පලස්තීනය වෙනුවෙන් දේශපාලන පක්ෂ සහ සිවිල් සංවිධාන පෙරට එති...
දේශපාලන පක්ෂ, වෘත්තීය සමිති සහ සිවිල් සංවිධාන වලින් සමන්විත "පලස්තීනය රැකගැනීමේ ජාතික ව්යාපාරය" විසින් පලස්තීනයට එරෙහිවත්, මනුෂ්යත්වයට එරෙහිවත් සිදුකරන තර්ජනයන්ගෙන් පලස්තීනය රැකගනිමු යන මෙයින් විරෝධතාවක් එක්සත් ජාතීන්ගේ කාර්යාලය ඉදිරිපිට ඊයේ (14) පැවැත්විය.
විරෝධතාවයෙන් අනතුරුව පලස්තීනය රැකගැනීමේ ජාතික ව්යාපාරය විසින් එක්සත් ජාතීන්ගේ කාර්යාලයට ලිපියක් බාර දීමද සිදු කෙරිණි.
මෙම අවස්ථාවට ජාතික නිදහස් පෙරමුණ නියෝජනය කරමින් ජාතික නිදහස් පෙරමුණේ ජාතික සංවිධායක ජයන්ත සමරවීර, ශ්රී ලංකා කොමියුනිස්ට් පක්ෂය, ශ්රී ලංකා නිදහස් පක්ෂය, ශ්රී ලංකා මහජන පක්ෂය, ශ්රී ලංකා මුස්ලිම් කොංග්රසය ඇතුළු දේශපාලන පක්ෂ රැසක් නියෝජනය කරමින් නියෝජිතයින් ද එක්ව සිටියහ.
එක්සත් ජාතීන්ගේ කාර්යාලයට බාර දුන් ලිපියේ සිංහල පරිවර්තනය මෙසේය
91 එන්.එම්. පෙරේරා මාවත,
කොළඹ 8
2024 අගෝස්තු 14
මහලේකම්
එක්සත් ජාතීන්ගේ සංවිධානය
ශ්රී ලංකාවේ එක්සත් ජාතීන්ගේ නේවාසික සම්බන්ධීකාරක
මාර්ක්-ඕන්ඩ්රේ ෆ්රෝන්ෂ් මහතා හරහා
202-204 බෞද්ධාලෝක මාවත
කොළඹ 00700
හිතවත් මහත්මයාණෙනි,
2023 ඔක්තෝබර් 7 වන දින සිට, ඊශ්රායල රජය සහ හමුදාව විසින් පලස්තීනයේ ගාසා තීරයේ ජන සංහාරක ව්යාපාරයක් දියත් කර තිබේ. සිවිල් වැසියන් සමූලඝාතනය කරමින් ද ප්රවාහන සහ වෙනත් අවහිර කිරීම් තුළින් ද කුසගින්න පතුරුවා තිබේ. ළමුන් 18,000 ක් ඇතුළුව 60,000 කට අධික පිරිසක් මරාදමා හෝ මියගොස් හෝ ඇති අතර, නිවාස, පාසල් සහ රෝහල් විනාශ කර දමා තිබේ. මාධ්යවේදීන්, වෛද්යවරුන්, සහ සිවිල් වැසියන් ඉලක්ක කොට මාරාන්තික ප්රහාර එල්ල කර ඇති අතර, ලිංගික ප්රචණ්ඩත්ව පිළබඳව ද වාර්තා වී තිබේ. ආධාර සැපයීම පිළිබඳව ඊශ්රායලය විසින් පනවා ඇති සීමා නිසා සාගතය සහ කුසගින්නේ සිටින ළදරුවන් දිනපතා මරණයට පත් වෙමින් ඇත.
පලස්තීනය රැකීමේ ජාතික ව්යාපාරය වන අපි, හොලොකෝස්ටයේදී නාසීන් යුදෙව් ජනතාවට දුන් බිහිසුණු දඬුවම පලස්තීන ජනතාවට ලබා දීමට අදහස් කරන බව පෙනෙන ඊශ්රායල රජයේ සහ සන්නද්ධ හමුදාවන්ගේ කුරිරු හා ම්ලේච්ඡ හැසිරීම ගැන අතිශයින් සිත් කැළඹී සිටිමු.
මෙම කෲර ජන සංහාරය වැළැක්වීම වස් වහාම සටන් විරාමයක් ඇති කිරීම සඳහා මැදිහත් වන ලෙසත්, පලස්තීනයෙන්, සිරියාවෙන් සහ ලෙබනනයෙන් නීති විරෝධී ලෙස අත්පත් කරගත් ප්රදේශ නිදහස් කිරීම සඳහා, ඊශ්රායලයට සම්බාධක පැනවීමෙන් සහ අවශ්ය නම්, මිලිටරිමය වශයෙන් මැදිහත් වීමෙන් බල කරන ලෙසත්, අපි එක්සත් ජාතීන්ගෙන් ඉල්ලා සිටිමු.
පලස්තීනයේ කල් පවතින සාමය සහතික කිරීම සඳහා පියවරක් ලෙස, ද්වි-රාජ්ය විසඳුම ක්රියාත්මක කිරීම සහ තම නිජබිමෙන් එළවා දැමනු පලස්තීනුවන්ට එක්සත් ජාතීන්ගේ 194 (III) යෝජනාව මඟින් නියම කර ඇති පරිදි නැවත පැමිණීමේ අයිතියත් ඇතුලත්, එක්සත් ජාතීන්ගේ සංවිධානය විසින්ම සම්මත කොට ජාත්යන්තර නීතිය බවට පත්ව ඇති විසඳුම් බලාත්මක කිරීමට මැදිහත් වන ලෙසත්, අපි එක්සත් ජාතීන්ගෙන් ඉල්ලා සිටිමු.
මීට,
පලස්තීනය රැකීමේ ජාතික ව්යාපාරය
සම්බන්ධිත පුවත් | Related News
ප්රධාන පුවත්
වේගවත් ආර්ථික වර්ධනය හමුවේ ඉන්දියාව දැවැන්ත ප්රජාතන්ත්රවාදී සහ රැකියා අර්බුදයක - ආචාර්ය ජගත් චන්ද්රවංශගෙන් අනාවරණයක්
කළු මුහුදේ බලය තහවුරු කරගනිමින් රුසියාවෙන් දැවැන්ත මෙහෙයුමක්: යුක්රේන යුද්ධය අවසාන අදියරට
ජනපති මන්දිරවල පිටස්තරයින් 3000කට වැඩිය නවාතැන් අරන්.. - විගණන කාර්යාලයෙන් අනාවරණයක්
"ශ්රී ලංකාව සැමවිටම අපගේ හදවත් තුළයි" – චීන තානාපති චී ෂෙන්හොං වසර 6ක සේවයෙන් පසු සමුගනියි..
"ගොවි පුත්තු ටික ගමට එනකම් ගොවියො බලාගෙන ඉන්නේ".. - ජයන්ත සමරවීර
පාර්ලිමේන්තු වරප්රසාද පිටුපස හැංගෙන්නේ නැතුව ඕන නම් එළියෙදි කියන්න.. – නීතිඥ සංගමයේ සභාපති ගැන කළ ප්රකාශයට මන්ත්රී අසිත නිරෝෂණට අභියෝගයක්
බංග්ලාදේශ ජනාධිපතිවරයා ඉල්ලා අස්වෙයි..
විනිසුරු විශ්රාම වයස වැඩි කිරීම: 'ගොඩගැසුණු නඩු ඉවර කිරීම අරමුණ නම් මුර්දු ප්රනාන්දු සිටියදී නොගෙනාවේ ඇයි?' - ආචාර්ය නිහාල් ජයවික්රම ප්රශ්න කරයි!
ට්රම්ප්ට වෙලා තියෙන්නේ "ගෙදර ගියොත් අඹු නසී මග සිටියොත් තෝ නසී" වගේ වැඩක්.. - ජාත්යන්තර දේශපාලන විශ්ලේෂක ආචාර්ය ජගත් චන්ද්රවංශ
ශ්රී ලංකාව ඇතුළු රටවල් 60කට අමෙරිකාවෙන් නව බද්දක්..
ආණ්ඩුව මෙරට අධිකරණය සිරගතකර තමන් භාරයට අරගෙන.. - විමල්ගෙන් චෝදනා..
සබරගමුව වෛද්ය පීඨය අනතුරේ.. නැවතත් වෛද්ය නොවන තැනත්තෙක් පීඨාධිපති කිරීමේ තැතක්.. ලෝක වෛද්ය සභාවේ ප්රතීතනය අහිමිවීමේ අවදානමක්..
පාස්කු ප්රහාරය සම්බන්ධයෙන් ගෝඨාභයට එරෙහිව කිසිඳු සාක්ෂියක් ඉදිරිපත් වී නැහැ.. - ගෝඨාභයගේ රිට් පෙත්සමේ සවිස්තරාත්මක වාර්තාව..
භාණ්ඩාගාරයේ ඩොලර් මිලියන 2.5ක වංචාව: මුදල් අමාත්යංශය කියන්නේ බොරු.. - මහ බැංකුවෙන් ආන්දෝලනාත්මක නිවේදනයක්
වලිකාමම් හමුදා රෝහල කඩා ඉවත් කිරීමේ සුමන්තිරන්ගේ යෝජනාව ගැන ශමීන්ද්රගෙන් අනාවරණයක්..
පාර්ලිමේන්තුවේදී ආණ්ඩුව අමාරුවේ දැමීම සඳහා විජේවීර පවුලට අවමන් කිරීම දුෂ්ඨ ක්රියාවක්.. - වෛද්ය වසන්ත බණ්ඩාර