ට්‍රම්ප් ෆේල්?

Mar 8, 2025 at 10:14 AM

|

Lanka Leader

පසුගිය සිකුරාදා ධවල මන්දිරයේදී සෙලෙන්ස්කි සහ ට්‍රම්ප්  අතර සිදුවූ ගැටළුව පිළිබඳව ගෝලීය ශ්‍රී ලාංකික සංසදයේ යසස් ධර්මදාස මහතා ලංකා ලීඩ් නිවුස් වෙබ් අඩවිටට ප්‍රකාෂකරේ ඇමරිකන් ජනාධිපතිතුමාට එම සාකච්ඡාවේ අරමුණ වූ ගිවිසුම්ගතවීමට අපොහොසත්වූ බවයි.

බටහිර මාධ්‍ය කුමක් පැවසුවත් මටනම් හිතෙන්නේ ට්‍රම්ප් මෙවර පැරදුන බවයි. එනම් ට්‍රම්ප් සහ ඔහුගේ නියෝජ්‍ය ජනපති පොට වරද්දා ගත්තා. ඉන් සිදු උනේ ඩොලර් බිලියන 65 ක් දී බිලියන 345 ක් දුන්නා කියා බිලියන 500 ක් ලබා ගැනීමට දරපු උත්සාහය මෙවර වැරදීමයි. ඇමරිකාව ඔවුන්ගේ අරමුණ වෙනුවෙන් වෙනත් දෑ කරාවි. එහෙත්, ඒවා මෙම ගිවිසුම් ගතවීම තරම් සුජාත නොවන්න ඉඩ තියෙනව. සෙලෙන්ස්කිට පුද්ගලිකව තව ලැබිය යුතුයි කියා හිතෙන කිසිවක් ඇතැයි කියා සිතිය නොහැකියි. බටහිර අතකොලුවක් උන සෙලෙන්ස්කි, රොඩේශියාව පවුම් 5000  සහ  පවුම්1000  හමුදාවකට සිසිල් ජෝන් රොඩ්ස්ට පාවාදුන් ලෝ බෙන්ගුලා වර්ගයේ එකෙක් නොවී, ධවල මන්දිරයෙන් පැන යෑම ඔහුට වඩා යහපත් තත්ත්වයක් නිර්මාණය කරදුන් තීරණයක්. එයින් සෙලෙන්ස්කිගේ ප්‍රතිරූපය යුක්‍රේනය තුළ වර්ධනය උනා. එම සිදුවීම මහින්ද රාජපක්ෂ ජනාධිපතිතුමා මානුශික මෙහෙයුම නවතා දැමීමට වෑයම් කිරීමට පැමිණි බටහිර විදේශ ඇමති තුන්කට්ටුවට දුන් ආකාරයේ පිළිතුරක්. දැන් සෙලෙන්ස්කි කළ යුත්තේ මැතිවරණය පැවැත්වීමයි. අවශ්‍යනම් ඔහුට අපේක්ෂකයෙක් ලෙස ඉදිරිපත්විය හැකයි. එහිදී ඔහුට ජනතාවගෙන් ඇසීමට ඇත්තේ යුරෝපා සංගමයට හා නේටෝවට ළැදිව කප්පම් ගෙවමින් තවත් යුද වදිනවාද නැතහොත් මධ්‍යස්ථ රටක් ලෙස යුද්ධයෙන් තොරව පැවතීමට කටයුතු කරනවාද යන්නයි. 

රුසියාවට ඈඳාගන්නාලද භූමිය පිළිබඳව ඔහුට සිතන්නට සිදුවන්නේ දෙවනුවයි. එසේ නොමැතිව අනෙකුත් නේටෝ සහ යුරෝපානු සංගමයේ රටවල් කියනාකාරයට නැටීමට ගියහොත් සෙලෙන්ස්කිට නැවත වරක් මග හැරෙන්නේ යුද්ධයෙන් තොරව සාමයට තිබුන අවස්ථාවක්. සෙලෙන්ස්කිට ඇමරිකාව ඉදිරියේ දණ ගසනවාට වැඩිය ගෞරවාන්විතව සමුගැනීමට මෙය අවස්ථාවක් විය හැකියි.