සම්බාධකවලට එරෙහිව දැඩි ස්ථාවරයක් ගන්න ... කරන්නාගොඩ රජයෙන් ඉල්ලයි

Mar 27, 2025 at 06:28 AM

|

Lanka Leader

හිටපු හමුදා නායකයින් තිදෙනෙකු ඇතුළු ශ්‍රී ලංකා නිලධාරීන්ට එක්සත් රාජධානිය පනවා ඇති සම්බාධකවලට ප්‍රතිචාර දක්වමින්, හිටපු නාවික හමුදාපති, අද්මිරාල් වසන්ත කරන්නාගොඩ,  බ්‍රිතාන්‍ය යටත් විජිත ම්ලේච්ඡ ක්‍රියා සම්බන්ධයෙන් කිසිවක් ප්‍රකාශ නොකර තිබියදීත්, එක්සත් රාජධානිය මානව හිමිකම් සම්බාධක මගින් ශ්‍රී ලංකාවට එල්ල කරන  ප්‍රකාශ කුහක කම නිසා සිදුකරන ක්‍රියාවන් බවට චෝදනා කළේය..

ඩේලි මිරර් පුවත්පතට  අදහස් දැක්වා ඇති කරන්නාගොඩ මහතා මෙසේද පවසා ඇත. , බ්‍රිතාන්‍යය සිය අතීත ක්‍රියා සම්බන්ධයෙන් කිසිවිටෙක සමාව නොගත් බවත් ගාසා, සිරියාව, ඇෆ්ගනිස්ථානය සහ ලිබියාව වැනි ගෝලීය ගැටුම් සම්බන්ධයෙන් නිහඬව සිටින්නේ මන්දැයි ප්‍රශ්න කළේය.

එක්සත් රාජධානිය, එක්සත් ජනපදය, කැනඩාව, ඕස්ට්‍රේලියාව සහ යුරෝපය වැනි බටහිර රටවල එල්ටීටීඊ හිතවාදීන් සක්‍රීයව ක්‍රියා කරමින් ශ්‍රී ලංකාව තුළ වෙනම රාජ්‍යයක් නිර්මාණය කිරීමේ අරමුණින් කටයුතු කරන බවටද අද්මිරාල් කරන්නාගොඩ චෝදනා කළේය. එල්.ටී.ටී.ඊ සංවිධානය පරාජය කිරීමට ප්‍රධාන කාර්යභාරයක් ඉටු කළ ශ්‍රී ලංකා හමුදා නායකයින්ට සම්බාධක පැනවීම සඳහා මෙම රටවල දේශපාලනඥයන්ට බලපෑම් කිරීමට මුදල් එකතු කරන බව ඔහු කියා සිටියේය.

බාහිර බලපෑම් හේතුවෙන් තවදුරටත් සම්බාධක පැනවීමට ඉඩ ඇති බැවින් මෙය ආරම්භය පමණක් විය හැකි බවට ඔහු අනතුරු ඇඟවීය. "හිටපු මානව හිමිකම් නීතිවේදියෙකු වන බ්‍රිතාන්‍ය අගමැතිතුමා මේ ප්‍රශ්නය පාවිච්චි කරන්නේ බහුතර ඡන්ද ලබාගන්න. මේක හරිම අසාධාරණයි, යැයි  ඔහු වැඩිදුරටත් පවසා ඇත. 

මේ අතර, අද්මිරාල් කරන්නාගොඩ ශ්‍රී ලංකා රජයෙන් ඉල්ලා සිටියේ සම්බාධකවලට එරෙහිව දැඩි ස්ථාවරයක් ගන්නා ලෙසත් ත්‍රස්තවාදයට එරෙහි යුද්ධය අවසන් කිරීමට උදව් කළ එහි හමුදා නායකයින් සමඟ සිටින ලෙසත් ය.