ඊශ‍්‍රායල-ඉරාන ගැටුම නැවැත්වීමට මැදිහත්වන ලෙස ඉල්ලමින් ජාතික සංවිධාන එකමුතුවෙන්, එක්සත් ජාතීන්ගේ සංවිධානයේ මහ ලේකම්වරයාට ලිපියක්..
ඊශ‍්‍රායලය විසින් ඉරානයට පහර දීමෙන් ආරම්භ කළ යුද්ධය මානව ඛේදවාචකයක් වීමට පෙර මැදිහත් වන ලෙස ඉල්ලමින් එක්සත් ජාතින්ගේ සංවිධානයේ මහ ලේකම්වරයා වෙත ජාතික සංවිධාන එකමුතුව විසින් ලිපියක් යොමුකර තිබේ.
මෙම ලිපිය මගින් ජාතික සංවිධාන එකමුතුව පෙන්වා දී ඇත්තේ ඊශ‍්‍රායල-ඉරාන ගැටුම නැවැත්වීමට එක්සත් ජාතීන්ගේ සංවිධානයේ මහ ලේකම්වරයා සතු බලතල නිෂ්චිත ක්ෂණික වැඩපිළිවෙලක් මත ක්රියාත්මක නොකළහොත් මේ සියවසයේ දරුණුතම මානව ඛේදවාචකය වලක්වා ගැනීමට ශක්තියක් නොමැති වූ මහලේකම් වරයා ලෙස ඉතිහාසගත වෙනු ඇති බවයි.
අදාළ ලිපියේ සිංහල සහ ඉංග්‍රීසි පිටපත් පහළින්..
ගරු නේවාසික නිත්‍ය නියෝජිත,
එක්සත් ජාතින්ගේ කොළඹ කාර්යාලය,
මගින්
ගරු මහලේකම් තුමා,
එක්සත් ජාතින්ගේ සංවිධානය,
එක්සත් ජාතින්ගේ මහලේකම් කාර්යාලය,
නිව්යෝක්,
අමෙරිකා.
ගරු මහලේකම් තුමනි,
ඊශ‍්‍රායල පාර්ශවය විසින් ඉරානයට පහර දීමෙන් ආරම්භ කළ යුද්ධය මානව ඛේදවාචකයක් වීමට පෙර මැදිහත් වන ලෙස කරණු ලබන ඉල්ලීමයි
ඉරානය විසින් යුරේනියම් මූල ද්‍රව්‍ය බල ගන්වමින් න්‍යෂ්ඨික අවි තැනීමට ආසන්නව සිටිතැයි පවසමින් ඊශ‍්‍රායලය පසුගිය ජූනි 6 වෙනිදා ඉරානයට අයත් භූමියට දැවැන්ත ප‍්‍රහාරයක් එල්ල කරමින් ඉරානයේ ඉහළ පෙළේ හමුදා නිලධාරින් ඇතුළුව ඉරාන න්‍යෂ්ඨික විද්‍යාඥයන් කිහිප දෙනෙකුද මරා දමමින් අනවශ්‍ය යුද්ධයක් ආරම්භ කරනු ලැබීය. මැද පෙරදිග කලාපයේ ස්ථාවරභාවයට ප‍්‍රභල තර්ජනයක් එල්ල කරමින් ඇරඹි මේ යුද්ධය වහම නතර නොකළොත් සියවසයේ දැවැන්තම මානව ඛේදවාචකය වීම වළැක්විය නොහැකි බව අපගේ දැඩි විශ්වාසය වන්නේය.
වසර 2003 දී ඉරාකයේ එවකට ජනාධිපති සදාම් හුසේන් විසින් මානව විනාශකාරී රසායනික ආයුධ අත්පත් කර ගෙන සිටින්නේ යැයි පවසමින් ඉරාකයට ඇතුළු වූ අමෙරිකානු හමුදා ඉන් පිට වූයේ ”අපි ඉරාකය ගල් යුගයට ගෙන ගියා” යන මානව ශිෂ්ඨාචරයට කළ හැකි දැවැන්තම අවමානය කරමින් බව ඔබ තුමා වෙත සිහිපත් කරමු.
අමෙරිකාව ඉරානය සහ ඊශ‍්‍රායලය අතර ඉරාන න්‍යෂ්ඨික අවි හරනය සම්බන්ධයෙන් මාස දෙකක(දින 60ක * කාල රාමුවකට යටත්ව සිදු කළ සාකච්ඡුා අවසන් වී දිනක් ඇතුළත ඊශ‍්‍රායලය විසින් මෙම ප‍්‍රහාරය එල්ල කිරීම මගින් ඊශ‍්‍රායල මෙවැනි ප‍්‍රහාරයකට කල්තබා සූදානම්ව සිටි බව තහවුරු වන බව ඔබ තුමාටද පැහැදිලි වනු ඇති බව අපගේ විශ්වාසයයි.
පසුගිය මාර්තු මාසයේදී, අමෙරිකා එක්සත් ජනපද ජාතික බුද්ධි අධ්‍යක්ෂිකා තුල්සි ගැබාර්ඞ් අමෙරිකානු සෙනෙට් බුද්ධි කමිටුවක් ඉදිරියේ සාක්ෂි දෙමින් කියා සිටියේ ඉරානය න්‍යෂ්ටික අවියක් ගොඩනඟන්නේ නැති බවත්, ඉරාන උත්තරීතර නායක අයතුල්ලා අලි කමේනි 2003 දී ඔහු විසින් අත්හිටුවන ලද න්‍යෂ්ටික අවි වැඩසටහනට අවසර දී නොමැති බවත් අමෙරිකානු බුද්ධි ප‍්‍රජාව විසින් තහවුරු කරන බවයි.
ඊට අමතරව ඉරානය විසින් අන්තර්ජාතික අවිහරණ ගිවිසුමට අත්සන් තබා ඇති අතර ඊශ‍්‍රායලය එයට අත්සන් කිරීම ප‍්‍රතික්ෂේප කර තිබේ. එලෙසම ඉරානය ජාත්‍යන්තර පරමාණුක බලශක්ති ඒජන්සියට තම රට තුළ න්‍යෂ්ඨික අවි සම්බන්ධයෙන් පරික්ෂා කිරීමට ඉඩ දී ඇති අතර ඊශ‍්‍රායලය එය ප‍්‍රතිෂේප කර ඇත. ඒ අනුව ඉරානය සතුව න්‍යෂ්ඨික අවි නොමැති අතර ඊශ‍්‍රායලය සතුව න්‍යෂ්ඨික අවි 75ත් 400ත් අතර ප‍්‍රමානයක් ඇති බව ජාත්‍යන්තර මාධ්‍ය පවසයි. මේ අනුව ඉරාන-ඊශ‍්‍රායල ගැටුම තුළ පවතින අගතිගාමී මානව විරෝධී වුවමනාව හොඳින්ම පැහැදිළි වන බව අපි ඔබ තුමා වෙත අවධාරණය කරමු.
තත්වය මෙලෙස පවතිද්දී ඔබ තුමා ඔබ තුමාගේ සමාජ මාධ්‍ය ගිණුමෙහි මෙසේ ලියා තිබේ: ”ඉරාන න්‍යෂ්ටික මධ්‍යස්ථානවලට ඊශ‍්‍රායල බෝම්බ හෙලීම, ටෙල් අවිව්හි වෙත එල්ල කෙරෙන ඉරාන මිසයිල ප‍්‍රහාර වල ප‍්‍රමාණවත් උත්සන්න වීම නැවැත්වීමට කාලයයි. සාමය සහ රාජ්‍ය තාන්ත‍්‍රිකභාවය පැවතිය යුතුය.”
ඒ අනුව ඔබ තුමා මෙම ගැටුම දිගටම පැවතියහොත් සිදුවන මානව බෙදවාචකයේ තරම අවබෝධ කරගෙන ඇති බව අපගේ දැඩි පිළිගැනීම වන්නේය.
එහෙත් සමාජ ජාලා ගිනුමෙහි පණිවිඩ තැබීමෙන් ඔබ්බට ගොස් ඊශ‍්‍රායල-ඉරාන ගැටුම නැවැත්වීමට ඔබ තුමා සතු බලතල නිෂ්චිත ක්ෂණික වැඩපිළිවෙලක් මත ක්රියාත්මක නොකළහොත් මේ සියවසයේ දරුණුතම මානව ඛේදවාචකය වලක්වා ගැනීමට ශක්තියක් නොමැති වූ මහලේකම් වරයා ලෙස ඔබ තුමා ඉතිහාසගත වෙනු ඇති බවද කණගාටුවෙන් වුවද ප්රකාශ කරමු.
මෙයට විශ්වාසී,
ආචාර්ය ගුණදාස අමරසේකර,
කැඳවුම්කරු,
ජාතික සංවිධාන එකමුතුව
සම්බන්ධිත පුවත් | Related News
ප්‍රධාන පුවත්
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි