පලස්තීන-ඊශ්‍රායල් ගැටලුව විසඳීමට එක්සත් ජාතීන්ගේ ආරක්ෂක මණ්ඩල රැස්වීමේදී චීන නියෝජිතයා "අනිවාර්ය කොන්දේසි" හතරක් ඉදිරිපත් කරයි.
උතුරු ගාසා තීරයේ ගාසා නගරය අත්පත් කර ගැනීමේ සැලැස්මක් ඊශ්‍රායල ආරක්ෂක කැබිනට් මණ්ඩලය විසින් අනුමත කිරීමෙන් පසු ඊයේ පලස්තීන-ඊශ්‍රායල් ගැටලුව සම්බන්ධයෙන් එක්සත් ජාතීන්ගේ ආරක්ෂක මණ්ඩලය විසින් පවත්වන ලද හදිසි රැස්වීමේදී එක්සත් ජාතීන්ගේ චීන තානාපති ෆු කොං "අනිවාර්ය කොන්දේසි" හතරක් ඉදිරිපත් කළේය.
එම කොන්දේසි, ගාසා තීරය අත්පත් කර ගැනීමට ඊශ්‍රායලය දරන උත්සාහයට දැඩි ලෙස විරුද්ධ විය යුතුය; "බලය ප්‍රමුඛය" නැමැති මුලාව තවදුරටත් විශ්වාස කිරීම අත්හැරිය යුතුය; ගාසා තීරයේ මානුෂීය ව්‍යසනය සමනය කළ යුතුය; ගැටුඅම නැවැත්වීමට "ද්වි-රාජ්‍ය විසඳුම" කෙරෙහි අපේක්ෂාව නැවත ඇති කළ යුතුය යනුවෙන් ෆු පැවසීය.
එහිදී වැඩිදුරටත් අදහස් දක්වමින් ගාසා තීරයේ ගැටුම මාස 22 ක් තිස්සේ ඇදී ගොස් ඇති බවත්, ගාසා තීරයේ 61,000 කට වැඩි පිරිසකගේ මරණයට සහ පෙර නොවූ විරූ මානුෂීය ව්‍යසනයකට හේතු වී ඇති බවත් 
ෆු පැවසීය. ජාත්‍යන්තර ප්‍රජාව ගාසා තීරයේ සටන් විරාමයක් සඳහා නැවත නැවතත් ඉල්ලීම් කර ඇති නමුත් තත්වය වඩාත් භයානක දිශාවකට වර්ධනය වෙමින් පවතී. "වර්තමානයේ මුහුණ දී සිටින හදිසි තත්වය විශාල ව්‍යසනයක් දක්වා වර්ධනය වීමට පෙර අවශ්‍ය සියලු ක්‍රියාමාර්ග එක්සත් ජාතීන්ගේ ආරක්ෂක කවුන්සිලය ඇතුළු ජාත්‍යන්තර ප්‍රජාව ගත යුතුයි." ෆු අවධාරණය කළේය.
ෂින්හුවා ප්‍රවෘත්ති ඒජන්සියට අනුව, ඊශ්‍රායලය පසුගිය 8 වනදා නිවේදනය කළේ "යුද්ධය අවසන් කිරීම" සඳහා තම කැබිනට් මණ්ඩලය මූලධර්ම පහක් සම්මත කර ගත් බවයි. ඒවාට හමාස් නිරායුධ කිරීම; ජීවත්ව සිටින සියලු ප්‍රාණ ඇපකරුවන් මුදා හැරීම සහ මියගිය ප්‍රාණ ඇපකරුවන්ගේ මෘත දේහ ලබාදීම; ගාසා තීරයේ හමුදාකරණය ඉවත් කිරීම; ගාසා තීරයේ ඊශ්‍රායල ආරක්ෂක පාලනය; සහ හමාස් හෝ පලස්තීන අධිකාරිය නොවන විකල්ප සිවිල් පරිපාලනයක් පිහිටුවීම යන කරුණු ඇතුළත් වේ.
ගාසා නගරය අත්පත් කර ගැනීමේ සැලැස්මක් ඊශ්‍රායලයේ ආරක්ෂක කැබිනට් මණ්ඩලය අනුමත කිරීම පිළිබඳව චීනය බරපතල කනස්සල්ල පළ කරන බවත්, එවැනි භයානක ක්‍රියා වහාම නතර කරන ලෙස ඊශ්‍රායලයෙන් ඉල්ලා සිටින බවත් ෆු පැවසීය. "ගාසා තීරය පලස්තීන ජනතාවට අයත් වන අතර එය පලස්තීන භූමියේ වෙන් කළ නොහැකි කොටසකි. ගාසා තීරයේ ජනගහනය හෝ භෞමික ව්‍යුහය වෙනස් කිරීමට ගන්නා ඕනෑම උත්සාහයක් දැඩි ලෙස ප්‍රතික්ෂේප කළ යුතුය." ෆු පැවසීය.
ආතතීන් උත්සන්න කරන ක්‍රියා වහාම නතර කරන ලෙස සහ ගාසා තීරයේ හමුදා මෙහෙයුම් නතර කරන ලෙස ජාත්‍යන්තර ප්‍රජාව සහ තමන්ගේම ජනතාවගේ ඉල්ලීම්වලට ඊශ්‍රායල රජය අවනත විය යුතු බව ෆු පැවසීය. "අදාළ පාර්ශ්වයන් කෙරෙහි සැලකිය යුතු බලපෑමක් ඇති රටවල් සාධාරණ හා වගකිවයුතු ප්‍රවේශයක් අනුගමනය කළ යුතු අතර සටන් විරාමයක් ප්‍රවර්ධනය කිරීම සඳහා සංයුක්ත ක්‍රියාමාර්ග ගත යුතුයි," ෆු පෙන්වා දුන්නේය.
එහිදී වැඩිදුරත අදහස් දැක් වූ ෆු "මානුෂීය සැපයුම් ආයුධකරණය පිළිගත නොහැකියි, ගාසා තීරයේ ජනතාවට සාමූහිකව දඬුවම් කිරීම පිළිගත නොහැකියි, මානුෂීය ආධාර සොයන සිවිල් වැසියන්ට සහ මානුෂීය සේවකයින්ට පහර දීම පිළිගත නොහැකියි" යනුවෙන් පැවසීය. "ගාසා තීරයට මානුෂීය සැපයුම් සඳහා මහා පරිමාණ, වේගවත් හා ආරක්ෂිත ප්‍රවේශයක් සහතික කිරීම සඳහා සියලුම හරස් මාර්ග විවෘත කර භාණ්ඩ ඇතුළුවීම සඳහා ඇති සීමාවන් ඉවත් කරන ලෙසත්, මානුෂීය මූලධර්මවලට අනුකූලව ආධාර සැපයීමේදී එක්සත් ජාතීන්ගේ සංවිධානයට සහාය වන ලෙසත් මම ඊශ්‍රායලයෙන් ඉල්ලා සිටිනවා" යනුවෙන් ඔහු අවධාරණය කළේය.
මෙහිදී පලස්තීන ගැටලුව විසඳීමට සහ පලස්තීනය සහ ඊශ්‍රායලය අතර සාමකාමී සහජීවනයක් ඇති කර ගැනීමට ඇති එකම ශක්‍ය මාර්ගය ද්වි-රාජ්‍ය විසඳුම බව ෆු අවධාරණය කළේය. "ද්වි-රාජ්‍ය විසඳුම සඳහා දේශපාලන ක්‍රියාවලිය ඉදිරියට ගෙන යාමට ජාත්‍යන්තර ප්‍රජාව උත්සාහයන් තීව්‍ර කළ යුතු අතර එහි පදනමට හානි කරන ඕනෑම ඒකපාර්ශ්වික ක්‍රියාවකට විරුද්ධ වීමට එක්ව කටයුතු කළ යුතුයි." ෆු පැවසීය.
රැස්වීමේදී, ඊශ්‍රායලයේ හමුදා ව්‍යාප්ති සැලැස්ම පිළිබඳව රටවල් කිහිපයකින් විවේචනය කරන ලදී. බීබීසීයට අනුව, එක්සත් රාජධානියේ සහ ප්‍රංශයේ තානාපතිවරු සැලැස්ම "ජාත්‍යන්තර මානුෂීය නීතිය උල්ලංඝනය කිරීමේ" අවදානමක් ඇති බවට අනතුරු ඇඟවූහ. ඩෙන්මාර්කය, ග්‍රීසිය සහ ස්ලෝවේනියාව සමඟ එක්ව, සැලැස්ම ආපසු හැරවිය යුතු යැයි ඔවුන් ඉල්ලා සිටි අතර, එය "ප්‍රාණ ඇපකරුවන් නැවත පැමිණීම සහතික කිරීමට කිසිවක් නොකරන අතර ඔවුන්ගේ ජීවිත තවදුරටත් අනතුරේ හෙළීමේ අවදානමක් ඇති කරනවා." යනුවෙන් පැවසීය.
කෙසේ වුවද එක්සත් ජනපදය ඊශ්‍රායලය ආරක්ෂා කළ අතර, තානාපති ඩොරති ෂියා රැස්වීමේදී පැවසුවේ එක්සත් ජනපදය ප්‍රාණ ඇපකරුවන් නිදහස් කර ගැනීමට සහ යුද්ධය අවසන් කිරීමට "වෙහෙස නොබලා" කටයුතු කරමින් සිටින බවත්, රැස්වීම එම උත්සාහයන් අඩපණ කළ බවත්ය.
රැස්වීමෙන් පසුව බීබීසී පුවට් සේවය ඊයේ(10) වාර්තා කළේ , ඊශ්‍රායල අගමැති බෙන්ජමින් නෙතන්යාහුගේ කාර්යාලය ඔහු ඊශ්‍රායලයේ සැලසුම් පිළිබඳව එක්සත් ජනපද ජනාධිපති ඩොනල්ඩ් ට්‍රම්ප් සමඟ කතා කළ බවයි.
Chinese envoy puts forward four “musts” at UN security council meeting on the Palestine–Israel issue
සම්බන්ධිත පුවත් | Related News
ප්‍රධාන පුවත්
පනාමුරේ තිලකවංශ නාහිමියන්ට ජීවිත ආරක්ෂාව ඉල්ලමින් මහජන ආරක්ෂක නියෝජ්‍ය අමාත්‍යවරයාට ලිපියක්..
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..