දැදුරු ඔයට අතහැරි විදෙස් මාළුවකු නිසා ධීවරයන්ට කන කොකා හඬයි..

Jul 21, 2025 at 12:33 PM

|

Lanka Leader

දැදුරු ඔය ආශ්‍රිතව ශීඝ්‍රයෙන් වර්ධනය වෙමින් පවතින ආක්‍රමණික මාළුවෙකු හේතුවෙන් කුරුනෑගල දිස්ත්‍රික්කයේ තඹගල්ල ප්‍රදේශිය ලේකම් කොට්ඨාසයේ කැකුලාවල හිරිපිටිය ගනේවත්ත ප්‍රදේශයේ දැදුරු ඔය ආශ්‍රිතව ධීවර රැකියාවේ නිරිතවු ධීවර ප්‍රජාවගේ දෛනික ජීවිතයට දැඩි බලපෑම් එල්ලවී තිබේ.

Giant Snake Head Fish නමින් හැදින්වෙන මෙම මාලු විශේෂයට දැදුරු ඔය ආශ්‍රිතව ධීවර කටයුතු කරන ධීවරයින්  "චන්නා" නැමැති අන්වර්ථ නාමයෙන් හදුන්වන අතර, විසිතුරු මාලුවෙකු ලෙස නිවෙස් වල ටැංකි වල ඇති කල මෙම මාළුවා යම් පුද්ගලයකු හො පිරිසක් විසින් යම් හේතුවත් මත  ජලාශයට මුදා හැර ඇති බව සැක කෙරේ.

 මෙම මාළුවා කලක සිට දැදුරු ඔයෙහි බහුලව දක්නට ලැබෙන බවත් ජලය තුලඕනෑම පරිසරයකට ක්ෂණිකව හැඩ ගැසෙමින්  දැන්ටමත්  ඔය ආක්‍රමණය කර ඇති බවයි පැවසෙන්නේ.

වරකට  බිත්තර 100,000 පමණ දමන මේ මාළුවා ඉන් පැටවුන් 80,000 පමණ ජලාශයට මුදා හරීන බව ධීවරයින් සැක පලකරන අතර හිතා ගැනීමටවත් නොහැකි වේගයකින් වර්ධනය වන "චන්නා" හොදින් වැඩුණු මාලුවෙකු තම ජීව කාලය තුළ කුඩා මාළුන් (තෙප්පිලියන් වැනි) 100kg ප්‍රමාණයක් ආහාරයට ගන්නා බවත් "චන්නා" ලා විසින් කා දමන්නේ මාළුන්ගේ හිසෙන් පහල කොටස පමණක් බවත්, මෙම ආක්‍රමණික මාළුවා ආහරයට ගන්නා නිසා කුඩා මාළුන්ගේ ඉහල ශරීර කොටස් පමණක් බොහෝ විට ජලාශයේ සෑම තැනකම දැක ගත හැකි බවත් ධීවරයින් පෙන්වා දෙයි. 

ඒ හෙතුවෙන් තෙප්පිලි වැනි කුඩා මාලුන් වද වීමේ තර්ජනයට ලක්ව ඇතැයි දැදුරු ඔයෙහි ධීවර ප්‍රජාව පවසති.

මෙම ආක්‍රමණික මාළුවා අල්ලා ගැනීමට ඇති අපහසුව නිසා දැදුරු ඔය ආශ්‍රිතව ධීවර කර්මාන්තයේ නියැලෙන ධීවරයින් දැඩි ගැටලු කාරී තත්ත්වයකට මුහුණ පා ඇති අතර, මෙම ආක්‍රමණික මාළුවට ඉතා තියුණු දත් ඇති නිසා හා ඇදහිය නොහැකි ශක්තිමත් බවකින් යුතු  නිසා දැල් භාවිත කර ඇල්ලීම කල නොහැකි තරමට දැල් අම්පන්න ඉරී විනාශ වීමද ධීවරයිට පවතින තවත් ගැටලුවක් පවට පත්ව තිබේ.

විසිතුරු මාලුවන් ලෙස විදෙස්  රටවලින් රැගෙන එන මෙවැනි ආක්‍රමණික මත්සයන් නිසා අද මෙරට ධීවර කර්මාන්තයේ ඇතිවී තිබෙන අර්බුදයට මෙයද තවත් එක් උදාහරණයකි.