ජාත්‍යන්තර නිවුන් පර්යේෂණ සමුළුවක් ශ්‍රී ලංකාවේ දී..
2025 අගෝස්තු 10, 11 හා 12 යන දිනවල කොළඹ Cinnamon Grand Hotel හි දී පැවැත්වීමට නියමිත ජාත්‍යන්තර නිවුන් පර්යේෂණ සමුළුව පිළිබඳ මාධ්‍ය හමුවක් ඊයේ (19) දින බත්තරමුල්ල, පර්යේෂණ සහ සංවර්ධන ආයතන පරිශ්‍රයේ දී පැවැත්විණි.
විශේෂයෙන් ම මෙවැනි අන්තර්ජාතික විද්‍යාත්මක සමුළුවක් මෙරට පැවැත්වීම මගින්, ශ්‍රී ලාංකේය විද්‍යාත්මක ක්ෂේත්‍රයේ හැකියාවන් පිළිබඳ විශ්වාසයක් ඇති කරන අයුරු සේම අන්තර්ජාතික සම්බන්ධතා ගොඩ නංවා ගැනීමට මෙය සුවිශේෂ අවස්තාවක් බව මෙහි දී ප්‍රකාශ විණි. එමෙන් ම, මෙය ශ්‍රී ලංකාව විද්‍යාත්මක සමුළු සඳහා ජාත්‍යන්තර මට්ටමේ ආකර්ෂණීය ස්ථානයක් බවට පත්කරන සන්ධිස්ථානයක් බවත්, සංචාරක කර්මාන්තය ද ශක්තිමත් කරමින්, දේශීය ආර්ථිකයට සහයෝගය ලබා දීමේ හැකියාව මෙහි ඇති බවත් ප්‍රකාශ විනි.
‘නිවුන් පර්යේෂණ’ යනු මිනිස් ජීවිතයේ ජානමය සහ පාරිසරික බලපෑම් හඳුනා ගැනීමේ වටිනා මෙවලමක් වන අතර, එමගින් රෝගාබාධ, හැසිරීම් රටා, සහ සෞඛ්‍ය ගැටලු පිළිබඳ අවබෝධය වර්ධනය කළ හැකි බව ද ‘සම නිවුන්’ හා ‘අසම නිවුන්’ යුගල පදනම් කර ගත් මෙම පර්යේෂණ මගින් වෛද්‍ය විද්‍යා, ජාන විද්‍යා, මනෝවිද්‍යා සහ සමාජීය විද්‍යා ක්ෂේත්‍රවලට වටිනා දායකත්වයක් සැලසෙයි.
ලොව පුරා විවිධ රටවල, එනම් ඔස්ටේ්‍රලියාව, බෙල්ජියම, බ්‍රසීලය, කැනඩාව, චීනය, ඩෙන්මාර්කය, එංගලන්තය, ෆින්ලන්තය, ජර්මනිය, ගිනියාව, හංගේරියාව, ඊශ්‍රායලය, ඉතාලිය, ඉරානය, ජපානය, දකුණු කොරියාව, නෙදර්ලන්තය, මෙක්සිකෝව, නයිජීරියාව, නෝර්වේ, පෘතුගාලය, සයිබීරියාව, ස්පාඤ්ඤය, ස්වීඩනය, අමෙරිකාව ඇතුළු රටවල් 66කට වඩා නිවුන් ලේඛනාගාර :ඔඅසබ ඍැටසිඑරසැි* පිහිටුවා ඇත. මේ නිවුන් ලේඛනාගාරවලින් බොහොමයක් විශ්වවිද්‍යාලවලට හෝ පර්යේෂණ ආයතනවලට අනුබද්ධ ව පිහිටුවා ඇත. මේ සියලු රටවලින් නිවුන් පර්යේෂකයන්, විද්‍යාඥයින්, වෛද්‍යවරුන් සහ සම්බන්ධ වෘත්තිකයින් ශ්‍රී ලංකාවට පැමිණෙයි. මෙය ජාත්‍යන්තර පර්යේෂණ සහයෝගිතාව, නව තාක්ෂණික දැනුම, ප්‍රතිකාර ක්‍රම සහ සෞඛ්‍ය ප්‍රවණතා සම්බන්ධයෙන් දේශීය විද්‍යාඥයින්ට ඉගෙනුම් අවස්ථාවන් උදාකර දෙයි. ශ්‍රී ලංකා නාරි වෛද්‍ය වෘත්තියන්ගේ සංගමය, ශ්‍රී ලංකා ළමා රෝග වෛද්‍ය වෘත්තිකයන්ගේ සංගමය, ආසියානු-ඔසිනියා නාරි වෛද්‍ය වෘත්තිකයන්ගේ සංගමය, ආදී සංවිධානවල සහාය ද මීට ලැබී ඇත.
මෙම සමුළුව සංවිධානය කරනුයේ ‘ශ්‍රී ලංකා නිවුන් ලේඛනාගාරය’ සහ ‘සෞඛ්‍ය සහ සමාජ සත්කාර පිළිබඳ පර්යේෂණ සහ සංවර්ධන ආයතනය’ විසින් ය. වසර 25කට වැඩි කාලයක් පුරා ශ්‍රී ලංකාවේ පර්යේෂණ සංස්කෘතිය පෝෂණය කරමින්, මෙම ආයතන මෙරට විද්‍යාත්මක හැකියාවන් වර්ධනයට ඉතා වැදගත් ලෙස කටයුතු කර ඇත.
සමුළුවට සමගාමී ව පැවැත්වෙන ”නිවුන් දරුවන්ගේ දක්ෂතා එළි දැක්වීමේ සංස්කෘතික ප්‍රසංගය” 2025 ජුනි 16 දින බත්තරමුල්ල, අපේගම පරිශ්‍රයේ දී පැවැත්වෙන අතර, මින් දක්ෂතා දක්වන නිවුන් දරු දැරියන්ට ත්‍යාග ලබා දීමක් සේ ම, තම නිර්මාණ අගෝස්තු මස පැවැත්වෙන අන්තර්ජාතික සමුළුවේ ජාත්‍යන්තර ප්‍රේක්ෂකයන් ඉදිරියේ දී ඉදිරිපත් කිරීමට ද අවස්ථාව හිමි වන බවත් මෙහි දී ප්‍රකාශ විණි.
පර්යේෂණ සහ සංවර්ධන ආයතනයේ අධ්‍යක්ෂ සහ ජාත්‍යන්තර නිවුන් අධ්‍යයන සංගමයේ මහ ලේකම් මහාචාර්ය අතුල සුමතිපාල මහතා ද චමාලි ජයසිංහ හා ජනනි ඕපාත යන මහත්මීන් ද වෛද්‍ය රිසිත වාකිශ්ඨ මහතා ද මෙහි දී අදහස් දැක්වීය. සෞඛ්‍ය අමාත්‍යාංශයේ, ස්ථිර අතිරේක ලේකම් (සෞඛ්‍ය සේවා) විශේෂඥ වෛද්‍ය සුනිල ද අල්විස් මහතා ද ඉනෝකා විජේසිංහ මහත්මිය ද නිවුන් දරුවන් සිටින දෙමව්පියන් ලෙස ප්‍රායෝගික ව තමන් මුහුණ දෙන අත්දැකීම් පිළිබඳ ව මෙහි දී අදහස් දක්වා සිටියේ ය.
- IRD මාධ්‍ය අංශය
සම්බන්ධිත පුවත් | Related News
ප්‍රධාන පුවත්
ගලගොඩඅත්තේ ඥානසාර හිමියන්ගේ චීවරය ඉවත් කිරීමට එරෙහිව අභියාචනාධිකරණයේ නඩු දමයි..
චීන–ලාඕස දුම්රිය මාර්ගයේ වෙළෙඳ වටිනාකම යුවාන් බිලියන 100 ඉක්මවයි.. ලාඕසය කලාපීය ප්‍රවාහන කේන්ද්‍රස්ථානයක් බවට..
ට්‍රම්ප්ගේ ආදර්ශය අනුව රුසියාව සමඟ ඩීසල් ගනුදෙනුවකට එළඹෙනු- ජර්මානු විපක්ෂය පවසයි
රුසියාව සහ යුක්‍රේනය බලශක්ති ප්‍රහාර අත්හිටුවීමට එකඟ වී තිබෙනවා – ට්‍රම්ප්
නේපාලයට යළිත් මහා ගංවතුරක් – නිවාස හා පාලම් ගසාගෙන යයි (වීඩියෝ)
හිටපු ජනපති මහින්ද රාජපක්ෂ රෝහල්ගත කෙරේ..
ඔන්ටාරියෝ ව්‍යවස්ථාදායකය 'දෙමළ ජන සංහාරයක්' නිල වශයෙන් පිළිගෙන නැහැ.. කොටි හිතවාදීන් ගොතන ලද ජන සංහාරක ප්‍රබන්ධය බිඳ වැටිලා.. - ආචාර්ය නෙවිල් හේවගේ
ඥානසාර හිමි උදෙසා කොළඹ බලා එන පාගමනේ තෙවන දිනය අද..
"ජේවීපී එකෙන් මගෙ සිවුර ගලවනවා.. සිරගත වුනත් කවදාවත් මෙහෙම දෙයක් වෙලා නෑ මහත්තයෝ.." - අත්අඩංගුවට ගැනීමට පෙර ඥානසාර හිමි පැවසූ කතාව නීතිඥ සංජීව වීරවික්‍රම හෙළිකරයි..
අනුරාධපුර පූජා නගරය ගොඩනැගීමට ඉන්දියාවෙන් විශාල ආධාරයක් ලැබෙනවා.. - ජනපති ඉබ්බාගමුවේදී පවසයි
මමත් මාලිමාවට රැවටුනා.. ඥානසාර හාමුදුරුවෝ හිරේ ඉන්නකොට ගැටුමක් ඇතිකරලා කරන්න හදපු දේත් අපිට ආරංචි වුනා.. - මහාචාර්ය පූජ්‍ය පාතේගම ඤානිස්සර හිමිගෙන් ප්‍රබල අනාවරණයක්..
රුසියාවෙන් ඇමරිකාවට ඩීසල්.. ට්‍රම්ප් සහ පුටින් අතර ඓතිහාසික ගිවිසුමක්.. - යුක්රේනයට අලුත් ජනපති කෙනෙක් පත් කරගන්නැයි ට්‍රම්ප් කියයි
2022න් පස්සෙ ළමා රෝහලට ඩොනේෂන් ගත්තේ නැතිනම් ලැබිච්ච දේවල් වලට මොකද වුනේ?.. 2026 ඔක්තෝබර් වෙනකල් තොරතුරු වෙබ් අඩවියේ තිබුනා.. ඒත් දැන් නෑ.. - වෛද්‍ය චමල් සංජීවගෙන් බරපතළ හෙළිදරව්වක්..
ඥානසාර හිමිට දුන් ජනපති සමාව ගැන රනිල් හෙළි කරයි..
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි