ඡන්දෙට කළින් 'රණවිරුවා'.. ඡන්දෙන් පසු 'වීරෝදාර සොල්දාදුවා' වූ හැටි.. (වීඩියෝ)

May 21, 2025 at 01:06 PM

|

Lanka Leader

මැතිවරණයට පෙර ජනාධිපති අනුර කුමාර දිසානායක මහතා විසින් යුද්ධයේ දී දිවිපිදූ රණවිරුවන්, ආබාධිත වූ රණවිරුවන්, අතුරුදන් වූ රණවිරුවන් ලෙසින් රණවිරුවන්ට ගෞරවය ලබාදෙමින් සිදුකළ කතාවක් මේ වන විට සමාජ මාධ්‍යයේ සංසරණය වේ.

එහෙත් ජාතික රණවිරු සැමරුමේ දී ජනාධිපතිවරයා රණවිරුවන් යැයි යෙදුම වෙනුවට සොල්දාදුවන් යැයි ඔවුන් ආමන්ත්‍රණය කරන අයුරු දැකගත හැකිවූ අතර, මේ සම්බන්ධයෙන් රූපවාහිනී වැඩසටහනක දී අමාත්‍ය විජිත හේරත් මහතා පැවසුවේ රටවෙනුවෙන් ජීවිතය පරිත්‍යාග කළ හමුදාවේ සහ පොලිසියේ නිලධාරීන්ට වීරෝධාර සොල්දාදුවා ලෙස ආමන්ත්‍රණය කරන බවයි.

මේ අතර සියලු දෙනා විරුවන් කර විකුණං කන දේශපාලන ව්‍යාපෘතිය කරන පිරිස කලබල වී ඇතැයි ජාතික ජන බලවේග පාර්ලිමේන්තු මන්ත්‍රී චන්දිම හෙට්ටිආරච්චි පවසයි.

ඔහු පවසන්නේ “මේගොල්ලන්ගේ තියෙනවා හැම කෙනාම විරුවා කරන දේශපාලනයක්. රණ විරුවා. සුව විරුවා. රට විරුවා. මේ ඒගොල්ලන්ගේ විකුණං කන ප්‍රොජෙක්ට් එක. විරුවා විකුණලා දේශපාලන කරන මේ ප්‍රොජෙක්ට් එක ඇතුළේ කලබල වෙන එක බොහොම සාධාරණයි.

එක සීටීබී රියදුරු මහත්තයෙක් බස් එකේ බ්‍රේක් නැතිව ගිහින් කන්දේ හප්පලා එයාගේ ජීවිතේ නැති වුණා. නමුත් ජනතාවගේ ජීවිත බේර ගත්තා. දැන් මොකද කියන්නේ. මොකක්ද දාන විරුවා. ඔහුත් වීරෝදා වෘත්තිකයෙක්. රියදුරු මහත්තයෙක්.” යනුවෙනි.

කෙසේ වෙතත් එහිදී  ඉල්මහ විරුවන් කියන්නේ කවුද ඒත් විකුණං කෑමක්දැයි සෙසු පාර්ශවයන් ඇසූ ප‍්‍රශ්ණයට මන්ත‍්‍රීවරයා උත්තර නොදී නෑසුනා සේ සිටිනු අයුරුද දැකගත හැකි විය.