ලංකාව ඉන්දියානු බලහත්කාරයේ ගොදුරක් බවට පත්කරමින් ඉන්දියාව විසින්ම සකසා අනුරට අත්සන් කිරීමට පමණක් ලබාදුන් ගිවිසුම් 7න් සිදුවෙන විනාශය මෙන්න.. (වීඩියෝ)

Apr 27, 2025 at 08:38 AM

|

Lanka Leader

ඉන්දියාවට එල්ලවූ ත්‍රස්ත ප්‍රහාරය පිළිබඳව මෙරට ජනාධිපති අනුර කුමාර දිසානායක  විසින් ඉන්දීය අගමැති නරේන්ද්‍ර මොදිට දුරකථන ඇමතුමක් ලබාදී 'අප සිටින්නේ ඉන්දියානු ජනතාව සමග' යැයි පැවසීම හරහා ඉන්දියාව සහ පාකිස්ථානය අතර ඇතිවී තිබෙන යුද උණුසුම තුළ පාකිස්ථානය අමතක කර ඉන්දියාවේ පාර්ශ්වය පමණක් ගැනීම යහපත් දෙයක් නොවන බවත්, ඉන්දියාවට වඩා අප රටට වැඩි වශයෙන් උදව්කර ඇත්තේ පාකිස්ථානය බවත් ප්‍රවීණ දේශපාලන විචාරක, මාධ්‍යවේදී ධර්මශ්‍රී කාරියවසම් මහතා පවසයි.

උතුරේ යුද්ධය පැවති සමයේදී මෙරටට බොහෝ සෙයින් ආධාර කළ රට වන්නේ පාකිස්ථානය බවද, අනුර දිසානායක ජනාධිපතිවරයා ඉන්දියාවට ශෝකය පළකිරීමෙන් එහා ගොස් පැවසූ මෙම ප්‍රකාශය පෞද්ගලිකව ඉන්දීය අගමැතිවරයාට පැවසූ දෙයක් වූවානම් එතරම් ගැටලුවක් ඇති නොවන බවද, මෙම ප්‍රකාශය ප්‍රසිද්ධ වීමත් සමග පාකිස්ථානයේ සිත රිදීමක් අනිවාර්යෙන්ම ඇතිවන බවද ඒ මහතා පවසයි.

මේ වන විට ඉන්දියාව සහ ලංකාව අතර ගිවිසුම් 7ක් අත්සන් කර ඇති බවත් හෙළිකරන කාරියවසම් මහතා, මෙරට කිසිඳු රාජ්‍ය නායකයකු මීට පෙර මෙබඳු ගිවිසුම් අත්සන් කර නැති බවත් සඳහන් කරයි.

මෙම ගිවිසුම්වල ඇති විශේෂත්වය වන්නේ මෙම ගිවිසුම් ඉන්දියාව විසින් සකස්කර අපට අත්සන් කිරීමට ලබාදුන් ගිවිසුම් වීම බවද පවසන ඒ මහතා, නලින්ද ජයතිස්ස කැබිනට් ප්‍රකාශකවරයා විසින් ඉකුත් දා, මෙම ගිවිසුම් ඉන්දියාවේ එකඟතාව නොමැතිව හෙළිකර නොහැකි බවට කළ ප්‍රකාශයෙන්ම සනාථ වන්නේ ඉන්දියානු බලහත්කාරයට මෙරට නතුවීම  බව  යැයිද සඳහන් කරයි.

සවිස්තරාත්ම වීඩියෝව නරඹන්න...