‘ඊශ්‍රායලය සමඟ ඉරානය කරන ඊළඟ යුද්ධය ඊශ්‍රායලයේ අවසාන යුද්ධය වනු ඇත’- ඉරාන ඉහළ පෙළේ නිලධාරියෙක් ජාත්‍යන්තර මාධ්‍ය වෙත පවසයි
ඊශ්‍රායලය සමඟ ඉරානය එළඹෙන අනාගත ඕනෑම යුද්ධයක් ඊශ්‍රායලයේ “අවසාන” යුද්ධය බවට පත් කිරීමට ටෙහෙරානය සූදානම් බව පසුගිය 30 වනදා නම සඳහන් නොකළ ඉරාන ඉහළ පෙළේ හමුදා නිළධාරියෙක් RT පුවත් වෙබ් අඩවිය වෙත පැවසුවේ, ඉරානය ඊශ්‍රායල මිසයිල් ආරක්ෂක පද්ධති අභිබවා යා හැකි දියුණු මිසයිල අත් පත් කරගෙන ඇති බවට අනතුරු අඟවමිනි.
“ඉතා දැනුවත්” භාවයකින් අදහස් දැක්වූ ඉරාන හමුදා මූලාශ්‍රය RT පුවත් සේවය වෙත පැවසුවේ, එක්සත් ජනපදය මැදිහත් වූ සටන් විරාමයකින් අවසන් වූ දින 12 ඉරාන ඊශ්‍රායල ගැටුමේදී ටෙහෙරානය ඊශ්‍රායල ආරක්ෂක පද්ධතියේ ඇති කඩතොළු හඳුනාගෙන ඇති බවයි.
“ඉරානය ඊශ්‍රායලය සමඟ කරනු ලබන ඊළඟ යුද්ධය ඊශ්‍රායලයේ අවසාන යුද්ධය බවට පත් කරනු ඇත.” යනුවෙන් එම හමුදා මූලාශ්‍රය පව්සා සිටියේ, තවත් ගැටුමක් ඇති වුවහොත් ඉරාන ඉස්ලාමීය ජනරජයට දිනපතා මිසයිල සිය ගණනක් ඊශ්‍රායලය වෙත එල්ල කළ හැකි බවයි. ටෙහෙරානය ඊශ්‍රායල ආරක්ෂක පද්ධතියේ තිබෙන දුර්වල ස්ථානයන් හඳුනාගෙන ඇති බව එම මූලාශ්‍රය වැඩිදුරටත් RT පුවත් සේවය වෙත පවසා තිබේ.
එම මූලාශ්‍රයට අනුව,“ඊශ්‍රායල පාලන තන්ත්‍රයේ තර්ජනය ස්ථිරවම උදාසීන කිරීමට ලැබී තිබෙන ඓතිහාසික අවස්ථාව” භාවිතා කිරීමට ඉරාන බලධාරීන්ට තම රටේ ජනතාවගෙන්න් මෙන්ම විදේශයන්හි ජීවත් වන ඉරාන වැසියන්ගෙන් “පෙර නොවූ විරූ සමාජ සහයෝගයක්” ලබාගෙන තිබේ.
ඉස්ලාමීය ජනරජයේ නායකත්වය නැවත වරක් ඉශ්‍රායල සමඟ යුදමය ගැටුමකට අවතීරණ වුවහොත් එක්සත් ජනපදය ඊශ්‍රායලයේ ගැලවීමට පැමිණෙන බව හොඳින් දන්නා නමුත්, ටෙහෙරානය "මෙම අභියෝගය ජය ගනු ලබනවා." යනුවෙන් මූලාශ්‍රය අවධාරණය කළ බව RT පුවත් සේවය පවසයි.
ජූනි මස මුලදී ඉරානය සහ ඊශ්‍රායලය අතර ඇති වූ නවතම ගැටුම් වලදී, ඊශ්‍රායල හමුදාව ඉරාන න්‍යෂ්ටික සහ හමුදා ස්ථාන ඉලක්ක කර ගනිමින් ප්‍රහාර එල්ල කළේ ටෙහෙරානය න්‍යෂ්ටික අවි නිපදවේඉමේ ධාරිතාවයකට ළඟා වෙමින් පවතින බවට ඇති බිය උපුටා දක්වමිනි.
ඉරාන වාර්තාවලට අනුව, ඊශ්‍රායල ප්‍රහාරවලින් ඉරාන හමුදාවේ ජ්‍යෙෂ්ඨ අණ දෙන නිලධාරීන් සහ විද්‍යාඥයින් කිහිප දෙනෙකු මෙන්ම සිවිල් වැසියන් සිය ගණනක් මිය ගියහ.
ඉශ්‍රායල ප්‍රහාර වලට ප්‍රතිචාර වශයෙන්, ඉරානය ඊශ්‍රායල ඉලක්ක වෙත සහ කටාර්හි එක්සත් ජනපද අල් උඩයිඩ් ගුවන් කඳවුරට ඩ්‍රෝන යානා සහ මිසයිල ප්‍රහාර එල්ල කළේය. ඉන්පසු එක්සත් ජනපදය ඉරානයේ නටාන්ස් සහ ෆෝඩෝව් හි පිහිටි යුරේනියම් පොහොසත් කිරීමේ ස්ථාන ඇතුළු ඉරාන න්‍යෂ්ටික මධ්‍යස්ථාන තුනකට ප්‍රහාර එල්ල කළේය.
කෙසේ වුවද උත්තරීතර නායක අයතුල්ලා අලි කමේනි පසුව කියා සිටියේ ඉරානයේ පළිගැනීමේ ප්‍රහාර ඊශ්‍රායලයේ මිලිටරි ධාරිතාව "ප්‍රායෝගිකව බිඳ දැමූ" බවයි, නමුත් එක්සත් ජනපද මැදිහත්වීම සම්පූර්ණ ඉරාන ජයග්‍රහණයක් වළක්වා ඇති බව හෙළි කරනු ලැබීය.
වොෂින්ටනය විසින් සාකච්ඡා කරන ලද සටන් විරාමය දෙපාර්ශවයමමෙතෙක් පවත්වා ගෙන ගොස් ඇත. කෙසේ වෙතත්, ආතතීන් ඉහළ මට්ටමක පවතින අතර, ඉරානය න්‍යෂ්ටික අවි නිපදවීම හඹා යාම දිගටම කරගෙන ගියහොත් නව ප්‍රහාර එල්ල කරන බවට එක්සත් ජනපද ජනාධිපති ඩොනල්ඩ් ට්‍රම්ප් අනතුරු අඟවා ඇති නමුදු ටෙහෙරානය අදාළ චෝදනාව ප්‍රතික්ෂේප කරයි. ඉරාන පහසුකම්වලට තවදුරටත් ප්‍රහාර එල්ල විය හැකි බවට ඊශ්‍රායල අගමැති බෙන්ජමින් නෙතන්යාහු ද අදහස් දක්වා තිබේ.
මෑත කාලීන සටන් වලින් පසුව ඉරානය සතු මිසයිල තොග හෝ ඒවාට සිදුවූ හානි තක්සේරු කිරීම් පිළිබඳ ස්වාධීන තහවුරු කිරීම් සීමිතය. ටෙහෙරානයේ මිසයිල අවි ගබඩාව කලාපයේ විශාලතම එකක් ලෙස පුළුල් ලෙස සලකනු ලැබුවද, ඊශ්‍රායලයේ ආරක්ෂක වළලු ඉක්මවා යාම පිළිබඳ ඉරාන ප්‍රකාශ අතිශයෝක්තියට නැංවීමක් විය හැකි බවට යුද විශ්ලේෂකයෝ අනතුරු දක්වා ඇත.
‘Next war with Israel will be final’: High-ranking Iranian official to RT
සම්බන්ධිත පුවත් | Related News
ප්‍රධාන පුවත්
පනාමුරේ තිලකවංශ නාහිමියන්ට ජීවිත ආරක්ෂාව ඉල්ලමින් මහජන ආරක්ෂක නියෝජ්‍ය අමාත්‍යවරයාට ලිපියක්..
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..