ඉරානය සමඟ යුද්ධයෙන් පසු ඊශ්‍රායලය ආර්ථිකය 3.5% කින් පහත වැටී ව්‍යාපාර වැසී යයි!
ඊශ්‍රායලය ඉරානය සමඟ කළ යුද්ධය හේතුවෙන් ඊශ්‍රායලයේ දළ දේශීය නිෂ්පාදිතය 3.5% කින් හැකිලී ගොස් ඇතැයි පැවසේ. මෙය 2023 වසරේ අවසාන කාර්තුවේදී ගාසා, ලෙබනනය, යේමනය සහ සිරියාවට එරෙහිව සම්පූර්ණ යුද්ධයක් ආරම්භ කළ විට ඊශ්‍රායල ආර්ථිකය 20.8% කින් පහත වැටීමෙන් පසුව මාස තුනක කාලයකදී ආර්තිකය පහත වැටීම සනිටුහන් කළ බව ටයිම්ස් ඔෆ් ඊශ්‍රායල් වාර්තා පුවත් පත වාර්තා කළේය.
කෙසේ වුවද ඊශ්‍රායලයට සිදු වූ පාඩු වලින් ගොඩ ඒමට හැකිද යන්න පැහැදිලි නැති බව විශ්ලේෂකයෙකු පැවසූ බව ටයිම්ස් ඔෆ් ඊශ්‍රායල් පුවත්පත පැවසීය.
ඊශ්‍රායලය අත්පත් කරගත් ප්‍රදේශ විනිවිද ගොස් ඊශ්‍රායල නගර විශාල ප්‍රමාණයක් නටබුන් බවට පත් කළ ඉරාන මිසයිල් වලට එරෙහිව මිල අධික ගුවන් ආරක්ෂක මිසයිල භාවිතා කිරීමට සිදු වීමෙන් ඊශ්‍රායලයට තවත් විශාල මුදලක් අහිමි විය. ඉරාන ප්‍රහාරවලින් පසු අවම වශයෙන් ගොඩනැගිලි 35,000 ක් හානි වී ඇති බව හෙබ්‍රෙව් මාධ්‍ය මීට පෙර වාර්තා කළේය. පදිංචිකරුවන් කියා සිටින්නේ මෙම පාඩු සඳහා වන්දි ගෙවීමට, අලුත්වැඩියා කිරීමට හෝ දැන් නිවාස නොමැති දහස් ගණනකට ප්‍රමාණවත් නවාතැන් සැපයීමට ඊශ්‍රායල බලධාරීන් බොහෝ දුරට අසමත් වී ඇති බවයි.
දින 12ක යුද්ධයේදී ඊශ්‍රායලයට සිදු වූ හානියේ සම්පූර්ණ වටිනාකම ජාත්‍යන්තර නිරීක්ෂයන්ට පැහැදිලි නැතත්, France 24 මෑතකදී වාර්තා කළේ ඊශ්‍රායල රජය ඉරානය විසින් ඊශ්‍රායලයේවැදගත් ස්ථාන කිහිපයක් ඉලක්ක කර පහර දීම සඟවා ඇති බවයි. ඉරානයට ඉලක්ක වූ ගොඩනැගිලි අතර බුද්ධි අංශ සහ අණදෙන ඒකක පිහිටා ඇති ටෙල් අවිව් හි ප්‍රධාන ඓඪ්F පරිපාලන කඳවුරක් වන කඳවුරක් වන මෝෂේ දයාන් කඳවුර සහ ඊශ්‍රායල ආරක්ෂක අමාත්‍යාංශය ද වේ. ප්‍රහාර සිදු වූ විට අසල ගොඩනැගිලිවලට හානි සිදු වූ බව හෙබ්‍රෙව් මාධ්‍ය වාර්තා කළ නමුත් මෙම වැදගත් ස්ථාන දෙකට පහර දී ඇති බව සඟවා තැබීය.
ජුනි 13 වන දින ඊශ්‍රායලය ඉරානයේ න්‍යෂ්ටික, සිවිල් සහ හමුදා යටිතල පහසුකම්වලට එරෙහිව ගුවන් ප්‍රහාර ආරම්භ කළ අතර පසුව එක්සත් ජනපදය තම සැඟවී සිටීම්වි භූමිකාවෙන් පිටතට පැමිණ ඉරාන න්‍යෂ්ටික ස්ථාන තුනකට සෘජුවම පහර දුන්නේය. කෙසේ වෙතත්, යුද්ධයේ මුල් අවධියේදී ඉරාන හමුදාවේ ඉහළම ජෙනරාල්වරුන් ඝාතනය කිරීමෙන් පසු ඉරානයේ හමුදා හැකියාවන් බිඳ දැමීම, ඉරාන රජයට එරෙහිව මහජන නොසන්සුන්තාව ඇති කිරීම සහ ඉරානයේ න්‍යෂ්ටික හැකියාවන් සම්පූර්ණයෙන්ම විනාශ කිරීම ඇතුළු ඔවුන්ගේ බොහෝ අරමුණු සාක්ෂාත් කර ගැනීමට ඊශ්‍රායලය අසමත් වූ බව විශ්ලේෂකයින්ගේ තක්සේරුවයි.
යුද්ධයේ පළමු දිනයේදීම ඉරානය ඝාතනය කරන ලද හමුදා නිලධාරීන් වෙනුවට වෙනත් නිලධාරින් ඉක්මනින්ම ප්‍රතිස්ථාපනය කළේය. නව අණ දෙන නිලධාරීන් වහාම පළිගැනීමේ මෙහෙයුමක් දියත් කළ අතර එය මිසයිල සහ ඩ්‍රෝන් ප්‍රහාර රැළි 22 ක් මැඩපැවැත්වීමට සමත් විය. ඉරාන ජනගහනය ඊශ්‍රායලයට එරෙහිව එක්සත් පෙරමුණක් ඉදිරිපත් කරමින් රජය සමඟ පෙළ ගැසුණි.ඉරානයේ න්‍යෂ්ටික ස්ථානවලට සැලකිය යුතු හානියක් සිදු වුවද, ඉරානය තම න්‍යෂ්ටික වැඩසටහන දිගටම කරගෙන යන බවත් අනාගතයේදී යුරේනියම් පොහොසත් කිරීම නැවත ආරම්භ කරන බවත් කියා සිටී.
ජුනි 24 වන දින ඉරානය ඊශ්‍රායලය සහ වොෂින්ටනය විසින් කරන ලද යෝජනාවකට එකඟ වීමෙන් පසුව යුද්ධය නතර විය. කෙසේ වුවද සතුරු පාර්ශව දෙක අතර නිල සටන් විරාම ගිවිසුමක් අත්සන් කර නොමැත.
යුද්ධය ඊශ්‍රායලයට පහර දුන්නද, ඉරානයේ හමුදා සහ දේශපාලන නිලධාරීන් අනාවැකි පළ කරන්නේ නෙතන්යාහු අනාගතයේදී නැවත ඉරානයට පහර දීමට උත්සාහ කරනු ඇති බවයි. ඉස්ලාමීය විප්ලවයේ නායක අයතුල්ලා සෙයිද් අලි කමේනිගේ ජ්‍යෙෂ්ඨ උපදේශක මේජර් ජෙනරාල් සෙයිද් රහීම් සෆාවි සඳුදා අවධාරණය කළේ ඉරානය ඵලදායී ලෙස යුද තත්ත්වයකට සූදානමින් පවතින බවත්, ඕනෑම මොහොතක සටනට අවතීර්ණ විය හැකි බවත්ය.
"නව යුද්ධයක් ඉදිරියේදී ඇති විය හැකි බවත්, සමහර විට ඉන් පසුව තවත් යුද්ධයක් ඇති නොවනු ඇති බවත් මම පැවසීමට කැමැතියි." ඉස්ලාමීය විප්ලව ආරක්ෂක බලකායේ (IRGC) හිටපු ප්‍රධානියා වාර්තාකරුවන්ට පැවසීය. ඉරානය සුපරීක්ෂාකාරීව සිටීම අවශ්‍ය බව සෆාවි තවදුරටත් පැවසූවේ ඊශ්‍රායලය සහ වොෂින්ටනය සමඟ සාමය ළඟා කර ගත හැක්කේ යුද සහ්ක්තිය කේන්ද්‍රගත කීරීමෙන් පමණක් වන බැවින් යනුවෙන් අවධාරණය කරමිනි.
IRGC හි නියෝජ්‍ය අණදෙන නිලධාරී බ්‍රිගේඩියර් ජෙනරාල් අලි ෆඩාවි සඳුදා පැවති උත්සවයකදී පැවසුවේ ඉරානය ඊශ්‍රායලයේ සහ එක්සත් ජනපදයේ ඕනෑම නව ආක්‍රමණයකට ප්‍රතිචාර දැක්වීමට සූදානම් බවත්, ඔවුන් "පූර්ණ බලයෙන් යුද්ධයට අවතීර්ණ වූ" නමුත් අවසානයේ බරපතල "වැරදි ගණනය කිරීම්" හේතුවෙන් විශාල වශයෙන් පීඩාවට පත් වූ බවත්ය.
යුද්ධය අතරතුර ටෙහෙරානය සංයමයෙන් කටයුතු කළ බවත්, එහි වඩාත් දියුණු මිසයිල සහ ඩ්‍රෝන යානා යෙදවීමෙන් වැළකී සිටි බවත් විශ්වාස කෙරේ. මෙයින් ඇඟවෙන්නේ ඉරානය සමඟ අනාගත ගැටුමක් ඊශ්‍රායලයට වඩාත් විනාශකාරී සහ මාරාන්තික විය හැකි බවයි. ඉරාන හමුදා නිලධාරියෙකු මීට පෙර ප්‍රකාශ කළේ ඉරානය අවම වශයෙන් අඛණ්ඩව වසර දෙකක් යුද්ධයක් පවත්වා ගැනීමට අවශ්‍ය උපකරණ සකස් කිරීම සඳහා දශක ගණනාවක් ගත කර ඇති බවයි. ජුනි මාසයේ දින 12 ක යුද්ධය අවසන් වන විට ඊශ්‍රායලය එහි ගුවන් ආරක්ෂක මිසයිලවලින් 75% ක් භාවිතා කර අවසන් කර තිබුණි.
Businesses close as Israel’s economy drops 3.5% after war with Iran
සම්බන්ධිත පුවත් | Related News
ප්‍රධාන පුවත්
පනාමුරේ තිලකවංශ නාහිමියන්ට ජීවිත ආරක්ෂාව ඉල්ලමින් මහජන ආරක්ෂක නියෝජ්‍ය අමාත්‍යවරයාට ලිපියක්..
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..