රණවිරු සැමරුම් උළෙලට ජනපති අනුර ඇත්තටම එන්නද හිටියේ?.. ආරාධනාපත්‍රයෙන් ජනපතිගේ නම හැලුනේ කොහොමද?...

May 20, 2025 at 09:27 AM

|

Lanka Leader

ජනාධිපති අනුර කුමාර දිසානායක මහතා ජාතික රණවිරු සැමරුම් උළෙලට අවසාන මොහොතේ සහභාගිවීම පිළිබඳව සහ රණවිරු සේවා අධිකාරියේ සභාපති සෙනරත් කොහොන මහතා විසින් පවත්වන ලද ප්‍රවෘත්ති සාකච්ඡාවේ දී ජනාධිපතිවරයාගේ සහභාගීත්වයක් පිළිබඳව සඳහන් නොකිරීම පිළිබඳව මේ වන විට සමාජයේ දැඩි කතාබහක් නිර්මාණය වී තිබේ.

රණවිරු සේවා අධිකාරියේ සභාපති සෙනරත් කොහොන මහතා මුලින් ප්‍රවෘති සාකච්ඡාවක් පවත්වමින් ආරක්ෂක නියෝජ්‍ය අමාත්‍යවරයාගේ ප්‍රධානත්වයෙන් ජාතික රණවිරු සැමරුම පවත්වන බවට ප්‍රකාශ කර තිබිණි.

එම ප්‍රකාශය බොරුවක් යැයි ආණ්ඩුවට පැවසීමට නොහැක්කේ සෙනරත් කොහොන මහතා විසින්ම එම ප්‍රකාශය සිදුකර තිබීම නිසාය.

කෙසේවුවද මේ පිළිබඳව අදහස් දක්වමින්  විදේශ කටයුතු අමාත්‍ය විජිත හේරත් මහතා රූපවාහිනී සාකච්ඡාවක දී පවසන්නේ එය සන්නිවේදනයේ සිදුවූ අඩුපාඩුවක් බවය.

එහිදී විජිත හේරත් මහතා පවසන්නේ මෙම සන්නිවේදන අඩුපාඩුව නිවැරදි කිරීම කළින් කිරීමට නොහැකි වූයේ එම ප්‍රකාශය තමන් දැනගත්තේ ද පසුව නිසා බවයි.

අමාත්‍යවරයා එසේ ප්‍රකාශ කළද රණවිරු සැමරුම සිදුවන්නේ ආරක්ෂක නියෝජ්‍ය අමාත්‍යවරයාගේ ප්‍රධානත්වයෙන් බවට  නිකුත් කළ ආරාධනා පත්‍රයද මේ වන විට සමාජ මාධ්‍ය තුළ සංසරණය වෙමින් තිබේ.

එම ආරාධනා පත්‍රයේ කොතනකවත් ජනාධිපතිවරයා ඊට සහභාගීවන බවක් දක්වා නොමැත.

බොරුවක් තවත් බොරුවකින් වසාගැනීමට යාමේ දී අනපේක්ෂිත සිදුවීම් රැසක් සිදුවන බවට සනාථ කෙරෙන තවත් එක සිදුවීමක් මෙසේ දිගහැරෙද්දී රටේ ජනතාව ආණ්ඩුවේ වගකීම් විරහිත ප්‍රකාශ සම්බන්ධයෙන් දැඩි අප්‍රසාදය පළකරමින් කරති.

වීඩියෝව පහළින්..