මාලිමාව දිනවූ කතෝලික බෙල්ට් එකේ කැකිරාවේ සුදස්සන හිමිගේ නමත්..

Jul 24, 2025 at 01:41 PM

|

Lanka Leader

මාලිමාව දිනවිය යුත්තේ ඇයි යන මැයෙන් ලංකාවේ කතෝලික සංවිධාන ජනාධිපතිවරණයේදී  මාලිමාව දිනවිම සඳහා පත්‍රිකාවක් ජනතාව අතර බෙදාහැර ඇති බවත්, එම පත්‍රිකාවේ කැකිරාවේ සුදස්සන හිමියන්ගේ නම ද ඇතුළත්ව තිබී ඇති බවත් තොරතුරු අනාවරණය කරමින් සමාජ මාධ්‍යයේ තොරතුරු සංසරණය වේ.

මේ සම්බන්ධයෙන් කරුණු දක්වමින් කැකිරාවේ සුදස්සන හිමියෝ සිය සමාජ මාධ්‍ය ගිණිමේ පළකර ඇති සටහනකින් කියවෙන්නේ උන්වහන්සේ විශ්ව විද්‍යාලයේ දී ක්‍රිස්තියානි ධර්මය හැදෑරූ බවත්, එම අධ්‍යයන අංශයේ බාහිර කථිකාචාර්යවරයකු ලෙසද සේවය කළ බවත් ය.

එසේම මාලිමාව දිනවීම සඳහා බෙදාහැරි එම පත්‍රිකාවේ තමන්ගේ නමද අන්තර්ගත වූ බව උන්වහන්සේ පිළිගෙන තිබේ.

එම සටහනෙන් උපුටාගත් කොටසක් පහළින් දක්වා තිබේ.

"මම විශ්ව විද්‍යාලයේ ක්‍රිස්තියානි ධර්මය ඉගන ගත්ත වගේම, මම ඒ අධ්‍යයන අංශයේ බාහිර කථිකාචාර්යවරයෙක් ලෙස වැඩ කරා. ඒ ඩිපාට්මන්ට් එකේ එවකට අංශාධිපති වූ විජිත් රොහාන් මහතා මගේ ගුරුවරයෙක් එතුමා හරහ තමයි ඇත්තටම මම ජනතා විමුක්ති පෙරමුණේ දේශපාලනයට සම්බන්ධ වුණේ. ඒ සමාජවාදී තරුණ සංගමය හරහා, පසුව ජවිපෙ සංවිධාන රාශියක එකතුවක් ලෙස ජාතික ජන බලවේගය නිර්මාණය කරා එහි එක සංවිධානයක් තමයි ජනෝදානය කියන්නෙ. පසුගිය ජනාධිපතිවරණයේදී ලංකාවේ කතෝලික බෙල්ට් එකේ මාලිමාව දිනවිය යුත්තේ ඇයි කියල ජනෝදානයෙන් දේශපාලන කැම්පේන් එකක් කරා.ඒ සදහා පත්‍රිකාවක් කතෝලික ජනතාව අතර බෙදාහැරිය. ඒ පත්‍රිකාවට මගේ නමත් දැන්නම් ඒකෙන් වටිනාකමක් එනව කියල විජිත් සර් කිවුව. ඒ වන විට මම ලංකාවෙත් නෙවෙයි හිටියෙ.මම කිවුව ගැටලුවක් නෑ දාන්න කියල. මොකද දේශපාලන වෙනසක අවශ්‍යතාවද වෙනුවෙන් තමයි ඒ වෙද්දී මම පෙනී හිටියෙ. නැතුව කතෝලික ආගම ප්‍රවර්ධන කරන්න නෙවෙයි."