LTTE කොටි ත්‍රස්තවාදියෙකුට කැනඩාවේ පුරවැසිභාවය දෙන්න සහාය දුන් බවට කැනඩා මහජන ආරක්ෂක ඇමැති ගැරී ආනන්දසංගරීට දැඩි චෝදනා..
ශ්‍රී ලංකාවේ උපන්නෙකු වන කැනඩාවේ මහජන ආරක්ෂාව පිළිබඳ අමාත්‍ය ගැරී ආනන්දසංගරීට, එල්ටීටීඊ සංවිධානයේ හිටපු සාමාජිකයකුට කැනේඩියානු පුරවැසිභාවය ලබාගැනීම සඳහා සහාය ලබාදුන් බවට චෝදනා එල්ල වී තිබේ.
හිටපු එල්ටීටීඊ සාමාජිකයකු මෙන්ම ශ්‍රී ලාංකිකයකු ද වන බව පැවසෙන සෙන්තුරන් සෙල්වකුමාර් නැමැත්තකුට කැනේඩියානු පුරවැසිභාවය ලබාදීමට සහාය පළකරමින් ගැරී ආනන්දසංගරී විසින් ලිපි දෙකක් එවා ඇති බව වාර්තා වේ.
මෙම ලිපි 2016 සහ 2023 දී කැනඩා දේශසීමා සේවා නියෝජිතායතනයට යවා ඇති බව ජනමාධ්‍ය වාර්තා කරයි.
එම වාර්තා පෙන්වාදෙන්නේ, ආනන්දසංගරී කැනඩාවේ පාර්ලිමේන්තු මන්ත්‍රීවරයෙකු ලෙස කටයුතු කරමින් සිටියදී මෙම ලිපි ඉදිරිපත් කර ඇති බවයි.
කැනඩාවේ සංක්‍රමණ, සරණාගතයන් සහ පුරවැසිභාවය සඳහා වූ දෙපාර්තමේන්තුව සෙල්වකුමාර් නමැත්තා එල්ටීටීඊයට සෘජු සම්බන්ධතා ඇති බව පවසමින් පුරවැසිභාවය සඳහා වූ අයැදුම්පත අවස්ථා කිහිපයකදී ප්‍රතික්ෂේප කර තිබේ.
කෙසේවෙතත් තමන් යොමුකළ ලිපි මගින් ආනන්දසංගරී ඉල්ලා ඇත්තේ, මානුෂීය හේතූන් මත සෙල්වකුමාර්ට කැනේඩියානු පුරවැසිභාවය ලබාදීමට පියවර ගන්නා ලෙසයි.
ඊට හේතු ලෙස ඔහු පවුල්වලින් වෙන්වීම පිළිබඳව දක්වා තිබේ.
කෙසේවෙතත් ආනන්දසංගරීට එල්ල වී ඇති චෝදනාවලින් කියැවෙන්නේ, එල්.ටී.ටී.ඊ සංවිධානය තහනම් ත්‍රස්තවාදී සංවිධානයක් බැවින් ඔහුගේ ක්‍රියාකලාපය ත්‍රස්තවාදයට අනුබල දීමක් බවයි.
තවද, ත්‍රස්තවාදී සංවිධානයකට සහාය දීම සම්බන්ධයෙන් එල්ල වන මෙම චෝදනා හමුවේ ගැරී ආනන්දසංගරී තවදුරටත් මහජන ආරක්ෂක අමාත්‍යවරයා ලෙස කටයුතු කිරීම ගැටළු සහගත බව පාර්ශව කිහිපයක් කැනඩා අග්‍රාමාත්‍යවරයාට දන්වා තිබේ.
ඊට ප්‍රතිචාර දක්වමින් මහජන ආරක්ෂක අමාත්‍ය ගැරී ආනන්දසංගරීගේ කාර්යාලය නිවේදනයක් නිකුත් කරමින් පවසා ඇත්තේ, මෙම කාරණය අධිකරණයේ පවතින අතරතුර විස්තරාත්මකව අදහස් දැක්වීම නුසුදුසු බවයි.
තවද තමන් අමාත්‍යවරයකු වූ දින සිට එවැනි ආධාර ලිපි ඉදිරිපත් කර නොමැති බවද ආනන්දසංගරී අවධාරණය කර ඇත.
තමන් කිසිවිටෙකත් කිසිදු ත්‍රස්තවාදී සංවිධානයකට සහාය නොදැක්වූ බවත් පක්ෂපාතීව තීරණ නොගන්නා බවත් ඔහු අවධාරණය කර ඇත.
කෙසේවෙතත් කැනේඩියානු අග්‍රාමාත්‍යවරයා මේ දක්වා මේ සම්බන්ධයෙන් කිසිදු ප්‍රසිද්ධ ප්‍රකාශයක් නිකුත් කර නොමැති බව වාර්තා වේ.
මූලාශ්‍ර - ceylonwire
සම්බන්ධිත පුවත් | Related News
ප්‍රධාන පුවත්
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි