කැරිබියන් දූපත් අවට ඉහළ යන එක්සත් ජනපද මිලිටරි පීඩනය මධ්‍යයේ මධුරෝ වෙනිසියුලාවේ ස්වෛරීභාවය ආරක්ෂා කරන බවට ශපථ කරයි
යේ(22) කැරකාස්හි ෆෙඩරල් ව්‍යවස්ථාදායක මාලිගයේ ඉලිප්ටිකල් ශාලාවේ පැවති "වෙනිසියුලාවේ, ලතින් ඇමරිකාවේ සහ කැරිබියන් දූපත්වල ස්වෛරීභාවය සහ සාමය ආරක්ෂා කිරීමේ පනත" ඉදිරිපත් කරන අතරතුර වෙනිසියුලානු ජනාධිපති නිකොලස් මධුරෝ මොරොස් ඔහුගේ දැඩි ස්ථාවරය එලි දැක්වීය. ඒ අනුව නීති සම්පාදකයින්, හමුදා නායකයින් සහ සිවිල් සමාජ නියෝජිතයන් අමතමින් මධුරෝ වෙනිසියුලාව "ස්පර්ශ කළ නොහැකි බිමක්" බව ප්‍රකාශ කරමින්, "කිසිවක් සහ කිසිවෙකු නිජබිම ස්පර්ශ නොකරනු ඇත" යනුවෙන් ප්‍රකාශ කළේය.
වෙනිසියුලාවේ ස්වාධීනත්වය සහ ප්‍රජාතන්ත්‍රවාදී වටිනාකම් පිළිබඳ ජාතික අවෂ්‍යතාවය නැවත තහවුරු කිරීමක් ලෙස වරන්ංවන ලද මෙම සිදුවීම, පසුගියදා වෙනිසියුලානු මුහුදු සීමාව අසල සිය නාවික හමුදා යෙදවූ එක්සත් ජනපදය සමඟ උත්සන්න වන ආතතීන් මධ්‍යයේදී කරලියට පැමිණියේය.මෙම පනත "පූජනීය අයිතිවාසිකම් ආරක්ෂා කිරීම සඳහා එක්සත්කමේ සහ නැවත එක්වීමේ විශේෂ ක්‍රියාවක් මෙන්ම ස්වයං නිර්ණය, පූර්ණ ස්වෛරීභාවය සහ සාමය භුක්ති විඳීම" ලෙස හැඳින්වූ මදුරෝ පනත ඉදිරිපත් කිරීම සම්බන්ධයෙන් ජාතික සභාවට ස්තූති කළේය.
බොලිවර් සහ අනෙකුත් නිදහස් නායකයින්ගේ උරුමය පිළිබඳව සඳහන් කරමින් මදුරෝ අවධාරණය කළේ වෙනිසියුලාවේ සැබෑ ධනය එහි තෙල්, රත්තරන් හෝ ගෑස් වල නොව එහි "සදාචාරාත්මක, අධ්‍යාත්මික සහ සදාචාරාත්මක උරුමය" තුළ ගැබ්ව පවතින බවයි. ඔහු සියලු වෙනිසියුලානු ජාතිකයන්ගෙන් දේශපාලන වෙනස්කම් පසෙකලා සමගි වන ලෙස ඉල්ලා සිටිමින්, "මෙය වර්ණ හෝ බෙදීම් සඳහා කාලයක් නොවේ. කහ, නිල් සහ රතු අඩංගු වෙනිසියුලානු ජාතික ධජය අප සැමට රැකවරණය සපයනවා."
එක්සත් ජනපද තර්ජන හෙළා දැක ඇති සහ ලතින් ඇමරිකාව සහ කැරිබියන් 2014 සාම කලාපයක් ලෙස ප්‍රකාශ කිරීම නැවත තහවුරු කර ඇති රුසියාව, චීනය, ඉරානය සහ ALBA-TCP සාමාජික රටවලින් ලැබෙන ජාත්‍යන්තර සහයෝගයට ජනාධිපතිවරයා කෘතඥතාව පළ කළේය. "ලතින් ඇමරිකාවේ එක් රටකට තර්ජනය කරන ඕනෑම අයෙකු ලතින් අමෙරිකාවේ සියළුම රටවලට තර්ජනය කරනවා." විදේශ ආක්‍රමණයට එරෙහිව කලාපීය එකමුතුව අවධාරණය කරමින් මදුරෝ අනතුරු ඇඟවීය.
ජාත්‍යන්තර නීතිය ස්වෛරී රාජ්‍යයන්ට එරෙහිව බලය භාවිතා කිරීම සහ තර්ජනය කිරීම යන දෙකම තහනම් කරන බව ඔහු නැවත අවධාරණය කළ අතර, දකුණු ඇමරිකාවේ මිලිටරි ගැටුමක් නිර්මාණය කිරීමට උත්සාහ කරන බවට වොෂින්ටනයට චෝදනා කළේය. මෑතකදී එක්සත් ජනපද යුද නැව් යෙදවීම සහ වෙනිසියුලානු නිලධාරීන් මත්ද්‍රව්‍ය ජාවාරමට සම්බන්ධ කරන බවට එල්ල වන චෝදනා කැරකස් විසින් සලකනු ලබන්නේ ජනාධිපති ඩොනල්ඩ් ට්‍රම්ප් විසින් මෙහෙයවන ලද පුළුල් මනෝවිද්‍යාත්මක යුධ ව්‍යාපාරයක කොටසක් ලෙස ය.
මධුරෝගේ ප්‍රකාශ ජාතික සභාවේ, විධායක කැබිනට් මණ්ඩලයේ, බොලිවේරියානු ජාතික සන්නද්ධ හමුදාවන්ගේ (FANB) ඉහළ අණදෙන නිලධාරියාගේ සහ පාලක සන්ධානය වන මහා දේශප්‍රේමී ධ්‍රැවයේ නායකයින්ගේ ඉදිරියේ ඉදිරිපත් කරනු ලැබුවේය. මදුරෝ, සියලු වෙනිසියුලානු ජාතිකයන්ගෙන් සාමය, ජීවිතය සහ ස්වෛරීභාවය තෝරා ගන්නා ලෙස ඉල්ලා සිටි අතර, වෙනිසියුලාව එහි ස්වාධීනත්වය ආරක්ෂා කිරීම සඳහා "එක හඬක්" නැගිය යුතු බව ප්‍රකාශ කළේය.
කැරිබියන් මුහුදේ එක්සත් ජනපද හමුදා ව්‍යාපාරවලට ප්‍රතිචාර වශයෙන් වෙනිසියුලාව මිලියන හතරකට අධික මිලීෂියා සාමාජිකයින් බලමුලු ගැන්වීමෙන් පසුව මදුරෝ සිය දේශනය පැවැත්වීය. ජාතික භූමියේ "සෑම අඟලක්ම" ආරක්ෂා කිරීමට මිලීෂියා සූදානම් බව ආරක්ෂක අමාත්‍ය ව්ලැඩිමීර් පැඩ්‍රිනෝ ලෝපෙස් ප්‍රකාශ කළේය.
මධුරෝ ඉදිරිපත් කළ අදහස මෙම සතිය මුලදී ALBA-TCP සමුළුවේදී කරන ලද ප්‍රකාශ සමඟ සමපාත වන අතර, එහිදී ඔහු ලතින් ඇමරිකානු ජාතීන් සහ සමාජ ව්‍යාපාරවලින් වෙනිසියුලාවේ සාමය සහ ස්වයං නිර්ණය සඳහා ඇති අයිතිය ආරක්ෂා කිරීම සඳහා එක්සත් වන ලෙස ඉල්ලා සිටියේය. එක්සත් ජනපදයේ "අධිරාජ්‍යවාදී සහ අස්ථාවරකරණ ප්‍රතිපත්ති" ඒකාබද්ධව හෙළා දකිමින් සමුළුව අවසන් විය.
රාජ්‍ය තාන්ත්‍රික ආතතීන් ඉහළ යත්ම, වෙනිසියුලාව එක්සත් ජාතීන්ගේ ප්‍රඥප්තියේ සහ CELC සාම කලාපයේ ප්‍රකාශනයේ මූලධර්ම උපයෝගී කරගනිමින් කලාපීය ස්වෛරීභාවයේ සහ බහුපාර්ශ්විකත්වයේ ආරක්ෂකයෙකු ලෙස තමන්ව ස්ථානගත කර ගෙන සිටී. මදුරෝගේ වගාලංකාරය පුළුල් කලාපීය ක්‍රියාමාර්ගයක් බවට පරිවර්තනය වේද යන්න තවමත් දැකගත හැකි නමුත්, කැරකස් තම භූමිකාව ඉටු කිරීමට පසුබට නොවන බව පැහැදිලි බව දේශපාලන විශ්ලේෂකයෝ පවසති.
Maduro Defends Venezuela’s Sovereignty Amid Rising U.S. Military Pressure in the Caribbean
සම්බන්ධිත පුවත් | Related News
ප්‍රධාන පුවත්
පනාමුරේ තිලකවංශ නාහිමියන්ට ජීවිත ආරක්ෂාව ඉල්ලමින් මහජන ආරක්ෂක නියෝජ්‍ය අමාත්‍යවරයාට ලිපියක්..
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..