දේශබන්ධු ඉවත් කරන පිළිවෙළ කථානායක කියයි..
විෂමාචාර ක්රියා සහ ධුරයේ බලතල බරපතල අන්දමින් අනිසි ලෙස යොදා ගතු බවට පාර්ලිමේන්තු කමිටුවකින් වරදකරු කර ඇති පොලිස්පති දේශබන්ධු තෙන්නකෝන් මහතා ධුරයෙන් ඉවත් කිරීමේ යෝජනා සම්මතයක් පාර්ලිමේන්තු න්යාය පුස්තකයට ඇතුලත් කර දින 05ක් ගත වූ පසු එම යෝජනා සම්මතය පාර්ලිමේන්තු න්යාය පත්රයට ඇතුළත් කරනු ලබන අතර පාර්ලිමේන්තු කටයුතු පිළිබඳ කාරක සභාව විසින් තීරණය කරනු ලබන දිනයකදී එය විවාදයට ගත හැකි බව කතානායක, වෛද්ය ජගත් වික්රමරත්න මහතා පාර්ලිමේන්තුවේදී අද (23දා) ප්රකාශ කළේය.
එහිදී පාර්ලිමේන්තුවේ මුළු මන්ත්රී සංඛ්යාවෙන් බහුතරයක් මන්ත්රීවරයන් මෙම යෝජනා සම්මතයට පක්ෂව ඡන්දය දුනහොත්, ඒ මහතා අප්රමාදව ධුරයෙන් ඉවත් කිරීම සඳහා ජනාධිපති දැනුම්වත් කරනු ලැබෙන බවද දේශබන්ධු තෙන්නකෝන් මහතා පොලිස්පති ධුරයෙන් ඉවත් කිරීම සම්බන්ධයෙන් ක්රියාවළියේ ඉදිරි පියවර දැනුම්දෙමින් හෙතෙම මේ බව සඳහන් කළේය. එහිදී ඔහු මෙසේද කියා සිටියේය.
2025 ජූලි 22 වැනි දින සභාගත කරන ලද, 2002 අංක 5 දරන නිලධරයන් ඉවත් කිරීමේ (කාර්ය පටිපාටිය) පනතේ 3 (ඈ) සහ 3 (ඉ) වගන්ති ප්රකාරව, පොලිස්පති ටී. එම්. ඩබ්ලිව්. දේශබන්ධු තෙන්නකෝන් මහතා විසින් සිදු කරන ලදැයි චෝදිත විෂමාචාර ක්රියා සහ/හෝ ධුරයේ බලතල බරපතල අන්දමින් අනිසි ලෙස යොදා ගැනීමේ ක්රියාවන් සම්බන්ධයෙන් විමර්ශනය කර එහි සොයාගැනීම් වාර්තා කිරීම සඳහා එකී පනතේ 5 වන වගන්තිය ප්රකාරව පත්කරන ලද පරීක්ෂණ කමිටුවේ වාර්තාව සම්බන්ධව ගනු ලබන ඉදිරි ක්රියාමාර්ග පිළිබඳව මෙම සභාවට පැහැදිලි කිරීමට කැමැත්තෙමි.
ඒ අනුව,2025 ජූලි 22 වැනි දින සභාගත කරන ලද මෙම වාර්තාවේ මෘදු පිටපත ඉංග්රිසි භාෂාවෙන් එදිනම පාර්ලිමේන්තුවේ නිල වෙබ් අඩවියෙහි උඩුගත කිරීමට කටයුතු කරනු ලැබ ඇත. තවද, 2025 ජූලි 22 වැනි දින මෙම සභාවේ දී ලද අවසරය ප්රකාරව මෙම වාර්තාව මුද්රණය කිරීමෙන් පසු මෙම සභාවේ මන්ත්රීවරයන්ගේ පරිශීලනය සඳහා බෙදාහැරීමට කටයුතු කරනු ලැබේ.
මෙම වාර්තාව අනුව, පොලිස්පති ටී. එම්. ඩබ්ලිව්. දේශබන්ධු තෙන්නකෝන් මහතා වරදකරු බවට තීරණය වී ඇති බැවින්, 2002 අංක 5 දරන නිලධරයන් ඉවත් කිරීමේ (කාර්ය පටිපාටිය) පනතේ 17 වන වගන්තිය ප්රකාරව ඒ මහතා ධුරයෙන් ඉවත් කිරීම සඳහා වන යෝජනා සම්මතයක් පාර්ලිමේන්තුවේ න්යාය පුස්තකයට ඇතුලත් කිරීමට ඉන් අනතුරුව කටයුතු කරනු ලැබේ.
පාර්ලිමේන්තුවේ ස්ථාවර නියෝග 27 ප්රකාරව පාර්ලිමේන්තුවේ න්යාය පුස්තකයට ඇතුලත් කිරීමෙන් සම්පූර්ණ දින 5ක් ගත වූ පසු මෙම යෝජනා සම්මතය පාර්ලිමේන්තුවේ න්යාය පත්රයට ඇතුළත් කරනු ලබන අතර, ඒ සම්බන්ධව පාර්ලිමේන්තු කටයුතු පිළිබඳ කාරක සභාව විසින් තීරණය කරනු ලබන දිනයක දී විවාදයට ගත හැකි වේ.
පාර්ලිමේන්තුවේ (නොපැමිණි මන්ත්රීවරයන්ද ඇතුළුව) මුළු මන්ත්රී සංඛ්යාවෙන් බහුතරයක් මන්ත්රීවරයන් මෙම යෝජනා සම්මතයට පක්ෂව ඡන්දය දුනහොත්, එකී පනතේ 18 වන වගන්තිය ප්රකාරව ඒ මහතා අප්රමාදව ධුරයෙන් ඉවත් කිරීම සඳහා ගරු ජනාධිපතිවරයා දැනුම්වත් කරනු ලැබේ.
සම්බන්ධිත පුවත් | Related News
ප්රධාන පුවත්
සුරේෂ් සලේ වදකාගාරයක දමා මරා දැමීමට හැදූ කුමන්ත්රණය සත්යග්රහය නිසා වැළකුණා.. - වෛද්ය වසන්ත බණ්ඩාර
කතෝලික සභාව දැන් හත්පොළේ ගාගෙන ඉවරයි.. බුද්ධි තොරතුරු කළින් ලැබිලත් ශානිලා රවිලා මොනවද කළේ - '2019 අප්රේල් 21 මීගමුව යුක්තියට පදනම' සන්ධානයෙන් චෝදනා
අනාථ වී සිටින ආණ්ඩුව පාස්කු ප්රහාර සිද්ධියෙන් ගන්නේ වෙන ආතල් එකක්.. කළුපටි පැළඳගෙන, ලෝගු දමාගෙන පියතුමන්ලා දේශපාලනය කරන්න එපා.. - මීගමුව යුක්තියට පදනම සන්ධානය
මාලිමාණ්ඩුවට පාරාවළල්ලක් විය හැකි සුරේෂ් සලේ.. - ප්රවීන මාධ්යවේදී ධර්ම ශ්රී කාරියවසම්ගෙන් අනාවරණයක්..
අපනයන ආදායම් රුපියල්වලට හැරවීමේ නව රීතියක්..
සුරේෂ් සලේ වෙනුවෙන් ඇරඹි සත්යග්රහය දෙවන දිනටත්.. රණවිරුවන්, දේශපාලනඥයන් සහ සිවිල් සංවිධාන සලේ වෙනුවෙන් පෙරට..
සුරේෂ් සලේට අමානුෂික ලෙස සැලකීම ව්යවස්ථා විරෝධියි.. - එජාපයෙන් නිවේදනයක්
රටේ ආර්ථික අර්බුදයේ ඇත්තම කතාව වෛද්ය වසන්ත බණ්ඩාර හෙළිකරයි..
එක් නඩුවකින් සරණ ගුණවර්ධනට බරපතල වැඩ සහිත වසර 04 ක සිර දඬුවම්..
සුරේෂ් සලේ වෙනුවෙන් පවත්වන සත්යග්රහයට දේශහිතෛෂී ජාතික ව්යාපාරයත් එක්වෙයි..
සලේගේ විමර්ශනවලට අදාළව මානව හිමිකම් කොමිසමෙන් CIDයට කැඳවීමක්..
පාස්කු ප්රහාරයේ නියම සත්ය කියන්නේ මාලිමාවට අවශ්ය සත්ය නෙවෙයි.. සහරාන් වරෙන්තු වී සිටියදී මඩකලපුව අධිකරණයට හංගගෙන ආපු නීතිඥයා ගැනත් හෙළිකරන්න.. - සිරිල් ගාමිණී පියතුමාට පොහොට්ටුවෙන් ප්රතිචාර
සුරේෂ් සලේගේ ආරක්ෂාව වෙනුවෙන් දියත් කර ඇති සත්යග්රහයට උපරිමයෙන් දායක වන්න.. - ජාතික සංවිධාන එකමුතුවෙන් ඉල්ලීමක්
ආගමික නායකයින් පාස්කු ප්රහාරය හරහා දේශපාලනය කරනවා.. - සුරේෂ් සලේගේ මව සත්යග්රහයට එක්වෙමින් කියයි
ගින්දරත් එක්ක සෙල්ලම් නොකරනු! පිලිපීන දේශපාලනඥයන් කිහිප දෙනෙකුට අනතුරු ඇඟවීමක්! ග්ලෝබල් ටයිම්ස් කතුවැකිය"
සලේ වෙනුවෙන් අඛණ්ඩ සත්යග්රහය ආරම්භ වෙයි..