චීනය ජපන් රාජ්ය තාන්ත්රිකයෙකු කැඳවා, යසුකුනි සංචාර මධ්යයේ යුද කාලීන ඉතිහාසයට මුහුණ දෙන ලෙස ටෝකියෝව පොළඹවයි..
චීනය ඊයේ(15) බීජිං නුවර රඳි සිටින ජ්යෙෂ්ඨ ජපන් රාජ්ය තාන්ත්රිකයෙකු කැඳවා, දෙවන ලෝක යුද්ධයේදී (WWII) ජපානය කොන්දේසි විරහිතව යටත් වීමේ 80 වන සංවත්සරය සනිටුහන් කරමින් ජපානයේ යුද්ධයට සම්බන්ධ යසුකුනි සිද්ධස්ථානයට ජපන් දේශපාලඥයන් කළ සංචාර සම්බන්ධයෙන් ජපානයට cඊනයේ දැඩි විරෝදය එල්ල කළේය.
එසේම ඊයේ(15),ජපානයේ සිටින චීනයේ ඉහළම රාජ්ය තාන්ත්රිකයා සහ ජපානයේ චීන තානාපති කාර්යාලය, ආක්රමණශීලීත්වය උත්කර්ෂයට නැංවීමට, ආක්රමණය ප්රතික්ෂේප කිරීමට, ඉතිහාසය විකෘති කිරීමට සහ යුද අපරාධකරුවන්ට සුදු හුනු ගෑමට උත්සාහ කිරීම සම්බන්ධයෙන් ජපානයේ සිටින ඇතැම් බලවේග හෙළා දුටු අතර, එවැනි පියවර "අතිශයින්ම පිළිකුල් සහගත සහ ස්වයං-නින්දා සහගත" ලෙසද හැඳින්වීය.
දෙවන ලෝක යුද්ධයේදී ජපානය කොන්දේසි විරහිතව යටත් වීමේ සංවත්සරය සැමරෙන මොහොතේදී ජපන් දේශපාලන චරිත කිහිපයක් කුප්රකට යුද්ධයට සම්බන්ධ ජපානයේ යසුකුනි සිද්ධස්ථානයට පැමිණීම හෝ සිද්ධස්තානය වෙත පූජා යැවීමත් සමඟ චීනය සිය දේශපාලන ස්ථාවරය ප්රකාශයට පත් කිරීම සිදුකරනු ලැබීය.
චීනයෙන් දැඩි අනතුරු ඇඟවීමක්
චීන විදේශ අමාත්යාංශයේ ආසියානු කටයුතු දෙපාර්තමේන්තුවේ අධ්යක්ෂ ජනරාල් ලියු ජින්සොං, ඊයේ(15) චීනයේ ජපාන තානාපති කාර්යාලයේ ප්රධාඉයා වන යොකොචි අකිරා කැඳවා, ජපන් දේශපාලනඥයින් කුප්රකට සිද්ධස්ථානයට කළ සංචාර සම්බන්ධයෙන් දැඩි විරෝධයක් ඉදිරිපත් කළ බව චීන විදේශ අමාත්යාංශය නිකුත් කළ නිවේදනයක දැක්වේ.
ඊයේ(15)පැවති දසවන ලැන්කැන්ග්-මෙකොං සහයෝගීතාවයේ (LMC) විදේශ අමාත්යවරුන්ගේ රැස්වීමෙන් පසු මාධ්ය වෙත අදහස් දක්වමින් චීන විදේශ අමාත්ය වැන්ග් යී ඓතිහාසික කරුණු සම්බන්ධයෙන් චීනයේ ස්ථාවරය පැහැදිලි කරමින්, ආක්රමණශීලීත්වය උත්කර්ෂයට නැංවීමට සහ යුද අපරාධකරුවන්ට සුදු හුනු ගෑමට ගන්නා පියවර එක්සත් ජාතීන්ගේ ප්රඥප්තියට, පශ්චාත් යුධ ජාත්යන්තර පිළිවෙලට, මානව හෘද සාක්ෂියට සහ දෙවන ලෝක යුද්ධයේ සියලුම ජයග්රාහී රටවල ජනතාවට අභියෝගයක් බව පැවසීය.
"ඉතිහාසයට මුහුණ දීමෙන් පමණක් රටකට ගෞරවය ලබා ගත හැකිය, ඉතිහාසයෙන් පාඩම් ඉගෙන ගැනීමෙන් පමණක් අනාගතය වැළඳ ගත හැකි අතර, අතීතය මතක තබා ගැනීමෙන් පමණක් අතීත වැරදි නැවත නැවත කිරීමෙන් වළක්වා ගත හැකිය. ජපානය නිවැරදි තේරීමක් කරන ලෙස අපි ඉල්ලා සිටිමු," වැන්ග් පැවසීය.
ජපානයේ චීන තානාපති කාර්යාලය සිකුරාදා නිවේදනයක් නිකුත් කරමින් කියා සිටියේ, යසුකුනි සිද්ධස්ථානය කෙරෙහි ජපන් නායකයින් සහ දේශපාලනඥයින් දක්වන ගෞරවය නැවත වරක් ජපානයේ ආක්රමණශීලී ඉතිහාසය කෙරෙහි ඇති වැරදි ආකල්පය හෙළි කරන බවත්, මිලිටරිවාදයේ අවතාරය තවමත් පවතින බවත් පෙන්නුම් කරන බවයි. මෙය එහි ආසියානු අසල්වැසියන්ගේ සහ පුළුල් ජාත්යන්තර ප්රජාවේ ජපානය අනුගමනය කරන දේශපාලන දිශානතිය පිළිබඳ කනස්සල්ල සහ සැකයන් තවදුරටත් ඉහළ නංවා ඇති බවයි.
2025 වසර ජපන් ආක්රමණයට එරෙහි ප්රතිරෝධක යුද්ධයේ සහ ෆැසිස්ට්වාදයට එරෙහි ගෝලීය සටනේ චීනය ලැබූ ජයග්රහණයේ 80 වන සංවත්සරය සමරණ වර්ෂයයි. ඉතිහාසය නිවැරදිව අවබෝධ කර ගැනීම ජපානයේ පශ්චාත් යුධ සමය ජාත්යන්තර ප්රජාවට නැවත ඒකාබද්ධ වීමට, අසල්වැසියන් සමඟ සබඳතා පැවැත්වීමට සහ සාමකාමී සංවර්ධනය සඳහා එහි කැපවීම ඔප්පු කිරීම අත්යවශ්ය බව චීන විදෙශ අමාත්යාංශයේ ප්රකාශකයෙක් පැවසීය.
"ජපානය සිය ආක්රමණශීලී ඉතිහාසයට මුහුණ දී ඒ සම්බන්ධයෙන් මෙනෙහි කරන ලෙසත්, යසුකුනි සිද්ධස්ථානය වැනි කරුණු සම්බන්ධයෙන් විචක්ෂණශීලීව අදහස් දක්වන ලෙසත්, ක්රියා කරන ලෙසත්, මිලිටරිවාදයෙන් පිරිසිදු බිඳීමක් කරන ලෙසත්, සාමකාමී සංවර්ධනය සඳහා කැපවී සිටින ලෙසත්, සංයුක්ත ක්රියාමාර්ග හරහා එහි ආසියානු අසල්වැසියන්ගේ සහ ජාත්යන්තර ප්රජාවේ විශ්වාසය දිනා ගන්නා ලෙසත් අපි ජපානයෙන් ඉල්ලා සිටිමු." ප්රකාශකයා පැවසීය.
දක්ෂිණාංශික බලවේගවල සෙවනැල්ල
ජපාන අගමැති ෂිගේරු ඉෂිබා ඊයේ(15) යසුකුනි සිද්ධස්ථානයට චාරිත්රානුකූල පූජාවක් පිරිනැමූ අතර, එය "ඔහුගේ පක්ෂයේ ගතානුගතික ආධාරක පදනම සතුටු කිරීම අරමුණු කරගත් පියවරක් බව පෙනී යනවා." කියෝඩෝ නිවුස් වාර්තා කළේය.
කෙසේ වුවද එදිනම ජපානයේ ජාතික අනුස්මරණ උත්සවයේදී, ජපානය යටත් වීමෙන් වසර 80 ක් සාමය සඳහා තම ලුහුබැඳීම දිගටම කරගෙන යන බැවින් දෙවන ලෝක යුද්ධය සම්බන්ධයෙන් තම "පසුතැවිල්ල" "මතකයේ තබා ගන්නා" බව ඉෂිබා පැවසීය, දශකයකට වැඩි කාලයක් තුළ එම යෙදුම භාවිතා කළ පළමු අගමැති බවට පත් වූ බව ජපානයේ කියෝඩෝ නිවුස් වාර්තා කළේය.
කෙසේ වෙතත්, චීන විශේෂඥයින් සඳහන් කළේ ඉෂිබාගේ පරිපාලනය 80 වන සංවත්සරය සනිටුහන් කරමින් නිල ප්රකාශයක් නිකුත් නොකිරීමෙන් ඔහුගේ පෞද්ගලික අදහස් නිකුත් කිරීමට පමණක් පෙළෙඹුනු බවත්, සමහර කැබිනට් සාමාජිකයින් ජපානයේ දක්ෂිණාංශික ගතානුගතික බලවේගවල දැඩි ප්රතිරෝධයට අනුගතවීම පිළිබිඹු කරන පියවරක් ලෙස සැලකෙන කුප්රකට යසුකුනි සිද්ධස්ථානයට ගිය බවත්ය.
උත්සවයේදී, ඉෂිබා සඳහන් කළේ දෙවන ලෝක යුද්ධයෙන් වසර 80 ක් ගතවී ඇති බවත්, අද ජීවත්ව සිටින බොහෝ දෙනෙකුට එය කිසිදා අත්විඳ නැති බවත්ය. "අපි කිසි විටෙකත් යුද්ධයේ විනාශය නැවත නොකළ යුතුයි. ගත යුතු මාර්ගය තෝරා ගැනීමේදී අපි කිසි විටෙකත් වැරැද්දක් නොකරමු. එම යුද්ධයෙන් පසු ඇති වූ පසුතැවිල්ල සහ පාඩම් නැවත වරක් අපගේ හදවත් තුළ ගැඹුරින් කැටයම් කළ යුතුයි." ඔහු පැවසීය.
කෙසේ වුවද, කියෝඩෝ පුවත් සේවය පවසා සිටියේ ඉෂිබා - ඔහුගේ මෑත කාලීන පූර්වගාමීන් මෙන් - ජපානයේ යුද කාලීන ආක්රමණ හෝ ආසියාව පුරා ඇති කළ දුක් වේදනා සෘජුවම පිළිගැනීමෙන් වැළකී සිටි බවයි.
15 ද, ජපාන ගොවිපල අමාත්ය ෂින්ජිරෝ කොයිසුමි සහ මුදල් අමාත්ය කට්සුනොබු කැටෝ යසුකුනි සිද්ධස්ථානයට ගිය අතර, ඉෂිබා ජපානයේ බලයට පත්වීමෙන් පසු එසේ කළ පළමු කැබිනට් අමාත්යවරුන් බවට පත්විය. හිටපු ආර්ථික ආරක්ෂක අමාත්යවරුන් වන සනේ ටකයිචි සහ ටකායුකි කොබයාෂි ද දේවස්ථානයේ සිටි බව කියෝඩෝ පුවත් සේවය පවසයි.
ඊයේ(15) උදෑසන යසුකුනි සිද්ධස්ථානයේදී, ග්ලෝබල් ටයිම්ස් විශේෂ වාර්තාකරුවෙකු මීටර් සිය ගණනක් දිගට විහිදී ඇති වීදි පෙළ ගැසී සිටින ජපන් දක්ෂිණාංශික කණ්ඩායම් විශාල වශයෙන් එක්රැස් වන ආකාරය නිරීක්ෂණය කළේය. බාධක සහ බැනර් සවි කර ඇති මෙම කණ්ඩායම්වලට අයත් වාහන මාර්ගය දෙපස නවතා තිබූ අතර, එමඟින් ශක්තිමත් මිලිටරිවාදී හැඩයක් විද්යාමාන විය.
යසුකුනි සිද්ධස්ථානය අසල කුඩාන්ෂිටා දුම්රිය ස්ථානයෙන් පිටතට ගිය පසු, වාර්තාකරුට චීන විරෝධී වාචාල කතා ප්රවර්ධනය කරන, පුවරු අල්ලාගෙන සිටිමින් ඇතැම් දක්ෂිණාංශික දේශපාලනඥයන් පැමිණෙන තෙක් බලා සිටින කණ්ඩායම් ඇතුළු දක්ෂිණාංශික ක්රියාකාරීන් පිරිසක් හමු විය.
යසුකුනි සිද්ධස්ථානය නැරඹීමට පැමිණි කණ්ඩායම් අතර, සමහරු ජාතිකවාදී සටන් පාඨ සහිත පුවරු අතැතිව සිටි අතර, තවත් සමහරු හිටපු අධිරාජ්ය ජපන් හමුදාවේ හෝ කමිකාසේ නියමුවන්ගේ නිල ඇඳුම්වලට සමාන නිල ඇඳුම් ඇඳ සිටියහ. දක්ෂිණාංශික ප්රාදේශීය නීති සම්පාදකයින් කිහිප දෙනෙකු ද මෙම සංචාරවලට එක් වූ බව ග්ලෝබල් ටයිම්ස් විශේෂ වාර්තාකරු සඳහන් කළේය.
හයිලොන්ජියැං පළාත් සමාජ විද්යා ඇකඩමියේ ඊසානදිග ආසියානු අධ්යයන ආයතනයේ අධ්යක්ෂ ඩා ෂිගැන්ග් ග්ලෝබල් ටයිම්ස් වෙත පැවසුවේ ඉෂිබා "පසුතැවීම" යන යෙදුම භාවිතා කළද, ඔහුගේ ප්රකාශ තවමත් ජපානයේ ආක්රමණශීලී අතීතය ගැන මග හරින බවත්, ඔහු සිද්ධස්ථානයට පූජා කිරීම, කැබිනට් සාමාජිකයින්ගේ සංචාර සහ අනෙකුත් ආසියානු ජාතීන්ට එරෙහිව ජපානයේ ආක්රමණශීලීත්වයට සමාව අයැදීමක් නොමැතිකම ජපානයේ වඩ වඩාත් ගතානුගතික දේශපාලන වාතාවරණය හෙළි කළ බවත්ය.
ඉෂිබාගේ අදහස් නිල යුද සංවත්සර ප්රකාශයක් නොවන බවත්, දෙවන ලෝක යුද්ධය අවසන් වීමේ 80 වන සංවත්සරය පිළිබඳව ඉෂිබාට ඔහුගේ අදහස නිකුත් කිරීමට තවමත් කාලරාමුවක් නොමැති බවත් ඩා සඳහන් කළේය.
චීන ජාත්යන්තර අධ්යයන ආයතනයේ පර්යේෂණ සහකරුවෙකු වන ෂියැං හඕයු පැවසුවේ ඉෂිබාගේ කතාව ඉතිහාසය පිළිබඳ සාපේක්ෂව පැහැදිලි පෞද්ගලික දැක්මක් පෙන්වීමට උත්සාහ කළ නමුත් දේශීය දේශපාලන පීඩනය හෝ පෞද්ගලික තේරීම හේතුවෙන් ජපානයේ යුද කාලීන වගකීම් ආමන්ත්රණය කිරීමේදී වචන සහ ප්රකාශනය දුර්වල වූ බවයි.
යුද කාලීන ආක්රමණ සඳහා ජපානයේ වගකීම ඉෂිබා පිළි නොගත් බවත්, ආක්රමණයට ලක් වූ සහ හානි වූ ආසියානු ජාතීන්ට සහ ඔවුන්ගේ ජනතාවට සමාව අයැදීම හෝ පසුතැවීම වෙනුවට නිහඬතාවයේ මොහොතක් සමඟ ජපානය "යුද්ධයේ අවසානය" ලෙස දිනය සනිටුහන් කරන බවත් ෂියැං සඳහන් කළේය.
ජපානයේ ආක්රමණයෙන් පීඩා විඳි ජපානයේ ආසියානු අසල්වැසියන්ට ඔහුගේ දේශනය ප්රමාණවත් නොවන බවත්, ඉතිහාසය පිළිබඳ ප්රතිගාමී සංජානනයක් සහ තමන් ගොදුරක් ලෙස නිරූපණය කිරීමේ ප්රවණතාවක් ඇති ජපානයේ දේශපාලනයේ භයානක ගතානුගතික වෙනසක් පිළිබිඹු කරන බවත් ෂියැං පැවසීය.
ජපානයේ, සමහර පුරවැසියන් ද ඉතිහාසය පිළිබඳ එවැනි විකෘති අදහස්වලට විරුද්ධ විය. ග්ලෝබල් ටයිම්ස් විශේෂ වාර්තාකරු දුටුවේ දුසිම් ගනනක් ජනතාව සංඥා සහ සටන් පාඨ සමඟ වීදි හරහා ගමන් කරමින්, ජපාන රජයට එහි ආක්රමණශීලී ක්රියාවන්ට මුහුණ දෙන ලෙස ඉල්ලා සිටිමින් සහ කැබිනට් සාමාජිකයින් සහ නීති සම්පාදකයින් කිසි විටෙකත් යසුකුනි සිද්ධස්ථානයට නොයා යුතු බව ප්රකාශ කළේය. පොලිසිය පාගමන ආරම්භ වීමට පෙර අවහිර කිරීමට උත්සාහ කළ අතර, එය දෙපාර්ශ්වය අතර සුළු ගැටුමකටද තුඩු දුන්නේය.
1910-45 ජපානයේ යටත් විජිත පාලනයෙන් කොරියානු අර්ධද්වීපය නිදහස් වීමේ 80 වන සංවත්සරය සනිටුහන් කරමින් දකුණු කොරියානු ජනාධිපති ලී ජේ මියුන්ග් සිය කතාවේදී මෙසේ පැවසීය, "ජපාන රජය අපගේ වේදනාකාරී ඉතිහාසයට සෘජුවම මුහුණ දෙනු ඇතැයි මම බලාපොරොත්තු වෙනවා. අපගේ රටවල් දෙක අතර විශ්වාසය පවත්වා ගැනීමට උත්සාහ කරනවා," යොංහැප් ප්රවෘත්ති ඒජන්සිය පැවසීය.
ජපානය දැන් තීරණාත්මක සන්ධිස්ථානයක සිටින බව ඩා පැවසීය. පශ්චාත් යුධ ජාත්යන්තර පිළිවෙල ආරක්ෂා කිරීම, දෙවන ලෝක යුද්ධ ඉතිහාසය පිළිබඳ නිවැරදි දැක්මක් පවත්වා ගැනීම සහ එය වරක් ආක්රමණය කළ රටවල් කෙරෙහි වගකිවයුතු පරාවර්තනයක් පෙන්වීම හෝ එහි ආක්රමණශීලීත්වය අවතක්සේරු කරන හෝ ප්රතික්ෂේප කරන ඓතිහාසික සංශෝධනවාදය වැළඳ ගැනීම එම සන්ධිස්ථානය බව ඔහු පැවසීය. "ජපානයට තවමත් ඓතිහාසික ගැටළු සම්බන්ධයෙන් බොහෝ දුර යා යුතුව ඇති අතර, ඉතිහාසය පිළිබඳ නිවැරදි දැක්මක් පවත්වා ගැනීමට සංයුක්ත පියවර අවශ්ය වේ." ඩා පැවසීය.
https://www.globaltimes.cn/page/202508/1340984.shtml
සම්බන්ධිත පුවත් | Related News
ප්රධාන පුවත්
ඊශ්රායල අගමැති අත්අඩංගුවට ගැනීමට කිසිවෙකුට ඉඩ දෙන්නේ නෑ.. - ට්රම්ප්ගෙන් දැඩි අනතුරු ඇඟවීමක්..
පුරාවිද්යා අධ්යක්ෂක සෙනරත් වික්රමසිංහ කාර්ය මණ්ඩලයට තර්ජනය කරයි..
ඉරාන යුද්ධයට වැඩි අරමුදල් ඉල්ලා එක්සත් ජනපදයේ යුද ලේකම්ත් සෙනෙට් ඩිමොක්රටික් සභිකයන්ගේ දැඩි ප්රශ්න කිරීම්වලට ලක්වේ
කියෙව් පාලනය දැඩි අර්බුදයක: ශ්රී ලංකාවේ රුසියානු තානාපති කාර්යාලයෙන් විශේෂ නිවේදනයක්
හිටපු නාවික හමුදාපති රවීන්ද්ර විජේගුණරත්නට ඇප..
ආණ්ඩුව මගින් පාවාදීම් ඉටුකර ගැනීම සහ ඉන් පසුව ආණ්ඩුව පලවා හැරීමේ සූක්ෂම වැඩපිළිවෙල ගැන වෛද්ය වසන්ත බණ්ඩාරගෙන් අනාවරණයක්.. (වීඩියෝ)
ඉස්ලාම් අන්තවාදී තර්ජන ගැන සලේ 2016 දී ආරක්ෂක මණ්ඩලය දැනුවත් කරලා.. - ඉහළ ප්රධානියෙක් එය නොසලකා හැරලා..
"කැරපොත්තන්ගේ" අරගලයේදී රාහුල් ගාන්ධි අත්අඩංගුවට – ජනතා විරෝධය හේතුවෙන් ගාන්ධිට නිදහස
ඉරානයේ ඉස්ලාමීය විප්ලවවාදී ආරක්ෂක බලකාය කුවේට්හි ඇමරිකානු රේඩාර්, චන්ද්රිකා සන්නිවේදන පද්ධති සහ ගුවන් යානා අංගනවලට දැවැන්ත ප්රහාරයක් එල්ල කරයි!
ආණ්ඩුවේ ලිංගික ඇරියස් පාසල් පද්ධතිය තුළට රිංගවීමේ උත්සාහයක්..
සෞදි අරාබියාවේ දහම් පාසල තානාපති අනින් නවත්වයි.. - ඇමති විජිත ඊට එකඟයි..
ත්රිකුණාමල තෙල් ටැංකි සංකීර්ණය සංවර්ධනයට අන්තර්ජාතික ලංසු කැඳවීමට සැරසේ..
ස්වයංක්රීය AI නියෝජිතයෙක් ප්රධාන AI ආකෘති ගබඩාවකට ප්රහාරයක් එල්ල කරයි!
හිටපු පොලිස්පති අබිරහස් මරණය සියදිවි නසා ගැනීමක්ද? ඝාතනයක්ද? අත්වැරැදීමක්ද? (වීඩියෝ)
ශ්රී ලංකාව කියන්නේ ඉන්දියාවේ දොරකඩ තියෙන බරක් නෙවෙයි; ඉන්දීය සාගරය මධ්යයේ පිහිටි වටිනා වත්කමක්.. - ඉන්දියාවේ ශ්රී ලංකා මහ කොමසාරිස්වරියගෙන් ප්රබල ප්රකාශයක්
ජනාධිපතිට පෞද්ගලිකව නඩු පවරන්න බැහැ - මෛත්රී, රනිල්, අනුරට එරෙහි පෙත්සමට ශ්රේෂ්ඨාධිකරණය දුන් තීන්දුව මෙන්න..