ග්‍රැන්මා රිබෙල්ඩ් ජාත්‍යන්තර උත්සවය: විප්ලවයේ 60 වන වර්ෂ පූර්ණය සැමරීම කියුබාවේ හවානා නුවරදී

Aug 6, 2025 at 11:13 AM

|

Lanka Leader

කියුබාවේ කොමියුනිස්ට් පක්ෂය (PCC) එහි තරුණ කොමියුනිස්ට් සංගමය සමඟ එක්ව 2025 ඔක්තෝබර් 17 සිට 20 දක්වා  ග්‍රැන්මා රිබෙල්ඩ් ජාත්‍යන්තර උත්සවය කියුබාවේ හවානා හිදි  පැවැත්වෙන බව සංවිධායකයෝ සාඩම්බරයෙන් පවසති. මෙම උත්සවය කියුබානු විප්ලවයේ ප්‍රධාන අණදෙන නිලධාරී ෆිදෙල් කැස්ත්‍රෝ රූස් විසින් ආරම්භ කරන ලද ග්‍රැන්මා සහ ජුවෙන්ටුඩ් රිබෙල්ඩ් පුවත්පත්වල 60 වන සංවත්සරය සනිටුහන් කිරීමද විශෙෂත්වයකි.

මෙම උත්සවය දේශපාලන, ශාස්ත්‍රීය, සංස්කෘතික සහ බිම් මට්ටමේ සාමාජිකයන් අතර දැනුම හුවමාරුව සඳහා සජීවී වේදිකාවක් ගොඩ නංවන බව සංවිධායකයෝ පවසති. විවේචනාත්මක චින්තනයේ මුල් බැසගත් සංවාදය, එකමුතුව සහ සහයෝගීතාවය පෝෂණය කිරීම උත්සවයේ අරමුණ වන්නේය. ඉහත කී සියලු කාරණා කැටිකරගනිමින් අද දිනයේ ජාත්‍යන්තර තලයේ සාමය සහ සමාජ යුක්තිය මුහුණ දෙන බහුවිධ අභියෝග මෙම සමුළුවේදී ආමන්ත්‍රණය කිරීම අරමුණ වන්නේය.

ඒ අනුව මෙම මහජන උත්සවයට එක්වන ලෙස කොමියුනිස්ට්, වාමාංශික සහ ප්‍රගතිශීලී තරුණ පක්ෂ සහ සංවිධාන, සමාජ ව්‍යාපාර, මාධ්‍ය ආයතන සහ ශාස්ත්‍රීය හා සංස්කෘතික ආයතනවලට ආරාධනා කරන බව සංවිධායකයෝ පවසති. වෛරය ඇවිස්සීම, ලෝකයේ විවිධ ජාතීන්ගේ යථාර්ථයන් විකෘති කිරීම සහ ෆැසිස්ට්වාදයේ සහ නව යටත් විජිතවාදයේ නැගීම පෝෂණය කිරීම අරමුණු කරගත් මාධ්‍ය හැසිරවීම් සහ සිව්වන පරම්පරාවේ යුද අධිරාජ්‍යවාදී උපක්‍රමවලට මුහුණ දීමට එක්සත් වීම සමුළුවේ මුඛ්‍ය තේමාවන් අතර වන බව සංවිධායකයෝ පවසති.

වසර හැටක් තිස්සේ, කියුබාවේ කොමියුනිස්ට් පක්ෂයේ නිල ආයතනය වන ග්‍රැන්මා සහ කියුබානු තරුණයින්ගේ හඬ වන ජුවෙන්ටුඩ් රෙබෙල්ඩ්, සත්‍යය සඳහා ඔවුන්ගේ කැපවීම තුළ නොසැලී කටයුතු කරයි. ෆිදෙල් කැස්ත්‍රෝ විසින් පවත්වාගෙන යනු ලබන සමාජවාදී ව්‍යාපෘතියේ නිර්මාණාත්මක ගොඩනැගීමට ක්‍රියාකාරීව දායක වෙමින් ඔවුන් එකමුතුකම සහ සහයෝගීතාවය පෝෂණය කර ඇත.

ඔක්තෝබර් 20 වන දින, කියුබානු සංස්කෘතික දිනයෙන් අවසන් වන මෙම වසරේ උත්සවය, 2026 අගෝස්තු මාසයේදී ෆිදෙල් කැස්ත්‍රෝගේ උපන්දිනයේ ඉදිරි ශත සංවත්සරයට ද උපහාර දැක්වීමටද නියමිතය.

මෙම උත්සවයට සමගාමීව  ඔක්තෝබර් 15 සිට 17 දක්වා, හවානාහි වාම පක්ෂ සහ ව්‍යාපාරවල න්‍යායික ප්‍රකාශනවල 3 වන ජාත්‍යන්තර රැස්වීම පැවැත්වීමට නියමිතය. අපගේ කාලයේ අභියෝගවලට මුහුණ දෙන නැගී එන දේශපාලන න්‍යායන් සහ භාවිතයන් හුවමාරු කර ගැනීම සඳහා මෙම ස්ථාපිත සංසදය තවමත් අත්‍යවශ්‍ය අවකාශයක් ලෙස පවතින බව සංවිධායකයෝ පවසති.

අවසාන වශයෙන් සමුළුවට සහභාගි වන්නන් හවානා වෙත සාදරයෙන් පිළිගැනීමට සූදානමින් සිටින බවද සංවිධායකයෝ පවසති.