ඊශ්‍රායල ඉරාන යුද්ධය තෙවන ලෝක යුද්ධයක් බවට පරිවර්තනය වීම වැලැක්වීමට වහා මැදිහත් වෙන්න - එක්සත් ජාතින්ගේ මහලේකම්ට ජාතික නිදහස් පෙරමුණෙන් ලිපියක්
ඊශ්‍රායල ඉරාන යුද්ධය තෙවන ලෝක යුද්ධයක් බවට පරිවර්තනය වීම වැලැක්වීමට හදිසි සහ විධිමත් මැදිහත් වීමක් කරන්නැයි ඉල්ලා ජාතක නිදහස් පෙරමුණ විසින් එක්සත් ජාතින්ගේ සංවිධානයේ මහලේකම්වරයා වෙත ලිපියක් බාරදී තිබේ.
එක්සත් ජාතින්ගේ කොළඹ කාර්යාලය වෙත පැමිණි ජාතික නිදහස් පෙරමුණේ සාමාජිකයන් විසින් මෙම ලිපිය බාර දී තිබේ.
අදාළ ලිපියේ සිංහල සහ ඉංග්‍රීසි පිටපත් පහළින්..
ගරු නේවාසික නිත්‍ය නියෝජිත,
එක්සත් ජාතින්ගේ කොළඹ කාර්යාලය,
මගින්
ගරු මහලේකම් තුමා,
එක්සත් ජාතින්ගේ සංවිධානය,
එක්සත් ජාතින්ගේ මහලේකම් කාර්යාලය,
නිව්යෝක්,
අමෙරිකා.
ගරු මහලේකම් තුමනි,
ඊශ්‍රායල ඉරාන යුද්ධය තෙවන ලෝක යුද්ධයක් බවට පරිවර්තනය වීම වැලැක්වීමට හදිසි සහ විධිමත් මැදිහත් වීමක් කරන ලෙස කරනු ලබන අවධාරණයයි
අමෙරිකා එක්සත් ජනපදය ඊශ්‍රායලය සහ ඉරානය එක්ව දින 60ක කාල රාමුවකට යටත්ව ඉරානයේ යුරේනියම් බල ගැන්වීමේ ක්‍රියාන්විතය අත්හිටුවීම පිණිස කළ සාකච්ඡා අවසන් වී එක් දිනක් ඇතුලත ඉරානයට ඊශ්‍රායල් ප්‍රහාර එල්ල වීම හේතුකොට ගෙන ඇති වූ ගැටුමට මේ වන විට සති දෙකකටත් වඩා කාලයක් ඉක්ම ගොස් ඇත. එලෙසම මේවන විට අමෙරිකාවද ඉරානයට ප්‍රහාර එල්ල කිරීමට මැදිහත්ව සිටිනවා මෙන්ම ඉරානයද ප්‍රති ප්‍රහාර එල්ල කරන තැනට තල්ලු වී තිබේ.
මෙසේ අමෙරිකාව අනවශ්‍ය ලෙස ඉරානයට පහර දෙන්නේ පසුගිය මාර්තු මාසයේදී, අමෙරිකා එක්සත් ජනපද ජාතික බුද්ධි අධ්‍යක්ෂිකා තුල්සි ගැබාර්ඩ් අමෙරිකානු සෙනෙට් බුද්ධි කමිටුවක් ඉදිරියේ සාක්ෂි දෙමින් ඉරානය න්‍යෂ්ටික අවියක් ගොඩනඟන්නේ නැති බවත්, ඉරාන උත්තරීතර නායක අයතුල්ලා අලි කමේනි 2003 දී ඔහු විසින් අත්හිටුවන ලද න්‍යෂ්ටික අවි වැඩසටහනට අවසර දී නොමැති බවත් අමෙරිකානු බුද්ධි ප්‍රජාව විසින් තහවුරු කරන බව අවධාරණය කළ සන්දර්භයක් තුළය.
ඉහත පෙන්වා දුන් කරුණු මගින් තහවුරු වන්නේ අමෙරිකාව අනිවාර්යෙන්ම තම යුදමය හස්තය ඉරානයට එරෙහිව භාවිතා කිරීමට දිගු කාලයක පටන් පිඹුරුපත් සකසා ඇති බවයි.
2003 වර්ෂයේදී ඉරාකයට පහරදී විනාශ කිරීමට අමෙරිකාව වට පිටාව සකසා ගත්තේ ඉරාකය සතුව මානව විරෝධී රසායනික අවි තිබෙනවාය යන කාරණය පෙරට දමා ගෙනය. එලෙසම ඉරාකයට ප්‍රහාර එල්ල කිරීමට පෙර ඉරාකය සතුව රසායනික අවි නැති බව තහවුරු කරන්නට ජාත්‍යන්තර සංවිධාන භාවිත කළ බවද ඔබ තුමාගේ සිහියට නගා ගත හැකි බව අපගේ විශ්වාසයයි.
එලෙසම ඉරානයට පහර දීමට ප්‍රථම ඉරානය සතුව න්‍යෂ්ඨික අවි තැනීමට තරම් යුරේනියම් බල ගැන්වීමක් නොකර ඇති බව දින 60 ක් තිස්සේ අමෙරිකාව ඊශ්‍රායලය සහ ඉරානය අතර පැවැති සාකච්ඡා වලින් තහවුරු කර ගත් බව අප ගොඩ නගන තර්කය වන්නේය.
ළමුන් කාන්තාවන් ඇතුළු ගාසා තීරයේ ජීවත් වන සිවිල් වැසියන්ට එරෙහිව කරන ප්‍රහාර, යුක්රේන රුසියානු යුද්ධයේදී අවි ආයුධ ඇතුළු මිලිටරි පහසුකම් යුක්රේනයට ලබා දීමට කටයුතු කිරීම, කියුබාව වැනි රටකට බරපතල සම්බාධක පැනවීම ආදී මානව විරෝධී කටයුතු වලට අමෙරිකාව දක්වන ප්‍රමුඛත්වය සම්බන්ධයෙන් එක්සත් ජාතීන්ගේ මහ ලේකම්වරයා ලෙස ඔබ තුමාට තක්සේරුවක් නැතැයි අපි විශ්වාස නොකරමු.
කරුණු පෙල ගැසී ඇති ආකාරය අනුව ඉරාන ඊශ්‍රායල් අමෙරිකා යුද්ධය තුන් වෙනි ලෝක යුද්ධය දක්වා දිගැස්සීම වහ වහා වැලැක්වීම ඔබ තුමාගේ අත්හල නොහැකි වගකීමක් වන බව අප දැඩිව අවධාරණය කරමු.
කෙසේ වුවද බොහෝ ලෝක නායකයන් මේ වන විටත් එක්සත් ජාතීන්ගේ සංවිධානයේ හැසිරීම හෑල්ලුවට ලක් කරමින් පසුගිය කාලයේදී ප්‍රකාශ නිකුත් කර තිබුණි. එම නායකයන්ගේ ප්‍රකාශ නිකුත්වන්නේ ඔබ තුමා එක්සත් ජාතීන්ගේ සංවිධානයෙහි නායකත්වය දරණ කාලය තුළ වීම හේතුවෙන් ඔබ තුමාගේ නායකත්ව පෞරෂය හෑල්ලුවට ලක්ව ඇති බවද කණගාටුවෙන් යුතුව ප්‍රකාශ කරමු.
මැදපෙරදිග කලාපයේ ඊශ්‍රායලය මූලික වී ඇති කර තිබෙන යුද ආතතිය පිටුපස අමෙරිකා එක්සත් ජනපදය සිටින බවට ලෝක ජනයා දැඩිව විශ්වාස කරන බව පෙන්වා දීමට මෙය අවස්ථාවක් කර ගනිමු. එවැනි ගැටුම් වලක්වාලීමට එක්සත් ජාතීන්ගේ සංවිධානය මැදිහත් නොවීම හේතුවෙන් එක්සත් ජාතීන්ගේ සංවිධානය යනු අමෙරිකා එක්සත් ජනපදයට අනුව හැසිරෙන ජගත් සංවිධානයක්ද යන පැනය මේ වන විට ලෝක ජනයා තුළ මතුව තිබෙන බව අපට මෙන්ම ඔබ තුමාටද පෙනී යනවා ඇතැයි අපි විශ්වාස කරමු.
එක්සත් ජාතීන්ගේ සංවිධානයේ උපත සිදු වන්නේ ලෝක ජනයාගේ පැවැත්ම තහවුරු කරනු පිණිස සමස්ත ලෝක ජනයා වෙත සාමය සහ ආරක්ෂාව සැලසීම මූලික කරගෙනය. එහෙත් අද වන විට එක්සත් ජාතීන්ගේ සංවිධානය අමෙරිකානු අධිරාජ්‍යවාදයේ බළල අතක් වී ඇත්දැයි යන සැකය සමස්ත ලෝකය පුරා පැතිරී ඇති බව ඔබ තුමාටද නිරීක්ෂණය වී ඇතැයි සිතමු.
ඒ අනුව, මෙතෙක් එක්සත් ජාතීන්ගේ සංවිධානය ඊශ්‍රායල - අමෙරිකා - ඉරාන යුද්ධය කෙරෙහි අනුගමනය කළ ඇල් මැරුණු ස්වභාවයෙන් වහාම මිදී මානව ඛේදවාචකයකින් අවසන් වීමට නියමිත මෙම ගැටුම අවසන් කිරීමට ස්ථිරසාර වැඩපිළිවෙලක් සහිතව ක්ෂනිකව මැදිහත් වන ලෙස අපි ඔබ තුමා වෙතින් බල කර ඉල්ලා සිටිමු.
ස්තුතියි,
මෙයට විශ්වාසී,
විමල් වීරවංශ (හිටපු පාර්ලිමේන්තු මන්ත්‍රී )
නායක,
ජාතික නිදහස් පෙරමුණ,
ශ්‍රී ලංකාව
සම්බන්ධිත පුවත් | Related News
ප්‍රධාන පුවත්
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි