එක පවුලක් මාසයකට රු. 40000ක් බදු ගෙවද්දී: බදු වංචා කළ ව්‍යාපාරිකයන්ගේ පොලී කපන්න ආණ්ඩුව ලෑස්ති වෙනවා – පුබුදු ජයගොඩ
බදු වංචා කළ මහා පරිමාණ ව්‍යාපාරිකයන්ගේ පොලී කපා හැරීමට ආණ්ඩුව සූදානම් වන්නේ යැයි පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා ඊයේ පැවසීය.
ශ්‍රී ලංකාවේ එක් පවුලක් මාසයකදී රුපියල් හතළිස් දහසක බදු ප්‍රමාණයක් ගෙවිය යුතු පසුබිමක මෙසේ ව්‍යාපාරිකයන්ගේ බදු කපා හැරීමට ආණ්ඩුව සූදානම් වන්නේ යැයි ද හෙතෙම චෝදනා කළේය.
පෙරටුගාමී සමාජවාදී පක්ෂය ඊයේ (28 දා) දින නුගේගොඩ දී පැවැත්වූ මාධ්‍ය හමුවක දී ජයගොඩ මහතා මේ බව කීවේය.
ඔහු මෙසේ ද කීවේය.
ලංකාවේ නීතියට අනුව රජයට ගෙවිය යුතු බදු නොගෙවා වංචා කළොත් ඒගොල්ලන්ට සිද්ධ වෙනවා එයට අදාළව නිශ්චිත දඩ මුදලක් සහ පොලියක් ගෙවන්න. හැබැයි ආණ්ඩුව මේ වෙද්දි සූදානම් වෙනවා ඒ දඩ මුදල සහ පොලිය කපා හරින්න. ජනාධිපති අනුර දිසානායක ජනාධිපතිවරයාගේ අයවැය ලේඛනයේ තාක්ෂණික කරුණුවලට අදාළ කොටසේ 1.9 වගන්තියේ සඳහන් වෙනවා 2022 – 2023 අතර කාලය දක්වා නොගෙවපු බදු මාස 6ක් ඇතුළත ගෙවනවනං 2017 අංක 24 දරන දේශීය ආදායම් පනතේ සහ 2022 අංක 14 දරන බදු පනතේ සඳහන් වෙන හිඟ බදු මුදල් සඳහා වන ප්‍රතිපාදන අදාළ වෙන්නෙ නෑ කියලා.
අපි දන්නවා 2017 අංක 24 දරන දේශීය ආදායම් බදු පනතේ 157 වගන්තියේ සහ කියන විදිහට බදු ගෙවන පුද්ගලයා නියමිත බදු නොගෙව්වොත් ඒ සඳහා නියමිත පොලියක් ගෙවන්න ඕන. 159 වගන්තියේ නිශ්චිතවම සඳහන් වෙනවා මාසෙකට 1.5%ක පොලියක් අයකරගත යුතුයි කියලා. ඒ කියන්නේ අවුරුද්දකට 18%ක පොලියක් ගෙවන්න ඕන. මීට අමතරව 25%ක දඩ මුදලක් ගෙවන්න ඕන. දැන් අයවැය අනුව කියන්නේ පනත අදාළ නෑ මේ අයකරගත යුතු මුදල ආණ්ඩුව අයකරගන්නෙ නෑ කියල ද ?
අපි උදාහරණයක් ගත්තොත් මෙන්ඩිස් සමාගම සුරාබදු හැරුණාම රුපියල් බිලියන 1.5ක් ආදායම් බදු නොගෙවා වංචා කරලා තියෙනවා. ඒ කියන්නේ රුපියල් කෝටි 150ක මුදලක්. එතකොට මේකට අවුරුද්ට 18%ක පොලියක් ගණනේ ගණං හදලා බැලුවොත් අවුරුදු පහකදි රජයට ලැබෙන්න ඕන 90%ක විතර විශාල පොලියක්. ඒ කියන්නේ මේ සමාගම නොගෙවපු බදු සඳහා තව කෝටි 100ක විතර පොලියක් ගෙවන්න ඕන හරි නම් රජයට. හැබැයි දැන් ආණ්ඩුව කියන්නේ ඒ කෝටි 100ක පොලිය අපිට එපා නොගෙවපු බදු කෝටි 150 විතරක් ගෙවන්න කියලා. මේ කරන්න හදන ජනතා ද්‍රෝහී ක්‍රියාවෙන් කෝටි ගාණක් රජයට අහිමි වෙන්න නියමිතයි.
අපි දන්නවා 2023 මාර්තු ඉඳලා 2024 දෙසැම්බර් දක්වා විතරක් සමාගම් වංචා කරපු බදු ප්‍රමාණය රුපියල් බිලියන 243ක්. පාර්ලිමේන්තු ක්‍රම සහ විධි කාරක සභාවේ වාර්තාව කියන විදිහට රුපියල් බිලියන 1068ක් තියනවා නොගෙවපු බදු. එතකොට මේවට මේ සමාගම් රුපියල් කෝටි 40,000ක් 50,000ක් අතර පොලියක් රජයට ගෙවන්න ඕන. එතකොට මේ විශාල ආදායමක් තමයි ආණ්ඩුව අහිමි කරගන්න සූදානම් වෙන්නේ. මේ කවුරු සතුටු කරන්න ද ආණ්ඩුව මෙහෙම ප්‍රතිපත්ති ගේන්නෙ. සාමාන්‍ය ජනතාව මත ගන්න හාල්, පොල්, සීනි ටිකේ ඉඳලා අධික බද්දක් ගහලා තියෙන්නේ. ළමයින්ගේ පාසල් උපකරණ වලට විශාල වැට් බද්දක් ගහල තියෙන්නේ. ඒවා එක දශමයක් අඩු කරලා නෑ. හැබැයි කූට ව්‍යාපාරිකයන්ට කෝටි ගාණක සහන දෙන්න ආණ්ඩුව සූදානම් වෙනවා.
සම්බන්ධිත පුවත් | Related News
ප්‍රධාන පුවත්
තෙල් බෙදුම්කරුවන්ගේ සංගමය අඩියක් පස්සට... ඇනවුම් ලබා ගන්නා ලෙස සංගමය දන්වයි
විදුලි සංදේශ වංචාවට සම්බන්ධ චීන ජාතිකයන් 620 කට අධික සංඛ්‍යාවක් මියන්මාරයේ මයාවාඩි ප්‍රදේශයෙන් ආපසු ගෙන්වා තිබෙනවා- චීන මහජන නියෝජිතවරු පවසති
ඉන්දියාව රුසියාවෙන් කරන බොරතෙල් ආනයනය තියුනු ලෙස පහත දමයි
අගමැති දිනේෂ් සහ බෞද්ධ සම්මේලන අතර හමුවක්
ඛනිජ තෙල් සංස්ථාව සතු ඉන්ධන පිරවුම්හල් විදේශ සමාගම්වලට පැවරීමේ සූදානමක්ද? ලංකා ඛනිජ තෙල් බෙදුම්කරුවන්ගේ සංගමයට සැකයක්
රට රැකගත් හමුදාව වෘත්තීමය හමුදාවක් නොවන බව ජනාධිපති පවසන්නේ කාගේ වුවමනාවකටද? විමල්ගෙන් ප්‍රශ්නයක්
අභිචෝදක තනතුර: නීතිය දේශපාලනයට යටකිරීමක් - හිටපු අගවිනිසුරු සරත් එන් සිල්වා
අඛණ්ඩ ඉන්ධන සැපයුම... සංස්ථාවෙන් සහතිකයක්
පාසැල් දරුවන් තුල සංස්කෘතික හර පද්ධතිය හා බුදුදහම අභියෝගයට ලක් කිරිමේ සූක්ෂම මෙහෙයුමක්... ජාතික කාන්තා එකමුතුවෙන් හෙළිදරව්වක් (වීඩියෝ)
රුසියානුවනි! වැලිගම ප්‍රදේශයේ පවත්වාගෙන යන යුක්රේන නාසිවාදියාගේ ආපන ශාලාවට යාමෙන් වලකින්න!- රුසියානු තානාපති කාර්යාලය නිවේදනයකින් කියා සිටියි
ට්‍රම්ප් සහ පුටින් : අවසන් අරමුණ කුමක්ද? නතර වන්නේ කොතැනද? විශේෂ සාකච්ඡාවට ඔබත් එක්වන්න
එක පවුලක් මාසයකට රු. 40000ක් බදු ගෙවද්දී: බදු වංචා කළ ව්‍යාපාරිකයන්ගේ පොලී කපන්න ආණ්ඩුව ලෑස්ති වෙනවා – පුබුදු ජයගොඩ
මේ ආණ්ඩුව වට්ටන එක හීනයක් – ජනපති අනුර කියයි
යුක්‍රේනයේ රූකඩ පාලනය සහ යුරෝපීය අනුග්‍රාහකයින් පරාජය කරන බවට මම සහතික වෙනවා.... රුසියානු තානාපති
රාජ්‍ය නායකයෙකුගේ විදේශ සංචාරයක් සිදුවන හැටි සහ වියදම් පාලනය වෙන්නේ මෙහෙමයි - ගෝලීය ශ්‍රී ලාංකික සංසදයේ යසස් ධර්මදාස
යුක්රේන රුසියා යුද්දයෙන් රුසියාවට ජය අත්පත් වී අධිරාජ්‍යවාදී බලවේග පරාජය වුවහොත් පමණයි පීඩිත රටවලට සහනයක් ලැබෙන්නේ- ජ්‍යේෂ්ඨ මාධ්‍යවේදී මොහාන් සමරනායක