නාගරික මැහිවරණයේ ප්‍රතිඵල විප්ලවවාදී ජනප්‍රිය කණ්ඩායමේ ඓතිහාසික ජයග්‍රහණය තහවුරු කර තිබෙනවා- ජනාධිපති නිකොලොස් මදුරෝ
ඊයේ(27) පැවති නාගරික මැතිවරණයේදී නගරාධිපති ධුර 335 න් 285 ක් පමණ පාලක සයිමන් බොලිවර් මහා දේශප්‍රේමී ධ්‍රැවය (GPPSB) දිනා ගත් බව නිවේදනය කිරීමෙන් පසු, වෙනිසියුලානු ජනාධිපති නිකොලස් මදුරෝ අද(28) අලුයම ප්‍රකාශ කළේ "අද, විප්ලවවාදී ජනප්‍රිය කණ්ඩායමේ ඓතිහාසික ජයග්‍රහණය තහවුරු කර තිබෙනවා" යනුවෙනි.
කැරකස් නුවර මධ්‍යයේ පිහිටි කැරකස් නගරයේ නගර සභා සංකිර්ණය වන ප්ලාසා බොලිවර් මන්දිරයේ බැල්කනියේ සිට රැස්ව සිටි ජනතාව ඉදිරියේ, වෙනිසියුලානු ජනාධිපතිවරයා අවධාරණය කළේ රටේ අගනුවර තිබෙන නගර සභා 24 න්, 23 ක් ජයග්‍රහණය කර ඇති බවයි. "අපට කොජෙඩ්ස් හි සැන් කාලෝස් පමණක් අහිමි වුණා" ඔහු පැවසීය. එම නගර සභාවේ විපක්ෂ ජයග්‍රාහකයාට සුබ පැතීමටද ඔහු කටයුතු කළේය.
"අද ජනප්‍රිය, බොලිවේරියානු සහ චාවිස්ටා විප්ලවවාදී කණ්ඩායමේ ඓතිහාසික ජයග්‍රහණය තහවුරු කර ඇති ආකාරයටම, අද දින විපක්ෂය දිනාගත් නගරාධිපති ධුර 50 හොඳින් පාලනය කිරීමට බැඳී සිටින නව වෙනිසියුලානු විපක්ෂයක උපත සිදු වූ දිනය බව මම විශ්වාස කරනවා." ඔහු පැවසීය.
ජාතික මැතිවරණ කවුන්සිලය (CNE) එහි පළමු නිල ප්‍රතිඵල ප්‍රකාශනයෙන් පවසා සිටියේ GPPSB ආසන්න වශයෙන් නගර සභා 280 ක් සහ විපක්ෂය ආසන්න වශයෙන් නගර සභා 50 ක් ජයග්‍රහණය කර ඇති බවයි. ඒ අනුව පාලක දේශපාලන බලවේගය "මුළු නගර සභා 335 න් 285 කට වඩා" දිනා ගත් බව ජනාධිපති නිකොලොස් මදුරෝ ප්‍රකාශ කළේය.
"අද, 2025 ජූලි 28, කැරකස් නගරාධිපති කාර්යාලය හෙවත් වෙනිසියුලාවට නිදහස ප්‍රකාශයට පත් කළ මෙම ඓතිහාසික ස්ථානයේ සිට, බොලිවේරියානු විප්ලවයේ ශක්තිය සඳහා අපි ඓතිහාසික ජයග්‍රහණයක් ලබා ඇති බව මට පැවසිය හැකියි. ජයග්‍රහණය, ජයග්‍රහණය, ජනප්‍රිය ජයග්‍රහණය!" මදුරෝ ප්‍රකාශ කළේය.
2021 මැතිවරණයේදී දිනාගත් නගරාධිපති ධුර 212 සිට විප්ලවවාදී බලවේග "රටේ සාමාන්‍ය ජනයාගේ ඡන්දවලින්" නගරාධිපති තනතුරු 285 ක් දිනාගැනීම දක්වා ශක්තිමත් වූ බව ඔහු පෙන්වා දුන්නේය.
"අද අප ලබා ඇති දැවැන්ත ජයග්‍රහණය වෙනුවෙන් වෙනිසියුලාවේ ජනතාවට මම ස්තූති කරනවා. මේ අවස්ථාවේදී අපි නගරාධිපති ධුර 335 න් 285 ක් දිනා තිබෙනවා. එම ජයග්‍රහනය, ආපසු හැරවිය නොහැකි," ඔහු නැවත අවධාරණය කළේය.
ඔහු වැඩිදුරටත් පවසා සිටියේ මාස 12 ක් තුළ, "අපි මැතිවරණ හතක් පැවැත්වුවා. වසරකට පෙර අද වැනි දවසක අපි ෆැසිස්ට්වාදයට, අධිරාජ්‍යවාදයට මුහුණ දුන්නා. ඔවුන් අපව යටත් කර ගැනීමට ඩොලර් බිලියන ගණනක් ආයෝජනය කළා. නමුත් ඔවුන්ට එය නොහැකි වුණා. අධිරාජ්‍යවාදය මෙහෙයවන්නන් අසමත්, ඔව් අධිරාජ්‍යවාදය මෙහෙයවන්නන් අසමත්! ඒ වගේම වෙනිසියුලානු ජනතාව පරාජය කිරීමට අධිරාජ්‍යවාදීන්ට කිසිදා නොහැකි වනු ඇත!. වෙනිසියුලාවේ බොලිවේරියානු ජනතාව, සමස්ත ඇමරිකාවේ විමුක්තිදායකයින්ගේ ජනතාව පරාජය කළ නොහැකියි."
එලෙසම නගරාධිපති නගර සභා 50 ක් ජයග්‍රහණය කළ විපක්ෂයට, ජනාධිපති මදුරෝ මෙසේ පැවසීය "අපි ඔබ වෙත අපගේ දෑත් දිගු කරනවා. මෙම නව යුගයේදී, අධිරාජ්‍යවාදීන්ගේ කුමන්ත්‍රණ... විදේශීය මිලිටරි මැදිහත්වීම් සඳහා වන ඉල්ලීම්, උතුරු ඇමරිකානු මැදිහත්වීම් සඳහා වන ඉල්ලීම්, සම්බාධක සඳහා වන ඉල්ලීම් බැහැර කරන ලෙසත්, අපි එක ගමනක් ඉදිරියට යමුය යන බැරෑරුම් යෝජනාව ඔබ හමුවේ තබනවා."
එහිදී විශේෂත්වය වන්නේ මධුරෝ මෙම ඓතිහාසික ජයග්‍රහණය කමාන්ඩර් චාවේස්ගේ නමට කැප කළේය.
"නාගරික අවකාශයන්, ජනතාවට නගරයේ ජීවත් වීමට ඇති අයිතිය, පොදුවේ ආර්ථිකය, ව්‍යවසායකත්වය සහ නිෂ්පාදන ආර්ථිකය, අපගේ ජනතාවට නිවාස, සංස්කෘතිය, සෞඛ්‍යය සහ අධ්‍යාපනය සඳහා වන සමාජ අයිතිවාසිකම් පුළුල් ලෙස යථා තත්ත්වයට පත් කිරීම සඳහා කටයුතු කළ යුතුයි." මදුරෝ පැවසීය.
රැස්ව සිටි ජනතාව අතරින් ලෙළ දුන් මෙක්සිකානු ධජයක් දෙසට අවධානය යොමු කරමින් ජනාධිපතිවරයා මෙසේ පැවසීය: "මේ අවස්ථාවේ මම මෙක්සිකෝවේ ධජයක් දකිනවා. මෙක්සිකෝව දිගු කල් වැජඹේවා! ලතින් ඇමරිකාව සහ කැරිබියන් දූපත් දිගු කල් දිගු කල් වැජඹේවා! මානව වර්ගයාගේ ජයග්‍රාහී ප්‍රතිරෝධය දිගු කල් දිගු කල් වැජඹේවා! නිදහස් පලස්තීනය දිගු කල් දිගු කල් වැජඹේවා!"
"අද ජූලි 28වන සඳුදා, අපගේ අමතක නොවන උත්තරීතර අණ දෙන නිලධාරි හියුගෝ රෆායෙල් චාවේස් ෆ්‍රියාස් ගේ උපන්දිනයයි. ඔහු සිහිපත් කරමින්, ඔහු වෙනුවෙන් අපි යාඥාවක් පැවැත්වා "වෙනිසියුලානු ජනතාවගේ මෙම ශ්‍රේෂ්ඨ ජයග්‍රහණය හියුගෝ රෆායෙල් චාවේස් ෆ්‍රියාස්ට කැප කළා. අපගේ අරගලයේ සැමවිටම ජීවමානයි! අපගේ මතකය සැමවිටම ජීවමානයි! අපගේ දෛනික කාර්යය සැමවිටම ජීවමානයි!" මදුරෝ අවධාරණය කළේය.
සම්බන්ධිත පුවත් | Related News
ප්‍රධාන පුවත්
පනාමුරේ තිලකවංශ නාහිමියන්ට ජීවිත ආරක්ෂාව ඉල්ලමින් මහජන ආරක්ෂක නියෝජ්‍ය අමාත්‍යවරයාට ලිපියක්..
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..