බටහිර ජාතිකයන් රුසියාව තේරුම් ගන්නේ නැහැ - පුටින්

Mar 27, 2025 at 09:32 AM

|

Lanka Leader

බටහිර රටවල වෙසෙන සමහර පුද්ගලයන්ට රුසියාවේ හැසිරීම අවබෝධ කර ගත නොහැකි නමුත් ඒ කාරණය රුසියාවේ සංවර්ධනයට බාධාවක් නොවන බව ජනාධිපති ව්ලැඩිමීර් පුටින් පවසයි.

රුසියානු ජනාධිපතිවරයා ඊයේ(26) එම ප්‍රකාශය කරනු ලැබුවේ  දරුවන් සහ තරුණයින් සඳහා වූ රුසියානු සංවිධානයක් වනMovement of the First හි අධීක්ෂණ මණ්ඩලයේ රැස්වීමකදීය.

"ඊනියා බටහිර රටවල රුසියාව තේරුම් නොගන්නා අය සිටිනවා. නමුත් මෙය අපගේ ජීවිත වලට සහ සංවර්ධනය අත් පත් කර ගැනීමට් බාධාවක් වනේ නැහැ. ඒ අනුව අපව තේරුම් ගන්නා සහ සාමයෙන් හා මිත්‍රත්වයෙන් අප සමඟ ජීවත් වීමට කැමති පුද්ගලයින් සංඛ්‍යාව වැඩි කිරීමට කටයුතු කිරීමට අපව පොළඹවා ගත යුතුයි." පුටින් පැවසීය.

විශේෂයෙන් තරුණයින් සමඟ උරෙනුර  ගැටී වැඩ කිරීමෙන් එවැනි ඉලක්කයක් සපුරා ගත හැකි බව ජනාධිපතිවරයා අවධාරණය කළේය. "අපි තරුණයින් සමඟ, දරුවන් සමඟ, යෞවනයන් සමඟ, රටේ අනාගතයේ අත්තිවාරම නිර්මාණය කරන මෙන්ම රුසියාව අගය කරන අය සමඟ ක්‍රියාශීලීව සහ ඵලදායී ලෙස වැඩ කරන්නේ නම්, මෙම ක්ෂේත්‍රයේ සාර්ථකත්වය අප වෙනුවෙන් බලා සිටිනවා." ඔහු පැවසීය.

පුටින්ගේ සෘජු සහාය ඇතිව 2022 දී ආරම්භ කරන ලද Movement of the First සංවිධානය මේ වන විට ප්‍රධාන ජාතික සංවිධානයක් දක්වා වර්ධනය වී තිබේ. ජනාධිපතිවරයාට අනුව, සංවිධානය දැන් සාමාජිකයින් මිලියන 11 කට වඩා සාමාජිකයන් සිටින සංවිධානයකි.

කණ්ඩායමේ ප්‍රධාන ඉලක්කය වන්නේ රටේ තරුණයින්ට ඔවුන්ගේ ජීවිත සාර්ථක කර ගැනීමට උපකාර කිරීම බව පුටින් පැවසීය. පුද්ගලයෙකුට ජීවිතයේ "ප්‍රශස්ත" මාර්ගයක් සොයා ගැනීමට උපකාර කිරීම සාර්ථකත්වයේ යතුර බව ඔහු අවධාරණය කළේය.

"සෑම පුද්ගලයෙකුටම පාහේ සාර්ථකත්වය අවශ්‍යයි. පුද්ගලයෙකු සාමාන්‍යයෙන් කිසිවක් අවශ්‍ය නොවන බවත් සියල්ල හොඳින් ඇති බවත් විශ්වාස කළත් ඔවුන්ගේ ආත්මය තුළ සාර්ථකත්වය සඳහා වෙහෙසෙනවා. මෙම සාර්ථකත්වය සාක්ෂාත් කර ගැනීම සඳහා, ඔබේ ජීවිතයේ  මාර්ගය ඔබම සොයා ගත යුතු අතර ඔබේ ජීවිතය කැප කිරීමට සූදානම් ක්ෂේත්‍රය ඔබම සොයා ගත යුතුයි. මෙය Movement of the First නිර්මාණය කිරීමට එක් හේතුවක්." ජනාධිපතිවරයා පැහැදිලි කළේය.

Westerners don’t understand Russia – Putin