සියලුම පැවති ආණ්ඩු තරුණ සේවා සභාව අවභාවිතා කළා - තරුණ පරපුර සංවිධානයේ කැදවුම්කරු දුලාජ් මනතුංග

Aug 6, 2025 at 09:51 PM

|

Lanka Leader

තරුණ පරපුර සංවිධානය පසුගිය දින (2025/08/04) මාධ්‍ය සාකච්චාවක් කැදවනු ලැබු අතර එහි අරමුණ වුයේ වත්මන් මාලිමා රජය විසින්  යෞවන සම්මේලන දේශපාලනීකරණය කිරීම සම්බන්ධයෙන් අදහස් දැක්වීමට වු අතර ඒ සදහා තරුණ පරපුර සංවිධානයේ කැදවුම්කරු දුලාජ් මනතුංග සහ තරුණ පරපුර විධායක සභික රුක්ෂාන් හදුගල සහභාගි විය. ඒ අවස්තාවේ දී අදහස් දැක්වු සදහා තරුණ පරපුර සංවිධානයේ කැදවුම්කරු දුලාජ් මනතුංග තරුණ සේවා සභාවේ ආරම්භය සම්බන්ධයෙන් මෙලෙස අදහස් දැක්වුවා.

“1979 අංක 69 දරණ පනත යටතේ තමයි මේ තරුණ සේවා සභාව ආරම්බ වෙන්නේ. එතකොට ජනාධිපති වෙලා හිටපු ජේ ආර් ජයවර්ධන මහතා ප්‍රමුඛ ආණ්ඩුව මේ පනත ගෙනල්ලා මේ තරුණ සේවා සභාව පිහිටුවන්නේ. එතකොට එකට මුලික වෙච්ච කාරණාව තමයි 71 තරුණයන් විසින් කරපු අරගලයක් පැවතුනා මේ රටේ.එතකොට එවැනි අරගලයක් තවදුරටහ් සිද්ධ නොවීමටයි මේ තරුණ සේවා සභාව පිහිටවන්නේ”

“ඉන්පසුව බලයට ආපු රජයන් විසින් සහ දේශපාලන පක්ෂ විසින් මේ තරුණ සේවා අඩු වැඩි වශයෙන් භාවිතා කරපු ආකාරය අපි දැක්කා.නමුත් මේ වනවිට තත්ත්වය උග්‍ර අතට හැරි තියෙනවා”

“තරුණ සේවා සභාවේ දැක්ම අපි ගත්තොත් බලසතු වු ශ්‍රි ලාංකික තරුණයෙක්. මෙහෙවර විදියට සදහන් කරන්නේ.දේශිය හා ජාත්‍යන්තර අවස්තා උපයෝගී කොටගෙන ජිවිත අභියෝග සදහා මුහුණ දීමට ශ්‍රි ලාංකීක තරුණය සවිබල ගැන්වීම සදහා පහසුකම් සැපයීම.”

“එතකොට මේ තරුණ සේවා සභාව බිම් මට්ටමේ ඉදන් දිස්ත්‍රික්ක මට්ටම සහ ජාතික මට්ටම දක්වා මේ ව්‍යුහය ඉතාමත් දිගු ව්‍යුහයක් දක්වා පැතිරිලා තියෙනවා.එතකොට වර්තමාන අධ්‍යාපන ක්‍රමය තුළින් ඉතා විශාල සිසුන් ප්‍රමාණයක් වසරකට ඉස්කෝලෙන් එළියට එනවා.එහෙම තරුණයට උසස් අධ්‍යාපනය සදහා විසදුමක් ලෙසත් මෙන්න මේ තරුණ සේවා සභාව කටයුතු කරගෙන ගියා. ”

“ගම්වල හේන් කොටන අම්මලා තාත්තාලගේ දරුවන්ගේ සිට ඉදිරියේ දී නායක්තවය දරන්න කටයුතු කරන තරුණ තරුණියෝ මේකට එනවා.එතකොට ඒ හැමෝමටම තෝතැන්නක් වුණේ ජාතික තරුණ සේවා සභාව.”

ජාතික තරුණ සේවා සභාව දේශපාලනීකරණය වීම සම්බන්ධයෙන් අදහස් දැක්වු එම මහතා මෙලෙස සදහන් කරා.

“දැන් කරලියේ තියෙන මාතෘකාවක් තමයි ඔය නිල් බලකාය.ඒ වගේම තරුණ්‍යයට හෙටක් ඔය වගේ සංවිධානය දැන් කරළියට ඇවිල්ලා තියෙනවා.ඇත්තටම පැවති සියලුම ආණ්ඩු අඩු වැඩි වශයෙන් තරුණ සේවා සභාව අවභාවිතා කරා.එතකොට වත්මන් රජය බලයට එන්නේම ආපහු එවැනි දේවල් නොවෙන්න ඒ ආණ්ඩු කරපු වැරදි නිවැරදි කරනවා කියන තැනින් තමයි මේ මාලිමාව පත් වෙන්නේ”

“එතකොට මාලිමාව මේ මුලික අරමුණෙන් බැහැර වෙලා මේක වෙනස් කරන්න හදනවා කියන කරණාව. මේකේදී පේනවා, මේ ආණ්ඩුවට කරන්න තිබ්බ දේ තමයි යෞවන සම්මේලන වල ඉන්නවා කාලයක් තිස්සේ මේකේ ඉදලා මේ කැපකීරිමක් කරලා මේකේ කට්ටක් කාලා ඉන්න හොද තරුණ තරුණියෝ.මොකද අර හැමෝටම මේකේ කාඩ් එක ගහන්න බැහැ මේකේ වංචා කරලා තියෙනවා කියලා.”

“අනාගතේ රටේ නායකත්වයට පත්වෙන්න ඉන්න තරුණ තරුණියෝ තමයි මේකේ ඉන්නේ.එතකොට මාලිමාවට හරි විදියහට කරන්න තිබ්බේ මේ හැමෝම එකතු කරගෙන වැඩේ කරන්න.එතකොට සිස්ටම් චේන්ජ් කරන්න කියලා මෙතනට ඇවිල්ලා මේ එක පාරට අලුතින් සිස්ටම් එකක් ගෙනල්ලා මෙතනට දාන එක නෙවෙයි හරියන්නේ.”

“ගමෙන් පටන් ගත්ත තරුණ සේවා සභාවේ තරුණ සමිතියේ එකට හිටපු තරුණ තරුණියෝ අද දෙපැත්තකට වෙලා.දැන් මේක ද මාලිමාවට කරන්න ඕන වුණේ.එකට කාලා බීලා හිටපු තරුණ තරුණියෝ විරසක කරලා මේගොල්ලෝ මේ කරන්න යන වෙනස මොකක්ද? එකට හිටපු අය ඇයි මේකට සම්බන්ධ කර නොගන්නේ?ඇයි මේ අයව එකපාරටම මෙහෙම එළියට දාන්නේ? අන්න එතනින් තමයි මේ ගැටලුව පටන් ගන්නේ”

“මේ හිටපු අයත් එක්ක සාකච්චා කරලා මේ අයගෙන් පිරිසක් අරගෙන මාලිමාවෙත් පිරිසක් දාලා මෙන්න මේ වගේ සියලු දෙනාම එකතු කරගෙන මේ වැඩේ කරන්න තිබ්බා.නමුත් එක පාරටම පැරෂුට් එකකින් ගෙනල්ලා බැස්සුවා වගේ සිස්ටම් එකක් මේකට දාලා මේ අපේ කට්ටිය මේකට දාගන්න ඕන කියලා කරන්න ගියාම මේ වගේ ප්‍රශ්ණ ඇති වෙනවා.”

“අපි පැහැදිලීවම කියනවා කරුණාකරලා මේකේ ගැටුම් ඇති කරන්න එපා,ගැටුම් ඇතිකරගන්න තැනට මේ තරුණ තරුණියෝ පත් කරන්න එපා.මොකද එහෙම වුණොත් රටේ අනාගතය භාරගන්න මේ තරුණ තරුණියෝ දෙපැත්තකට බෙදිලා ගැටුමක් ඇති කරගන්න ගියාම අපි කොහොමද ඉස්සරහට යන්නේ?තව අවුරුදු 10ක් විතර ඉස්සරහට යද්දී මේ අය තමයි රට භාරගන්න ඉන්නේ”

වැඩිදුරටත් අදහස් දැක්වු දුලාජ් මනතුංග ඉල්ලා සිටියේ මාලිමාව ප්‍රමුඛ ආණ්ඩුවෙන් තරුණ සේවා සභාවේ ස්වාධීනත්වය ආරක්ෂා කරන ලෙසයි.

“කරුණකරලා මේ තරුණ සේවා සභාව ස්වාධීනව පවතින්න ඉඩ දෙන්න.මේ තරුණයාට ස්වාධීනව කටයුතු කරන්න අලුතෙන් හිතන්න ව්‍යවසායකයන් බිහිවෙන්න මේ තියෙන දේවල් වලට ස්වාධීනව තියෙන්න ඉඩ හරීන්න.”

එමෙන්ම එතුමා තරුණ සේවා සභාවට අනුයුක්ත කර ඇති පුහුණූ අභ්‍යාසලාභීන් සම්බන්ධයෙන් ද අදහස් දක්වන ලදී.

“මේ ප්‍රාදේශිය ලේකම් කාර්‍යල වල ඉන්නවා තරුණ සේවා නිලධාරීන්.මෙයාලව අනුයුක්ත කරලා තියෙන්නේ පුහුණු අභ්‍යාසලාභීන් විදියට.මෙයාලට දීලා තියෙන්නේ මාස හයෙන් හයට අලුත් වන පත්වීම්.මාස හයේ තියෙන පත්වීම් වලට කොන්දේසියක් දාලා කිසිදු මැදිහත් වීමක් කරන්න බෑ කියලා.මෙයාලව හිර කරලා තමයි මේ පත්වීම් දිලා තියෙන්නේ.”

“මාස දෙක තුනක් ඉදන් මේ අයගේ පත්වීම අලුත් වෙලා නෑ.කණින් කොනින් ආරංචි වෙනවා මේ පත්වීම අහෝසි කරලා මාලිමාවේ ආධාරකරුවන් පත්කරගන්න සුදානම් වෙනව කියලා.නමුත් ඒ සම්බන්ධයෙන් ස්තීර තොරතුරු ලබා දීමේ හැකියාවක් නෑ.”