ගැටුම 'තීරණාත්මක අවධියක'! යුක්රේන අර්බුදයට දේශපාලන විසඳුමක් ලබා දීමට වැඩි උත්සාහයක් ගත යුතුයි!- එක්සත් ජාතීන්ගේ සංවිධානයේ චීනයේ නියෝජ්‍ය ස්ථීර නියෝජිත

Aug 3, 2025 at 05:32 AM

|

Lanka Leader

යුක්රේන අර්බුදය තීරණාත්මක අවධියක පවතින හෙයින් සියලු පාර්ශවයන් එකම අර්මුණකට යොමු වී වැඩි එකඟතාවයක් ගොඩනඟා ගත යුතු බවත් දේශපාලන විසඳුමක් සඳහා වැඩි උත්සාහයක් ගත යුතු බවත් එක්සත් ජාතීන්ගේ (එජාස) චීනයේ නියෝජ්‍ය ස්ථිර නියෝජිත ගෙන්ග් ෂුවාං, පසුගිය අගෝස්තු පළමුවනදා යුක්රේන අර්බුදය පිළිබඳව රැස්වූ ආරක්ෂක මණ්ඩල රැස්වීමේදී පැවසීය.

යුක්රේන අර්බුදය සම්බන්ධයෙන් සාකච්ඡා කිරීම සඳහා එක්සත් ජාතීන්ගේ ආරක්ෂක මණ්ඩලය රැස්වූ  තුන්වන අවස්ථාව මෙයයි.

ගැටුමට සම්බන්ධ පාර්ශ්වයන් ජනතාවගේ මානුෂීය සහ ජීවනෝපාය අවශ්‍යතාවලට ප්‍රමුඛත්වය දිය යුතු අතර සිවිල් වැසියන් ආරක්ෂා කිරීමට සෑම උත්සාහයක්ම ගත යුතුයි. ඔවුන් ජාත්‍යන්තර මානුෂීය නීතියට දැඩි ලෙස අනුකූල විය යුතු බවත් සිවිල් වැසියන්ට සහ සිවිල් යටිතල පහසුකම්වලට පහර දීමෙන් වැළකී සිටිය යුතු බවත් ගෙන්ග් ඉල්ලා සිටියේය.

ගැටුමට සම්බන්ධ පාර්ශ්වයන් ප්‍රමාදයකින් තොරව යුධ පිටියේ උත්සන්න වීම අඩු කිරීමට කටයුතු කරමින් දේශපාලන කැමැත්ත සහ නම්‍යශීලීභාවය පෙන්විය යුතු බවත් අවධාරණය කළ ගෙන්ග් සාම සාකච්ඡාවල ගම්‍යතාව පවත්වා ගත යුතු ගනිමින් සංවාද සහ සාකච්ඡා හරහා පුළුල්, කල් පවතින සහ බැඳීම් සහිත සාම ගිවිසුමකට එළඹීමට උත්සාහ කළ යුතු බව පෙන්වා දුන්නේය.

සටන් විරාමයක් සඳහා ක්‍රියාකාරීව බලපෑම් කරමින් සාම සාකච්ඡා ප්‍රවර්ධනය කර හිතකර වාතාවරණයක් සහ සක්‍රීය කොන්දේසි නිර්මාණය කර අර්බුදයට දේශපාලන විසඳුමක් සඳහා පහසුකම් සැලසීමට අවශ්‍ය සහාය ලබා දෙන ලෙස ගෙන්ග් ජාත්‍යන්තර ප්‍රජාව ප්‍රමුඛ විශේෂයෙන් ප්‍රධාන කොටස්කරුවන්ගෙන් ඉල්ලා සිටියේය.

පසුගිය ජුලි 31 වනදා පැවති තවත් රැස්වීමකදී, එක්සත් ජනපද නියෝජිතයා චීනය රුසියාවේ යුද ප්‍රයත්නයන් සඳහා "වඩාත්ම වැදගත් සැපයුම්කරු" බවට චෝදනා කළ අතර චීනයට එරෙහිව එක්සත් ජනපදයෙන් එල්ල වන අසත්‍ය සහ අපහාසාත්මක ආඛ්‍යාන සම්පූර්ණයෙන්ම පිළිගත නොහැකි බව ජෙන්ග් අවධාරණය කළේය.

Chinese envoy calls for greater efforts toward political settlement to Ukraine crisis with conflict at 'crucial stage'