දේශපාලන සමීපත්වයක් පවත්වාගත් දෙපිරිසක් හදිසියේ ”බටලන්ද කොමිසමක්” කරළියට ගෙනෙමින් විරසක වීම පිළිගත හැක්කේ කාහටද? - විමල්ගෙන් ෆේස්බුක් සටහනක්
මේ දිනවල වඩාත් කතාබහට ලක්ව තිබෙන බටලන්ද කොමිෂන් සභා වාර්තාව සම්බන්ධයෙන් විමල් වීරවංශ මහතා තම ෆෙස්බුක් ගිණුමේ සටහනක් තබමින් පවසන්නේ දේශපාලන සමීපත්වයක් පවත්වාගත් දෙපිරිසක් හදිසියේ ”බටලන්ද කොමිසමක්” කරළියට ගෙනෙමින් විරසක වීම පිළිගත හැක්කේ කාහටද? යන්නයි. ඒ සම්බන්ධයෙන් දීර්ඝව කරුණු පැහැදිලි කර ඇති එම ෆේස්බුක් සටහන පහතින්
අල් ජසීරා මාධ්යවේදියෙකුගේ ප්රශ්ණ කිරීම මත කරළියට ආ ”බටලන්ද කොමිසම” පාර්ලිමේන්තුවට ද ඉදිරිපත් කෙරිනි.එය ඉදිරිපත් කෙරුණු අවස්ථාවේ ගරු කථානායක තුමා හැඟීම්බර වී හඬා වැටුනි.
බටලන්ද වධකාගාරය ගැනත් එහි කෲරත්වයට පත් කළ ශ්රී ලාංකික ජීවිත ගැනත් වඩාත්ම කම්පනයට පත් වූ බව පෙන්වූවේ හිටපු ජනාධිපති චන්ද්රිකා බණ්ඩාරනායක කුමාරතුංග මහත්මියයි. නමුත් ඇයගේ වසර දහයකට වැඩි පාලන කාලය තුළ කිසිදු චූදිතයෙකුට එරෙහිව දඬුවම් නොලැබුනි. නමුත් බටලන්ද වධකාගාරය ඇති කළ මාධ්ය ආන්දෝලනය හා කම්පනය මත චන්ද්රිකාට ඡුන්ද කිහිපයක් දිනාගැනීමට නම් හැකි විය. බටලන්ද කොමිසම් වාර්තාව ගැන දැන් ඇතිවී ඇති තත්වය ගැන අපගේ මතය වන්නේ ද මෙය නැවත ගමන් කරන්නේ ඒ දිශාවට බවයි.
වසර හතලිකට ආසන්න කාලයක් ගතවී ඇති පසුබිමක් තුළ බොහෝ සාක්ෂිකරුවන්/වගකිවයුත්තන් මිය ගොස් ඇත. නැතිනම් ජීවිතවල සැඳෑ සමය ගත කරයි. ඒ කෙසේ හෝ වේවා මෙම කොමිසම් වාර්තාව යම් යම් නිර්දේශ ඉදිරිපත් කර ඇති නමුත් මෙය නෛතික බැඳීම් ඇති කරන ලියැවිල්ලක් නොවේ.මෙහි ඇති කරුණු ක්රියාත්මක කිරීමට ව්යවස්ථාදායක,විධායක හා අධිකරණ ක්රියා මාර්ග අවශ්ය වේ.එයට තව තවත් කල් ගත වනු ඇත.
වත්මන් ජාතික ජන බලවේග ආණ්ඩුවේ නායකත්වය මෑත ඉතිහාසයේ ”බටලන්ද සිදුවීම්” ගැන චෝදනා එල්ලවෙන එක්සත් ජාතික පක්ෂ නායකයා සමඟ දේශපාලනිකව ඉතා සමීපව කටයුතු කරනු අප සියළු දෙනා දැක ඇත. යහපාලන ආණ්ඩුව සමයේ (2015-19) රනිල් වික්රමසිංහ මහතා අග්රාමාත්ය තනතුර දරද්දී එතුමාගේ නිල මන්දිරයේදී තමන්ට අගමැති රනිල් මහතාට වඩා හමු වූයේ වත්මන් ජනාධිපති අනුර දිසානායක මහතා බව එක්තරා හිටපු නීතිපතිවරයෙක් ප්රකාශ කර තිබේ. එවන් දේශපාලන සමීපත්වයක් පවත්වාගත් දෙපිරිසක් අද හදිසියේ ”බටලන්ද කොමිසමක්” කරළියට ගෙනෙමින් විරසක වීම පිළිගත හැක්කේ කාහටද?
ඒ නිසා ශ්රී ලංකා ඉතිහාසයේ ඉතා අඳුරු අභ්යන්තර කැරළි සමයක බටලන්ද නම් වධකාගාරයක් පවත්වාගෙන යමින් කවුරුන් හෝ කෲර හා අමානුෂික වධහිංසා කොට දේශපාලන සිරකරුවන් ඝාතනය කළේ නම් ඒ සඳහා යුක්තිය ඉටුවීම අපිට මෙම පරිපාලනයෙන් බළාපොරොත්තු විය හැකි ද ? අපගේ විශ්වාසය වන්නේ ”කිසිසේත්ම නැත” යන්නයි.
සැබෑ බටලන්ද අපරාධකරුවන්ට මනුෂ්යත්වයට එරෙහි අපරාධ වෙනුවෙන් තාරාතිරම නොබලා කටයුතු කළ යුතුව තිබූ කාලවකවානු රාශියක් පසු කරවිත් නැවත මාධ්ය සංදර්ශණ සඳහා පමනක් ”බටලන්ද කොමිසම” පෙරට ගැනීමෙන් වින්දිතයන්ට හෝ ඉතිහාසයට වන සාධාරණයක් නැත.ඒ අහිමි වූ ශ්රී ලාංකික ජීවිත වෙනුවෙන් අපි ජාතික නිදහස් පෙරමුණ වෙනුවෙන් අපගේ සාතිශය කනගාටුව මේ මොහොතේ ප්රකාශකර සිටින්නෙමු.
සම්බන්ධිත පුවත් | Related News
ප්රධාන පුවත්
ජනපතිට යැවූ ලිපියට පිළිතුරු නොලැබීම ගැන මල්වතු මහනාහිමි කනස්සල්ල පළ කරයි..
අධිකරණ ඇමති දන්නෙ නෑ කිව්ව මහ නායක හිමිකරුන් ජනාධිපතිට යැවූ ලිපිය මෙන්න..
කිසිඳු රජයක් බන්ධනාගාර ගතකළ අයගේ මානුෂීය ගෞරවය ආරක්ෂාවෙන පරිදි පරීක්ෂණ කටයුතුවලට මුහුණදීමේ තත්ත්වයක් ස්ථාපිත කර නෑ.. මේ රජයත් එහෙමයි.. - නීතිඥ මධුමාලි අල්විස්
ඉරානය ආසන්නයේ රාජකාරියේ නිරතව සිටි වෙහෙසට පත් වූ ඇමරිකානු ගුවන් යානා ප්රවාහන නෞකා නාවිකයන් මුහුදට පැනීමට උත්සාහ කරලා – Military Times
ධනපතියන්ට බිලියන ගණනින් බදු සහන දෙද්දී ජනතාවට බදු බර.. - ළමා මන්දපෝෂණයත් ඉහළට..
රනිල් අරගලයේ පිටපත තුළ ස්ථානගත වූ ආකාරය ගැන ජයන්ත සමරවීරගෙන් අනාවරණයක්..
22 වැනි ආණ්ඩුක්රම ව්යවස්ථා සංශෝධනයේ අවසාන වින්දිතයා ජනාධිපතිවරයායි.. - නීතිඥ කණිෂ්ක විතාරණ
විශ්රාමික හමුදා නිලධාරීන් බන්ධනාගාරයට බඳවා ගැනීම ආණ්ඩුවේ මර්දන අවිය ශක්තිමත් කිරීමේ අරමුණක්.. – ජයන්ත සමරවීර
චීන ශ්රී ලංකා සාම්ප්රදායික මිත්රත්වය ඉදිරියට ගෙන යමින්, දීප්තිමත් අනාගතයක් උදා කරමු!-අභිනවයෙන් පත්වූ ශ්රී ලංකාවේ චීන තානාපති ගරු වෙයි හුවාෂියං
දේශපාලන විරුද්ධවාදීන් මර්දනයට රජය නීතියේ ආධිපත්යය අවභාවිත කිරීම හෙළා දකිනවා.. - දිනන දකුණ
චීනයෙන් ඇමරිකානු සහ මෙක්සිකානු පිකාන් ආනයන සඳහා සියයට 54.3ක් දක්වා ප්රපාතන(Dumping) විරෝධී බදු පැනවේ: MOFCOM
විනිසුරු සේවා දීර්ඝය එකම ගැටලුව කර ගැනීම හාස්යට කරුණක්.. - පූජ්ය බෙංගමුවේ නාලක හිමි
රුසියාවේ තෙල් පිරිපහදුවකට ඩ්රෝන ප්රහාරයක්..
NLDB ගොවිපළවල් පෞද්ගලික අංශයට බදු දීමේ තීරණය හකුළා ගන්න.. - කෘෂි අරගල ව්යාපාරයෙන් ඇමති ලාල් කාන්තට විවෘත ආයාචනයක්..
"ඉරාන යුද්ධය අනිවාර්යයෙන්ම අවසන් විය යුතුයි... ඇමරිකාව සතු THAAD මිසයිලවලින් 80% ක් සහ පැට්රියට් (Patriots) මිසයිලවලින් 65% ක්ම භාවිත කර අවසන්".. - මහාචාර්ය ජෝන් මියර්ෂයිමර්
බෞද්ධ විහාර දේවාලගම් ඒකීය රාජ්ය රකින පවුරයි... ඇමති හදන්නේ පන්සලට විරුද්ධව ජනතාව නඩු මගට දාලා පවුර බිඳින්න...! - මතුගම සෙනෙවිගෙන් හිනිදුම සුනිල් සෙනෙවිට පණිවිඩයක්