කියුබාව තුළ කඩාකප්පල් ක්‍රියා ජනනය කිරීම සඳහා අමෙරිකාව, ඩොලර් මිලියන ගණනක අරමුදල් සැපයීම කියුබාව හෙළා දකියි..

Jul 20, 2025 at 03:06 PM

|

Lanka Leader

කියුබානු විදේශ අමාත්‍ය බෲනෝ රොඩ්‍රිගස් මහතා, කියුබාවේ "කඩාකප්පල්කාරී ක්‍රියාවන්ට" අරමුදල් සැපයීම සඳහා අරමුණුකරගත් ඩොලර් මිලියන 75 ක අයවැයක් ප්‍රවර්ධනය කිරීම සම්බන්ධයෙන් පසුගිය 17 වනද එක්සත් ජනපදයේ "කියුබානු විරෝධී දේශපාලනඥයන්" ලෙස ඔහු හඳුන්වා දුන් පිරිසට දෝශාරෝපනය කළේය.

ආර්ථික අවහිරය ශක්තිමත් කරන සහ කියුබාවට ඇමරිකානු සංචාරක ව්‍යාපාරය තහනම් කරමින් ට්‍රම්ප් පරිපාලනය ඉදිරිපත් කර තිබු සංදේශයක් කියුබානු පාර්ලිමේන්තුව ප්‍රතික්ෂේප කිරීමෙන් පසු, දෙරට අතර වර්ධනය වන ආතතියේ නව රැල්ලක් මධ්‍යයේ අමාත්‍යවරයා විසින් මෙලෙස විවේචනය කරණු  ලැබීය.

සමාජ මාධ්‍ය වේදිකාවක් වන X හරහා, මෙලෙස රොඩ්‍රිගස් හෙළා දුටුවේ, එක්සත් ජනපද කොංග්‍රසය කියුබානු රාජ්‍ය සේවාවන් සඳහා කප්පාදු අනුමත කරමින් ඇතැම් අංශ "කියුබානු ව්‍යවස්ථාමය පිළිවෙල කඩාකප්පල් කිරීම" අරමුණු කරගත් වැඩසටහන් සඳහා ඩොලර් මිලියන ගණනක් පොම්ප කිරීම ප්‍රවර්ධනය කරන බව අනාවරණය වීමෙන් පසෞවය.

"ඔවුන් ඇමරිකානු බදු ගෙවන්නාගේ වියදමින් සහ අපගේ ජනතාවට වන හානිය මගින් තමන්ව පොහොසත් කරන අයගේ දූෂිත ව්‍යාපාරය අලුත් කරමින් සිටිනවා" යනුවෙන් අමාත්‍යවරයා සිය සටහන මගින් අනාවරණය කළේය. වොෂින්ටනය කියුබාවේ "ආණ්ඩු වෙනසක්" ප්‍රවර්ධනය කිරීම සඳහා මාධ්‍ය ව්‍යාපාර සහ විරුද්ධ කණ්ඩායම් සඳහා අරමුදල් සපයන බවට කියුබාව නැවත නැවතත් චෝදනා කරයි.

කියුබානු විදේශ අමාත්‍යවරයා මීට පෙර එක්සත් ජනපද රාජ්‍ය ලේකම් මාර්කෝ රුබියෝ කියුබාවට එරෙහිව "කඩාකප්පල්කාරී සැලසුම්" සඳහා මහජන අරමුදල් භාවිතා කිරීම සඳහා වඩාත්ම වගකිව යුතු පුද්ගලයා ලෙස හඳුන්වා තිබුණි. මෙම ප්‍රකාශය, ජනාධිපති ඩොනල්ඩ් ට්‍රම්ප් විසින් ප්‍රවර්ධනය කරන ලද ඩොලර් මිලියන 9 ක ෆෙඩරල් වියදම් කප්පාදු පැකේජයක් සඳහා එක්සත් ජනපද සෙනෙට් සභාව විසින් මෑතකදී අනුමැතිය ලබා දීමට සමපාත වන නමුත් නියෝජිත මන්ත්‍රී මණ්ඩලය විසින් එම කප්පාදුව මෙතෙක් අනුමත කර නොමැත.

සංදේශය සහ "ජන සංහාරක ආර්ථික යුද්ධය"

රොඩ්‍රිගස්ගේ ප්‍රකාශයට දිනකට පෙර, කියුබාවේ මහජන බලය පිළිබඳ ජාතික සභාව ජුනි 30 වන දින ජනාධිපති සංදේශය හෙළා දකිමින් ප්‍රකාශයක් නිකුත් කරනු ලැබීය. කෙසේ වුවද ඩොනල්ඩ් ට්‍රම්ප් ජනාධිපතිවරයා ඉදිරිපත් කැල සංදේශය කියුබාවට එක්සත් ජනපද සංචාරකයන් පැමිණීම  තහනම් කරන අතර වෙළඳ සීමාවන් පුළුල් කරනු ලබන්නකි.

කියුබානු පාර්ලිමේන්තුව ඩොනල්ඩ් ට්‍රම්ප්ගේ මෙම පියවර "ජන සංහාරක ආර්ථික යුද්ධයක" කොටසක් ලෙස හැඳින්වූ අතර ට්‍රම්ප් 2021 දී නැවත බලයට පත්වීමෙන් පසු තීව්‍ර වූ අවහිර කිරීම "කියුබාව හුස්ම හිර කර සමාජ බිඳවැටීමක් ඇති කිරීමට" උත්සාහ කරන බව නැවත අවධාරණය කළේය. නියෝජිතයින්ට අනුව, කියුබාව තුළ වර්තමානයේ උද්ගතව තිබෙන ආහාර, ඖෂධ සහ ඉන්ධනවල  හිඟය මෙම සම්බාධකවල සෘජු ප්‍රතිවිපාකයකි.

තවද, කියුබානු ව්‍යවස්ථාදායකය කියුබාව ත්‍රස්තවාදයට රාජ්‍ය අනුග්‍රාහකත්වය දක්වන්නන්ගේ ලැයිස්තුවට ඇතුළත් කිරීම ප්‍රතික්ෂේප කළේය. එම් ක්‍රියාව හවානාට අනුව, මූල්‍ය ගනුදෙනු වලට බාධා කරන සහ ආර්ථික අර්බුදය ගැඹුරු කරන උත්සාහයකි. "කියුබාව තුළ ආධිපත්‍යය දැරීමට ඌරු බොක්ක ආක්‍රමණයෙන් කළ නොහැකි වූ දේ සාක්ෂාත් කර ගැනීම සඳහා එක්සත් ජනපදය පීඩන ක්‍රම භාවිතා කරනවා." විදේශ අමාත්‍යවරයා තම සටහන අවසන් කරමින් අවධාරණය කළේය.

https://www.cubasi.cu/en/news/cuba-denounces-multi-million-dollar-us-funding-generate-subversion-island

While supporting public services cuts that are worth millions, antiCuban politicians call for allocation of 75 million USD to promote subversion vs #Cuba.

Corrupt business run by those who continue to profit from #US taxpayers & cause hardships suffered by our people is renewed. pic.twitter.com/XKNw7w2U1a

— Bruno Rodríguez P (@BrunoRguezP) July 17, 2025