෙස්ටි ඉන්ටර්නැෂනල් පැවසීය. විරෝධතාවලදී පුද්ගලයින් 19 දෙනෙකු මිය ගොස් ඇති බවත්, සිය ගණනක් තුවාල ලබා ඇති බවත් පොලිසිය තහවුරු කළේය.
“විවිධ ආත්මාර්ථකාමී මධ්‍යස්ථානවලින් පටන් ගත් ආක්‍රමණය” හේතුවෙන් ඇති වූ ප්‍රචණ්ඩත්වය පිළිබඳව තමන් කණගාටු වන බව අගමැති කේ.පී. ෂර්මා ඔලි පැවසීය. විරෝධතාකරුවන් ඝාතනය කිරීම හේතුවෙන් ඔහුගේ රජයේ ස්වදේශ කටයුතු අමාත්‍යවරයා ඊයේ(08) රාත්‍රියේ ඉල්ලා අස්විය.
ප්‍රචණ්ඩත්වය විමර්ශනය කිරීම සඳහා රජය කමිටුවක් පිහිටුවා ඇති අතර මියගිය අයගේ පවුල් සඳහා සහන සැලසීමට සහ තුවාල ලැබූ ජනතාවට නොමිලේ ප්‍රතිකාර ලබා දීමට කටයුතු කරන බව ඔහු තවදුරටත් පැවසීය.
සමාජ මාධ්‍ය තහනම අවලංගු කිරීමෙන් පසුව පවා, දූෂණ විරෝධී විරෝධතා ඊයේ(08) රාත්‍රිය සහ අද(09) උදෑසන දක්වා පැවතුනි. විරෝධතාකරුවන් "දූෂණයට එරෙහි තරුණයින්" වැනි සටන් පාඨ සහිත පුවරු අත දරා සිටි බව වාර්තාකරුවෝ පවසති.
ඉක්ෂාමා තුම්රොක් නම් 20 හැවිරිදි ශිෂ්‍යාව පැවසුවේ රජයේ "අධිකාරීවාදී ආකල්පයට" එරෙහිව තමන් විරෝධතා දක්වන බවයි, සමාජ මාධ්‍ය තහනම රජය දැඩි උද්දච්ඡ කමකින් කටයුතු කරන්වාය යන්නට එක් උදාහරණයක් පමණක් යැයි පැවසුවේය.
නේපාල රජය පසුගිය මාසයේ ප්‍රකාශ කළේ සමාජ මාධ්‍ය සමාගම්වලට සම්බන්ධතා ස්ථානයක් ස්ථාපිත කිරීම සහ සමාජ මාධ්‍ය ජාලා වල ලියාපදිංචිවූවන්ගේ දුක්ගැනවිලි සහ වෙනත් කටයුතු සඳහා නිලධාරීන් නම් කිරීම ඇතුළුව නව රෙගුලාසි යටතේ ලියාපදිංචි වීමට දින හතක කාලයක් ලබා දෙන බවයි.
මෙටා හි ෆේස්බුක්, ඉන්ස්ටග්‍රෑම් සහ වට්ස්ඇප්, ඇල්ෆබෙට් හි යූ ටියුබ්, චීනයේ ටෙන්සෙන්ට් සහ ස්නැප්චැට්, පින්ටරෙස්ට් සහ එක්ස් යන සියල්ලන්ටම නියමිත කාලය මග හැරුණු අතර පසුව ඒවා අවහිර කරන ලැබුවේය.
සමාජ මාධ්‍ය භාවිතා කරන්නන් ව්‍යාජ හැඳුනුම්පත් සාදා ඒවා මෙම වේදිකාවල වෛරී කතා සහ ව්‍යාජ ප්‍රවෘත්ති පතුරුවා හැරීමට, වංචා සහ වෙනත් අපරාධ කිරීමට භාවිතා කරන බව නේපාල රජය පවසනු ලැබීය.
ජූලි මාසයේදී ටෙලිග්‍රෑම් පණිවිඩ යෙදුම ඇතුළුව ජනප්‍රිය මාර්ගගත වේදිකා මීට පෙර අවහිර කර තිබුණි. නේපාල රෙගුලාසිවලට අනුකූල වීමට TikTok එකඟ වීමෙන් පසු, පසුගිය වසරේ අගෝස්තු මාසයේදී රජය TikTok වෙත ප්නවා තිබූ මාස නවයක තහනම ඉවත් කළේය.
සම්බන්ධිත පුවත් | Related News
ප්‍රධාන පුවත්
පනාමුරේ තිලකවංශ නාහිමියන්ට ජීවිත ආරක්ෂාව ඉල්ලමින් මහජන ආරක්ෂක නියෝජ්‍ය අමාත්‍යවරයාට ලිපියක්..
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..