9 වැදැරුම් ප්‍රතිඥාවක් ලබාදී ජානිපේ නියෝජිතයෝ ගමන අරඹයි
2025 පලාත් පාලන මැතිවරණයේදී ජාතික නිදහස් පෙරමුණේ “පංචායුධය ලකුණින්” තරගවැදී තේරී පත්වූ, පළාත් පාලන නියෝජිතයන්ගේ විශේෂ හමුවක් ,ජාතික නිදහස් පෙරමුණේ නායක විමල් වීරවංශ මහතාගේ ප්‍රධානත්වයෙන් පසුගිය (27) බත්තරමුල්ල, ජාතික නිදහස් පෙරමුණේ මූලස්ථාන පරිශ්‍රයේදී පැවැත්විය.
මහා සංඝරත්නයේ සෙත් පිරිත් ආශිර්වාදයෙන් පසු තේරීපත්වූ සභිකයින් 26 දෙනා ජාතික නිදහස් පෙරමුණේ පළාත් පාලන මහජන නියෝජිතයින්ගේ ප්‍රතිඥාව සිදු කරන ලදි.
පක්ෂ නායක විමල් වීරවංශ මහතා විසින් ඔවුන්ට මහජන නියෝජිතයන් ලෙස පැවරෙන වගකීම් පිළිබඳව පැහැදිලි කල අතර ඔවුන් සියලු දෙනාට ජාතික නිදහස් පෙරමුණේ සුබ පැතුම්ද එක් කළේය.
පළාත් පාලන නියෝජිතයන් විසින් ලබාදුන් 9 වැදැරුම් ප්‍රතිඥාව පහතින්
ගෞරවනීය මහා සංඝ රත්නයෙන් අවසරයි,
ජාතික නිදහස් පෙරමුණේ නායක විමල් වීරවංශ මැතිතුමා, ජාතික නිදහස් පෙරමුණ පක්ෂයේ දේශපාලන මණ්ඩලය, මධ්‍යම කාරක සභාව නියෝජනය කරන නායකත්ව මණ්ඩලය සහ සියළුම සාමාජික සහෝදර සහෝදරියනි,
පසුගිය පළාත් පාලන මැතිවරණයෙන් තේරී පත් වූ මහජන නියෝජිතයින් ලෙස අප සියළු දෙනා පුද්ගලිකව සහ සාමූහිකව ඔබ ඉදිරිපිට මෙසේ ප‍්‍රතිඥා දෙමු.
1) අපගේ මාතෘ භූමිය වන ශ්රී ලංකාව නම් වූ පුණ්‍ය භූමියේ ජීවත්වන සිංහල, දෙමළ, මුස්ලිම් සියලූ ජනතාවගේ ඓතිහාසික අයිතිය වන ස්වෛරීභාවට සහ සභ්‍යත්ව උරුමය අහිමි කිරීම සහ ශ්රී ලංකාව දාස රාජ්‍යයක් බවට පත්කර ගැනීම සඳහා ක්රියාත්මක වන අධිරාජ්‍යවාදී බලවේග විසින් යොදා ගන්නා උපාය මාර්ගික ප‍්‍රවේශය සහ ක‍්‍රමවේද පිළිබඳව නිරන්තර අධ්‍යයනයක් සිදුකිරීම සහ ඊට අදාළව මහජනයා දැනුවත් කිරීම අපගේ මූලික සහ අවම වගකීමක් ලෙස සලකා ඒ සඳහා නිරන්තරව අවධානය යොමු කරන බවට,
2) ජාත්‍යන්තර සහ දේශීය බෙදුම්වාදී බලවේග විසින් 13 වැනි සංශෝධනය බලාත්මක කිරීම මෙන්ම, ආරක්ෂක හමුදා දුර්වල කිරීම සහ දුර්මුඛ කිරීම මගින් ඊළාම් රාජ්‍යය පිහිටුවීම සඳහා දියත් කරනු ලබන මාර්ග සිතියම පිළිබඳව නිරන්තරයෙන් ආවේශණය කිරීම සහ ඊට අදාළ සතුරාගේ ජයග‍්‍රහණ වැළැක්වීම සඳහා දිවි හිමියෙන් කැපවන බවට,
3) වත්මන් රජය විසින් ශ්රී ලංකාවේ ස්වෛරීභාවය පාවා දෙමින් අත්සන් කරනු ලබන ජාත්‍යන්තර ගිවිසුම් මගින් රටට සහ ජනතාවට සිදුවන විපත පිළිබඳව මහජනයා දැනුවත් කිරීම සහ එම ගිවිසුම් ක්රියාත්මක කිරීම වැළැක්වීම සඳහා මහජන ක‍්‍රියාන්විතයක් දියත් කිරීම සඳහා දිවි හිමියෙන් කැපවන බවට,
4) ශ්රී ලංකාවේ සමාජය බිඳවට්ටවා මහජනයා නිෂ්ක‍්‍රිය කිරීම මගින් ශ්රී ලංකාවේ රාජ්‍යය යටත් කිරීම හෙවත් දාස රාජ්‍යයක් බවට පත් කිරීම සඳහා අධිරාජ්‍යවාදී බලවේග විසින් දියත් කරනු ලබන, සමාජය දෘෂ්ටිමය වශයෙන් හෙවත් මතවාදී වශයෙන් බිඳවැටවීමේ ක‍්‍රියාවලිය, සමාජය සංස්කෘතික වශයෙන් බිඳවැට්ටවීම, ඓතිහාසික සමාජ සංස්ථා බිඳවැට්ටවීම සහ සමාජය ප‍්‍රචණ්ඩකරණය කිරීම යන උපායමාර්ගික ප‍්‍රවේශයන් පිළිබඳව මහජනයා දැනුවත් කිරීම සහ එම ක‍්‍රියාවලිය පරාජය කිරීම සඳහා වන මහා සංඝරත්නය මුල් කරගත් මහජන ක‍්‍රියාන්විතය දිරිමත් කිරීම සහ ශක්තිමත් කිරීම සඳහා දිවි හිමියෙන් කැපවන බවට,
5) 1977 දී ආරම්භකර පසුගිය ආණ්ඩු සහ විශේෂයෙන්ම වර්තමාන ආණ්ඩුව යටතේ ඉදිරියට ගමන් කරමින් තිබෙන ශ්රී ලංකාවේ ආර්ථිකය පරාධීනත්වයට පත් කිරීම හෙවත් රටේ ආහාර සුරක්ෂිතතාවය ප්රමුඛ දේශීය නිෂ්පාදන පද්ධතිය බිඳවට්ටවා ගොවියා සහ දේශීය කර්මාන්තකරුවා දුර්වල කරන අතර ජාවාරම්කාර ආනයනකරුවන් දිරිමත් කිරීම සඳහා දියත් කෙරෙන ක‍්‍රියාන්විතය තේරුම් ගැනීම, මහජනයාට තේරුම් ගැන්වීම සහ ඊට එරෙහිව මහජනයා පෙළ ගැසීම සඳහා දිවි හිමියෙන් කැපවන බවට,
6) පසුගිය ආණ්ඩු සහ වර්තමාන ආණ්ඩුව විසින් මූල්‍ය අරමුදල ඇතුළු ජාත්‍යන්තර සංවිධානවල බලපෑම්වලට යටත්වීම් මගින් පරාධීන දේශපාලන ආර්ථික ප‍්‍රතිපත්ති ක්රියාත්මක කිරීම හේතුකොට ගෙන දුකට පත් කෙරෙන සිංහල, දෙමළ, මුස්ලිම් සියලූ ජනතාව සහ විශේෂයෙන්ම වාසනාවන්ත භූමියක අනාතයින් බවට පත් කිරීම නිසා රට හැර යමින් තිබෙන තරුණ පරපුර කෙරෙහි වූ ආදරය සහ අනුකම්පාව පෙරදැරිව කොන්දේසි විරහිතව ඔවුන්ගේ යහපත වෙනුවෙන් පෙනී සිටින බවට සහ එම අසාධාරණයට එරෙහිව නැඟී සිටීම දිරිමත් කිරීම සඳහා දිවි හිමියෙන් කැපවන බවට,
7) ජාතික වගකීම් ඉටු කිරීමේ ක‍්‍රියාවලියට සමගාමීව පළාත් පාලන ආයතන මට්ටමින් මහජන සහභාගිත්වය සහිතව ආයතනවල කාර්යක්ෂමතාවය සහ ප‍්‍රතිඵලදායකත්වය ඉහළ නැංවීම, ¥ෂණ වංචා සහ නාස්තිය වැළැක්වීම, ප්රදේශයේ ජනතාවට ලබාදෙන සේවා පුළුල් කිරීම සහ ඒවායේ ගුණාත්මක තත්ත්වය ඉහළ දැමීම මෙන්ම ප්රදේශයේ ජනතාවට නව සේවා ලබාදීම සහ ප්රදේශයේ කුඩා වැව් ඇතුළු පරිසර පද්ධති පුනරුත්ථාපනය කිරීම මෙන්ම මහජනයාට ආර්ථික ඉඩ ප‍්‍රස්ථා පුළුල් කිරීම සඳහා කොන්දේසි විරහිතව කැපවන බවට,
8) ශ්රී ලංකාවේ ඉතිහාසයේ අවසානය පමණක් නොව සම්බුද්ධ ශාසනයේ අවසානය සනිටුහන් කරමින්, තරුණ පරපුර සහ රණවිරුවන් විසින් සිදුකළ මහා කැපකිරීම් පාවාදෙමින් සහ රටේ ස්වෛරීභාවය අනතුරට ලක්කරමින් ඉදිරියට ගමන් කරන වර්තමාන දේශපාලන ක‍්‍රියාන්විතය පරාජය කිරීම සඳහා ජාතියට මඟ පෙන්වීම ලබා දිය හැකි සහ ජාතිකවාදී වාමවාදී කඳවුරේ ප‍්‍රබල ඓතිහාසික භූමිකාවක් ඉටු කිරීම සඳහා ඉදිරිපත් වන ජාතික නිදහස් පෙරමුණ නම් වූ දේශපාලන පක්ෂයේ අරමුණු, උවමනාවන් සහ දේශපාලන න්‍යාය පත‍්‍රය ජයග‍්‍රහණය කරවීම සඳහා අපගේ පුද්ගලික අරමුණු සහ උවමනාවන් දෙවෙනි කොට කැපවෙන බවට,
9) පළාත් පාලන මන්ත‍්‍රීවරයකු වශයෙන් ක්රියා කිරීමේදී, සැමට ආදර්ශමත් හා අ¥ෂිතව, පොදු ජනතාවගේ සේවකයකු ලෙස උපරිම වශයෙන් ඇප කැපව ක්රියා කරන බවට,
සතුටු සිතින් සහ ධෛර්ය සම්පන්නව මෙසේ ප‍්‍රතිඥා දෙමු.
සම්බන්ධිත පුවත් | Related News
ප්‍රධාන පුවත්
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?