අනුමැතිය ප්‍රමාද වූ ලුණු කන්ටේනර් 1000ක් රේගුවේ හිරවෙලා..
ලුණු ආනයනය කිරීම සඳහා ලබාදුන් අවසන් දිනයෙන් පසුව මෙරටට ලැබුණු සහ ශ්‍රී ලංකා ප්‍රමිති ආයතනයේ අනුමැතිය ප්‍රමාද වූ ලුණු කන්ටේනර් 1000ක් පමණ ශ්‍රී ලංකා රේගුවේ සිරවී තිබෙන බව ලුණු ආනයනකරුවෝ ප්‍රකාශ කළහ.
රජය මෙරටට ලුණු ආනයනය කිරීම සඳහා ලබා දුන් අවසන් දිනය වූ පසුගිය ජුනි 10 වැනිදායින් පසුව මෙරටට පැමිණි ලුණු කන්ටේනර් 400 ක් රේගුවේ සිරවී තිබෙන ලුණු කන්ටේනර් 1000 ට අයත් වන බවත් ඉතිරි 600 ශ්‍රී ලංකා ප්‍රමිති ආයතනයේ අනුමැතිය ප්‍රමාද වීම හේතුවෙන් සිරවී තිබෙන කන්ටේනර් බවත් අනයනකරුවෝ සඳහන් කළහ.
අවසන් දිනය පසු වී මෙරටට ලැබුණු ලුණු කන්ටේනර් 400 සඳහා රජය සහනයක් ලබා නොදුන් බවත් එම ලුණු තොගය නැවතප්‍රති අපනයනය කරනු ඇති බවත් ආනයනකරුවෝ සඳහන් කළහ. වෙළෙඳපොළේ මේ වන විට ප්‍රමාණවත් ලුණු තොග තිබෙන බැවින් ඒ වෙනුවෙන් මේ අවස්ථාවේ සහනයක් අපේක්ෂා නොකරන බවත් එම ලුණු තොගය නැවත ප්‍රතිඅපනයනය කරනවාට විරුද්ධතාවක් නොමැති බවත් ආනයනකරුවෝ පැවැසූහ.
නැවත ප්‍රති අපනයනය කරන ලුණු කන්ටේනර 400 ප්‍රමාද වී ලැබීමට ආනයනකරුවන් හෝ අපනයනකරුවන් වැරදිකරුවන් නොවන බවත් එම අවස්ථාවේදී පැවැති දේශගුණික තත්වය ඊට හේතු වූ බවත් ඔවුහු පෙන්වා දුන්හ.
ආරංචි මාර්ග වලට අනුව දැනට වාරයේ සිරවී තිබෙන ලුණු බහාලුම් 400 ඉන්දියාවේ ගුජරාට් ප්‍රාන්තයේ සිට මෙරටට පැමිණීමේදී ප්‍රමාද වී ඇත්තේ අහිතකර කාලගුණික තත්වයන් නිසාය. ගුජරාට් වරායෙන් නියමිත දිනට නැව් ගත කර ඇතත් අහිතකර කාලගුණික තත්වයන් හේතුවෙන් එම නැව් මෙරටට පැමිණෙන විට ජුනි 10 පසුවී ඇත.
රජය අවසර ලබාදීමට ප්‍රතික්ෂේප කර ඇති ලුණු මෙට්‍රික් ටොන් 10,000 වටිනාකම ඇමෙරිකානු ඩොලර් මිලියනයක් බව ද පැවැසෙයි.
ශ්‍රී ලංකා ප්‍රමිති ආයතනයේ අනුමැතිය ලැබීම ප්‍රමාද වීම බවත් ඒ හේතුවෙන් ලුණු කන්ටේනර 600 කට ආසන්න ප්‍රමාණයක් මාසයක පමණ කාලයක සිට සිරවී තිබෙන බවත් ඒ පිළිබඳව පසුගියදා සාකච්ඡාවක් පැවැත්වුණු බවත් ආනයනකරුවෝ ප්‍රකාශ කළහ. ශ්‍රී ලංකා ප්‍රමිති ආයතනයේ අනුමැතිය ලැබීමට ප්‍රමාද හේතුව තමන් නොදන්නා බවද ඔවුහු පෙන්වා දුන්හ.
කාලගුණික හේතූන් නිසා මෙරට ලුණු නිෂ්පාදනය පසුගිය කාලයේදී පහළ වැටුණු අතර ඒ හේතුවෙන් මාස කීපයකට පෙර මෙරට දැඩි ලුණු හිඟයක් ඇති විය. ඒ හේතුවෙන් රජය ලුණු ආනයනයට පනවා තිබූ සීමා ඉවත් කරනු ලැබුවේය. එහිදී ලුණු මෙට්‍රික් ටොන් 150,000 ක් මෙරටට ආනයනය කිරීමට රජය අවසර ලබාදී තිබිණි. ලුණු ආනයනය කිරීම සඳහා ලබාදී තිබූ කාලය පසුගිය ජුනි 10 වැනිදායින් අවසන් විය.
ශ්‍රී ලංකා ප්‍රමිති ආයතනයේ අනුමැතිය ලැබීම ප්‍රමාද වීම හේතුවෙන් මාසයකට ආසන්න කාලයක සිට ලුණු කන්ටේනර් 600 කට ආසන්න ප්‍රමාණයක් රේගුවේ සිරවී තිබෙන බවට වාර්තා කරුණු සම්බන්ධයෙන් අප පුවත්පත කළ විමසීමකදී ශ්‍රී ලංකා ප්‍රමිති ආයතනයේ ප්‍රකාශකයකු පවසා සිටියේ ආනයන කරුවන් 45 දෙනකුගේ පමණ මෙරටට ආනයනය කළ ලුණු තොග මෙරට වෙළෙඳ පොළට නිකුත් කිරීම සඳහා නිසි ප්‍රමිතියකින් යුක්ත නොවීම හේතුවෙන් එම ලුණු තොග සඳහා අනුමැතිය ලබාදීම ප්‍රතික්ෂේප කළ බවයි.
එම ලුණු තොග ශ්‍රී ලංකාව රේගුව නැවත ප්‍රති අපනයනය කරනු ඇති බවත් ප්‍රතිඅපනයනය කරන ලුණු තොගයට කන්ටේනර් කොපමණක් ඇතුළත් වේදැයි ප්‍රකාශ කිරීම අපහසු බවත් ඔහු පැවැසුවේය. ඊට හේතුව නිසි ප්‍රමිතියක් නොමැතිවීම හේතුවෙන් ප්‍රමිති කරණ සහතික ලබාදීම ප්‍රතික්ෂේප කළ ඇතැම් ආනයන කරුවන් විශාල වශයෙන් මෙරටට ප්‍රමිතියෙන් තොර ලුණු තොග ගෙන්වා තිබීම බවද ඔහු ප්‍රකාශ කළේය.
කෙසේ නමුත් පසුගිය කාලයේදී මෙරට ඇති වූ ලුණු හිඟයත් සමග ලුණු ආනයනය අවසර ලබාදීම හේතුවෙන් විශාල වශයෙන් මෙරටට ලුණු ආනයනය කළ බවත් එහිදී ප්‍රමාණවත් පහසුකම් නොමැති වීම හේතුවෙන් යම් ප්‍රමාදයක් සිදුවූ බව ඔහු පැවැසුවේය. එසේම ඇතැම් ලුණු තොග ප්‍රමිති කරණ සහතික ලබාදීමට පෙර දෙවැනි වරටත් සාම්පල පරික්ෂා කිරීමට සිදු වූ අවස්ථා තිබූ බවත් එවන් අවස්ථා වලදී එම තොග ගෙන්වූ ආනයනකරුවන් නැවත වරක් සාම්පල බාර දීමේදී ප්‍රමාදයන් සිදුවූ බවත් ඔහු ප්‍රකාශ කළේය. තවද අවශ්‍ය කරන ලිපිගොනු බාරදීමේදී ප්‍රමාදයන් සිදු වූ අවස්ථාද තිබූ බව එම ප්‍රකාශකයා පැවැසුවේය.
- ලංකාදීප
සම්බන්ධිත පුවත් | Related News
ප්‍රධාන පුවත්
අනුරාධපුර පූජා නගරය ගොඩනැගීමට ඉන්දියාවෙන් විශාල ආධාරයක් ලැබෙනවා.. - ජනපති ඉබ්බාගමුවේදී පවසයි
මමත් මාලිමාවට රැවටුනා.. ඥානසාර හාමුදුරුවෝ හිරේ ඉන්නකොට ගැටුමක් ඇතිකරලා කරන්න හදපු දේත් අපිට ආරංචි වුනා.. - මහාචාර්ය පූජ්‍ය පාතේගම ඤානිස්සර හිමිගෙන් ප්‍රබල අනාවරණයක්..
රුසියාවෙන් ඇමරිකාවට ඩීසල්.. ට්‍රම්ප් සහ පුටින් අතර ඓතිහාසික ගිවිසුමක්.. - යුක්රේනයට අලුත් ජනපති කෙනෙක් පත් කරගන්නැයි ට්‍රම්ප් කියයි
2022න් පස්සෙ ළමා රෝහලට ඩොනේෂන් ගත්තේ නැතිනම් ලැබිච්ච දේවල් වලට මොකද වුනේ?.. 2026 ඔක්තෝබර් වෙනකල් තොරතුරු වෙබ් අඩවියේ තිබුනා.. ඒත් දැන් නෑ.. - වෛද්‍ය චමල් සංජීවගෙන් බරපතළ හෙළිදරව්වක්..
ඥානසාර හිමිට දුන් ජනපති සමාව ගැන රනිල් හෙළි කරයි..
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..